الموضوع: بيان رقم (4) للاعضاء:عن ريموت الصنى اللى حنجيبه من الخارج قريبا .. ومعلومات عن الشحنة

لحظة من فضلك
توضيح هام جدا

برجاء التركيز فى قراءة الموضوع

* موضوع الريموت القديم تم غلقه
لحين وصول الشحنة المطلوبة للاعضاء اللى حجزته

* لما الشحنة توصل باذن الله حنفتح موضوع فيه كل التفاصيل عن كيفية استلام الاعضاء للريموت

* بعد تسليم الاعضاء الريموت على خير ان شاء الله
سوف يفتح موضوع جديد بطلبات جديدة يتم فيه تجميع العدد والاسماء

توضيح هام للاعضاء

* موضوع الريموت ده من الموضوعات الخدمية لرابطة وجروب اعضاء نيسان والصقور .. وليس فيه اى نية للتجارة والمنفعة الشخصية لان .. فحبينا بس ننوه عشان الناس تكون عارفة

* ويكفى ان محمد الشناوى ذكر ووضح للجميع ان اى ريموت حيجى .. لو لاقدر الله فيه كسر فى البلاستيك اللى فيه..
حيتحمله مش العضو

* ويكفى ان الموضوع ده فيه حرق اعصاب لمحمد .. لغاية ما لحاجة توصل بالسلامة .. وانا حاسس بيه فعلا .. كفاية ارساله ثمن الشحنة كلها على حسابه .. بدون ما ياخذ من عضو اى عربون او سعر الريموت كامل لضمان الجدية

فتحية وتقدير

لمحمد الشناوى على حبه وتقديره للاعضاء .. اللى بيدل على انه شخصية نادرة فى الزمن ده باخلاقه واحترامه وحبه للناس
وبصراحة شرف لينا وجوده معانا فى موقعنا نايل موتورز
وشرف لينا نكسب صدقته ويكون بينا دايما
وجزاه الله خيرا عنا جميعا

اليكم صور للشحنة قبل وصولها الى مصر
توضح جودة المنتج وتفاصيل الشحنة القادمة

الحاجة ليها فواتير وكل حاجة مع محمد واللى عايز يتاكد من سعر الريموت وتكالف شحنه حيشوف بعينه واحنا بنسلمه الحاجة

وعايز بس اقول حاجة صغيرة ومهمة

ممكن الريموت نشوفه فى موقع تانى وفى شركة تانية ارخص
ولكن اللى بيخلى الاسعار تفرق من شركة لشركة هو العروض اللى نازلة بيها .. يعنى مثلا عاملة عليها تخفيض ينافس الشركات الاخرى .. وكمان بيفرق جودة المنتج .. وكمان بيفرق شركة الشحن اللى بتشحنلك الحاجة الى مصر .. لان كل شركة شحن ليها اسعارها

صورة ريموت الصنى الشكل الجديد

صورة ريموت الصنى الجديد ومعاها الجلدة بتعته ومعاه العلامة الكروم اللى بتتلزق عليه

صورة جلدة الريموت اللى الناس طلباها للريموت القديم
ومعاها مفاتيح ومعاها ريموت التيدا وريموت الصنى القديم عشان محمد طلب واحد قديم كمان للصنى

شكل ريموت التيدا من الداخل
وكان مفروض نشحن منه 10 والعدد مش اكتمل .. فمحمد طلب منهم عينة منه .. وا
خدها عشان عرفت ان جاي معاها الفحمة اللى بيتبرمج عليها الريموت .. والعلامة الخضرا دى اللى بيتحط فيها الفحمة
وباذن الله لما استلمه حجرب واقولكم ولو نفع يبقا تمام ونحضر نفسنا فى الصفقة الجاية ونبعت ونجيب ريموت للتيدا

ريموت التيدا

جلدة ريموت الصنى القديم اللى معانا فى مصر

صور لبيانات محمد على الطرد
وصورة لشكل الطرد

ودى صورة الجدول اللى فيه اسماء الاعضاء اللى حجزوا فى الشحنة اللى جاية فى الطريق
ولما نبعت لشحنة جديدة حناخد الاسماء اللى ملحقتش واللى عايزة ونجمع من اول وجديد
وملحوظة كل ما نبعت اعداد قليلة بيقل الوزن والتكلفة بتقل
عشان كدا مش بنزود اعداد الاعضاء

هام جدا جدا النقطة الاخيرة

بعد وصول الشحنة وتسليمها للاعضاء .. حيضاف عليها 10 جنيه سعر الاستيكر الفرعى لقسم نيسان وليس الرئيسى للمنتدى .. ودى صورة الاستيكر الفرعى

توضيح فى غاية الاهمية

الهدف من وجود الاستيكر الفرعى مع الاعضاء وقت تسليم الريموت
هو التمييز بين الاعضاء المنتمين للقسم والمتفاعلين دائما معنا بشكل ايجابى
وبين من يشترك لمجرد الاستفادة من الخدمات المتاحة والمقدمة من قبل اعضاء بدون مقابل
فقد تكفل محمدعلاء بعبء المراسلة والتوصل للسعر واهتم بالشحن والحصول على المنتج من اجل الاعضاء حبا فى الله وليس لاى غرض ربحى او فائدة تعود عليه
حيث انه ينتمى لجروب قسم نيسان المترابط وليس من اجل من لا ينتمى الينا
والاستيكر هو الاداة التى تحدد من ينتمى الينا ويبادلنا الافادة ومن ينتفع بخدماتنا دون ادنى مشاركة ولو كانت بسيطة ورمزية

ولقد حصلنا من الاستاذ كريم منير على تخفيض سعر الاستيكر الفرعى واصبح سعره 10 جنيه
بدل من 20 جنيه

فى النهاية

صفقة الريموت مفيدة جدا للاعضاء وسعرها ممتاز جدا والاهم انها صفقة ناجحة لرابطتنا رابطة قسم نيسان بكل المقايس .. لان الريموت لو تم طرحه فى مصر فى اى محل مفاتيح .. سعره مش حيقل عن 300 جنيه او اكثر
ومحمد حيجبهولنا ب 55 جنيه وعليه الاستيكر الفرعى يعنى 65 جنيه
سعر روعة بسم الله ماشاء الله

يارب الحاجة توصل بسلام باذن الله .. والكل يستمتع بيها ان شاء الله

تحياتى منسق القسم