طلب معلومات عن عملية زراعة قرنية للعين

السلام عليكم و رحمة الله و بركاته

يا ريت يا جماعة لو اي حد يعرف اي معلومة عن عملية زرع قرنية بالعين يقولها لي ضروري الله يكرمكم
لو حد عملها او يعرف شخص اجري العملية دي يا ريت يوصف الحالة و نتائج العملية و فين عملها

ايه أفضل الأماكن اللي ممكن يتعمل فيه عملية زرع القرنية و تكون أماكن موثوق في أمانتها طبيا و بتستورد قرنيات من أماكن معروفة ؟؟ يعني عندهم ضمير و مش موضوع تجارة زي ما بنشوف الأيام دي للأسف

لو حد يعرف إستشاري عيون متحصص في عمليات زراعة القرنية في القاهرة ؟؟ يا ريت يقولي عليه

التكلفة الإجمالية للعملية كام ؟؟


جزاكم الله كل الخير و ربنا يحفظنا جميعا و يديم علينا نعمة الصحة و العافية

حقول لحضرتك بناء على تخصصي في طب المناطق الحارة والمناعة

من انجح العمليات في العالم لان القرنية مفيهاش اوعية دموية وبالتالي الدم مش بيدخلها وبالتالي صعب يحصل ليها رفض انسجة

ولكن ايضا هي وسيلة لنقل الامراض زي السعار والايدز وبقية الامراض

مشروعة في معظم انحاء العالم, بس المهم التأكد من المتبرع انه ميكونش سبب وفاته مجهول

شكرا يا دكتور أحمد علي رد حضرتك
كلام حضرتك مظبوط و انا عملت الموضوع دا عشان انا محتاج اعرف مستشفي او مركز متخصص في زرع القرنية و يكون محترم و بيراعوا ربنا في الموضوع دا من حيث كل ما يخص القرنية الجديدة سواء مصدرها و طريقة حفظها و مدة حفظها و سبب وفاة صاحبها منعا لنقل الأمراض و الفيروسات

و طبعا الشي المهم هو مدي مناسبة القرنية للشخص اللي هتتزرع له يعني عدد الخلايا بتاعتها وحجمها

انا نفسي الاقي حد يكون عمل العملية او يعرف حد عملها يقولي عملها عند مين من الدكاترة


و يا ريت يا جماعة لو حد يعرف استشاري عيون كويس يبعتلي اسمه


جزاكم الله خيرا