عرض للطباعة
الحكاية يا جماعه ان التانك كان فيه عشره لتر أو اقل ( المؤشر كان مدينى شرطتين) وكان بنزين 90 حطيته غصب عنى عشان ماكانش فيه 92 .. المهم جيت امون رحت حطيت 92 وفولت للآخر لحد الزور ودورت العربية متوقع يكون المؤشر كامل فوجئت انه مدينى شرطه ناقصة مع انى كنت واقف جنب الراجل وشفته بعنيا فول .. مشيت بيها حبه و بطلتها و سبتها ساعه ورجعت دورت نفس القصة شرطه ناقصة .. حد عنده تفسير؟
يأما الراجل مثلا زود فنزل بنزين على الارض فموصلش للاخر مثلا مع ان ده تفسير استبعده ... ياما الكمبيوتر كان مهيس ساعتها بس انتا بتقول مشيت بيها وجربت هل ممكن تكون استهلكت الشرطة اللي هنعتبرها بجد دي مثلا ...على افتراض ان ساعتها كان مهيس مثلا ...... بس عموما بسييطة ان شاء الله وجرب تفول تاني واتاكد بنفسك وشوف اليلة ماشية ازااي
ممكن العوامه تكون معلقه و لا حاجه جرب هز العربيه بإيدك من عند الشنطه كده جامد كذا مره ورا بعض و شوف ايه اللى هيحصل
يفضل اعادة تجربة ملء التنك ومعاينة المؤشر مرة أخرى وإلا عليك وعلى التوكيل فوراااااااااااااااااااا لان المؤشر لو لم يقدم القراءة الصحيحة ممكن يعمل مشكلة حيث يشير لقراءات غير صحيحة ممكن تسبب مشاكل لحضرتك
لو متأكد انك فولت لحد الزور (وشفت البنزين بعينك) ، تبقى حاجة تحير فعلاً ..
لكن لو فولت لحد الزور اعتماداً على ان مكنة البنزين بتفصل لوحدها ، يبقى كده فيه مخرج وهو ان مكنة البنزين هى اللى بتهيس وبتفصل عشوائى ..
وإعمالاً لهذا الاحتمال ، استنى لما البنزين ينزل كمان شرطة واللا اتنين وفول تانى من مكنة تانية وشوف ايه الأخبار.
هاستنى وأفول تانى .. شكرا لمشاركتكم يا جماعه
البنزين بيعمل حركة كده زى فوران البيبسي و العربية بتمون
مش معنى انه وصل للزور يبقى العربية فاولت
لازم عامل البنزينة يفضل يتك و يسيب كذا مره على المسدس عشان تملى للاخر
طيب و هل الفوران و الهبوط ده يعمل فرق شرطه بحالها؟ دي الشرطه توازي تقريبا 5 لتر .. عموما انا مسافر التلات بإذن ربنا هابقى أفولها لما ارجع واشوف
الحركة دى كانت بتحصل مع والدى فى عربيته كان لما يملى التنك على اخره والمشكلة كانت فى العوامة حضرتك يشوف التوكيل حايحل الموضوع ده باذن الله
طيب هل كانت بتدي مؤشر غلط بإستمرار ولا ف أول شرطة بس ؟ يعنى ع الطريق ممكن تدينى قياس غلط تلخبطنى ؟ المشكلة ان لسة بدري علي ماروح التوكيل و كمان فرع اسيوط باحس انهم ماسمعوش ان رينو نزلت موديل اسمه لوجان .. عموما هافول تانى واشوف لو الحكاية استمرت تبقى العوامة فعلا .. متشكر جدا لمشاركتك وربنا يقدرنا نفيدك
انت فولت كام لنر ياوسيم؟؟