هام جدا للناس اللى عندهم مشاكل فى الفتيس الdsg.....

يا جماعة أنا سبق و كنت شاركت إن عندنا فى الشركة عربية توران موديل 2010 و العربية فيها مشاكل كبيرة فى الفتيس الDSG زى ما كل الناس عارفه و سمعته دلوقتى بقت سبقاه........

إحنا طبعا موصلناش مع التوكيل لشىء يذكر و كلمنا ألمانيا الشركة الأم و للأسف رد الفعل ضعيف جدا و حتى الأن لسه مرضوش بحل نهائى...و ده اللى مخلى التوكيل مش فارق معاه أى شىء لأن الشركة الأم نفسها لا تتحرك.......

الخطوة التالية هى حماية المستهلك و قضية.......يا ترى هل فيه حد مشى فى الموضوع ده قبل كده....حد إشتكى فى حماية المستهلك من الفتيس الdsg.....

يا ريت نساعد بعض علشان المشكلة تبقى ضخمة و مش فردية و نعمل شكوى جماعية فيكون فيه تحرك أقوى.....

مستنى مشاركة كل اللى إشتكى أو اللى لسه ما أشتكاش.....

إحنا معانا محامى و بنحضر الورق علشان نعمل الشكوى....لو حد عايز يقدم أى شىء يا ريت يشارك....

و شكرا ليكم مقدما........

لو العربية وكيل وداخل الضمان حماية المستهلك هتجيبلك حقك لغاية عندك

اما لو العربية خليجى حماية المستهلك مش هتسمع باقى التفاصيل الى انت

عاوز تقولها وده عن طريق تجربتى المريرة على مدار سنه ونصف بلعنة

الفتيس الفااااااااااشل ال dsg فتيس المانى يشخشخ بعد 6 شهور والله

ده لو توكتوك صينى هيطول باله على الاقل سنه لما يعمل بحقه

وعلى فكرة وملحوظة لجميع الاخوة عيب الفتيس لسه موجود حتى فى موديلات

2011 وهو موجود مع الاخ صاحب المشاركه فى موديل 2010 وموجود معايا

فى موديل 2009 ارجو من الجميع الحذر من هذا الفتيس حتى لايخسر احد

وهذه نصيحه لوجهه الله

ومع اسفى الشديد العيب دا هيفضل موجود حتى 2120 لان بصريح العباره الفتيس دا مينفعش فى مصر حتى لو راكب على بورش لان التجارب اثبتت ان ضعيف فى البيئه الرطبه او اللى الرطوبه فيها عاليه زى مصر دا بجانب انو مصمم للبلدان زى المانيا كدا فى معظم اوقات السنه جليد

احب اعرفكم بنفسى انا اول واحد فى مصر خد مقلب dsg جبت باسات tsi يناير 2009 اول كام يوم انبهرت بالعربيه من قوة سحبها لكن اول ما ابتديت اروح بيها الشغل و امشي في وسط البلد خدت صدمة عمرى الفتيس بيشخلل فى عربيه لسه معلقه نمر وعلى فكره مش دى المشكله المشكله ان اول الفتيس ما يسخن العربيه ترعش فى الطلعه و تقعد تمرجح فيك كل ما تسيب او تدوس بنزين
رحت التوكيل حوالي 22 مره و غيرت الفتيس مرتين و المشاكل هى هى
بالنسبه لحماية المستهلك هيضغط عليهم بس لازم الفتيس يكون بايظ بالكامل او سعادتك تصمم انك مش راضى و فى الحاله دى يتم تشكيل لجنه فنيه من اساتذه كلية الهندسه لاصدار التوصيه النهائيه اللى ممكن تكون في صالح الوكيل بعد ما تدفعلك رسوم 1000 جنيه تقريبا و الموضوع ده عن تجربه
عايز نصيحتي الحق بيع العربيه قبل ما سمعتها تتنيل اكتر من كده زى ما انا عملت و اعتبر انك اشتريت صحتك و راحة بالك بالفلوس اللى ها تخسرها