الي الاستاذ طارق زويل وكل خبراء الانسر

السلام عليكم ورحمه الله وبركاته
انا عندي لانسر 2000 اتوماتيك 1300 سي سي عامله 132000 كم
في مشكله ظهرت عندي وهي انني وانا بمشي علي سرعه من 60 الي 70 طم بلاقي في نتشه في السيارة ولاقي ان الفتيس منور لمبتين في التابلوة الاولي علي ال D والثانيه علي N ولكن لمبه ال D ثابته و N [تدي اضاءة فلاش ( متقطعه)
الموضوع دة حصل مرتين عندي وما بيخلصش الا لما اوقف العربيه واقفلها خالص وادورها مرة اخري
هل هذا موشر علي مشكله في الفتيس ولا دة عادي
مع خالص الشكر مقدما

أعتقد دة بيحصل لما تفصل البطاريه
Till automatic transmission chip get re-programmed

ولو أسستمر يبقى زيت الفتيس ولازم تكشف عليه على طول.

استاذ حسن أهلا بيك

انا عرضت مشكلتك على مدير الاستقبال بمركز الخدمة الرئيسي وافاد بالآتي

عند اضاءة لمبة N بالتابلوه اثناء السير فهذا يعني وجود عيب في الفتيس الأوتوماتيك أو الحساسات المشغله له ، وهذا يعني ضرورة الذهاب لمركز خدمة للكشف والفحص بجهاز الكمبيوتر الذي يتم توصيله بالسيارة لتحديد العيب
علما بأن الكشف بالكمبيوتر يتكلف حوالي 150 جنيه

إفصل البطاريه بليل و وصلها تاني الصبح وجرب لو مظبطتش روح إكشف على ال ECU بتاع الفتيس ذي ما قال مهندس طارق

Thanks
Eng.Sherif Shaker

شكرا لكل من شارك في مناقشه المشكله وجعله الله في ميزان حسناتكم
ا / طارق انا اسف بس انا من البحر الاحمر ( الغردقه ) هو في مراكز خدمه في البحر الاحمر ولو مافيش ازاي احجز في القاهرة علشان انا ساسافر وارجع في نفس اليوم وشكرا لك

استاذ حسن
هو للأسف مفيش مراكز خدمة في البحر الأحمر انما حضرتك ممكن تيجي في اي وقت في مركز الخدمة الرئيسي في قليوب بس يا ريت يكون بدري شوية ومش يوم سبت وباذن الله يتكشف عليها علطول

شكرا استاذ طارق وربنا يبارك فيك

كما هو مكتوب في الكتالوج ستجد سببه نقص زيت الفتيس و سخونته عن المعتاد و جرب تغير زيت الفتيس و ستختفي المشكلة و لو ظهرت اذهب للتوكيل