انا شوفت نيو اكسنت والنترا وتويوتا افانسا ولانسر وصني
وكل دول كانوا اسود في ابيض
عرض للطباعة
انا شوفت نيو اكسنت والنترا وتويوتا افانسا ولانسر وصني
وكل دول كانوا اسود في ابيض
انا شفت كروز قبل كدا
انا شوفت 2 تيدا تاكسي ابيض و انا مروح ع الدائري الساعه 5
ههههه احنا دولة فقر حتى في تكوستها
افتكرت موقع كنت شفته من فترة
هامر
http://www.provehicles.co.uk/images/...ummer_taxi.jpg
مايباخ
http://www.provehicles.co.uk/images/...ybach_taxi.jpg
بورش
http://www.provehicles.co.uk/images/...rsche_taxi.jpg
لامبوووو
http://www.provehicles.co.uk/images/...ghini_taxi.jpg
يمكن شوية كانوا إعلان بس برضه .... اشووفه
إضافة من بره السيت
http://www.casafree.com/modules/xcga...%20ferrari.jpg
http://i.imgur.com/QK2xv.jpg
http://i.imgur.com/MIc7q.jpg
لا تعليق
إضافة تانية يمكن مش معروفة للجميع
في ناس في دول معينة بتقلب عربيتها الملاكي تاكسي عشان تمشي من اماكن مش مسموح للملاكي
زي حارة الأتوبيس على طرق انجلترا
فـمش ضروري يكون تاكسي صرف
باك تووو توبيك
عادى انا من الشرقية وعندنا شيفرولية كروز تاكسى
حسبي الله ونعم الوكيــــــــــــــــــــ ـــل
عشت و شفت باسات عليها شبكة سقف ...هههههههههههه
مش كفاية متعقدين من الملاكي هايبقى التاكسيات كمان يا ربي
الحمد لله بجد ان احنا معنداش العربيات دي ... عارف لية؟ لأن مع العربيات التعبانة بتاعتنا ال1600 و 1300 و العيال بتجري من غير ظابط ولا رابط و بنشوف حوادث بالهبل:00020140:... امال لو العربيات دي عندنا اية اللي ممكن يحصل !! لازم المرور يتظبط الأول :)):crashcomputer3:
:redeye:
محدش عايز مهندس سواق في الكويت .... :)))
اللهم لك الحمد ..
غيرنا بيعملوا جمعية عشان يشتروا عجله أو موتوسيكل صيني
وإحنا بنتقلب في نعم ربنا .. ومش عاجبنا
اللهم رضنا بما قسمته لنا
انا كمان شوفت قبل كدا لوجان تاكسى ابيض
معيا فى الجراج كروز تاكسى
2 نيسان صنى تكسى
الانترا
و تيوتا كرولا و ميجان
بس دول بيشتغلو مطار بس و صحبهم اسمو احد العبد
و عندوكتير من ده
السلام عليكم و رحمة الله و بركاته
آه عاوزين, بس لازم يكون معاك رخصة قيادة السيارات الفارهة و الغالية, يعنى تطلع الرخصة بتاع سواقة العربيات المايباخ و الجاجوار و الأستون مارتن و الفيرارى و كده, عشان دول بيبقالهم رخصة معينة لأن الرخصة العادية ماتنفعش.
أنا بهزر طبعا, اوعى تصدقنى.
عادى ما تستغربوش اوى كده
انا قضيت سنتين فى اسماعيلية فى الجيش وكنت باركب هناك نيو اكسنت ولانسر بومة وكورولا جديدة
واغلبهم بيجيبوها مش تاكسى بس
مرة سألت واحد معاه لانسر بومة قالى فلوس مركونة فى عربية محترمة عشان لما اتزنق ابيعها أوأحولها ملاكى واريح دماغى
وكده كده بيبقى صاحب العربية هو اللى سايقها يعنى هايحافظ عليها
من اسبوع كنت فى شرم الشيخ هناك صنى وكورولا قديم وجديد بالهبل والفيرنا زيرو شبه عملة نادرة وكمان بى واى دى منتشرة واللانسر وسيراتو كمان قدام المطار والفنادق ونعمة وغيرها ونمر اجرة مش سياحة يعنى مدفوع جماركها
بي ام الفئة السابعة مودبل حدبث يعني فوق 2005 ناكسي ابيض في اسود كانت بتقف قدام الفور سيزون بس دلوقت مش باشوفها
لعلمك يا دونزى الكيا بيكانتو فى بنى سويف عاملة احلى شغل كاتاكسى
اولا يا دونزي انتي مشكلة انا لما جيت اقرا تعليقاتك و امضيتك ناديت علي مراتي و عاملين نضحك مش عارفين نبطل ضحك هههههههههه
بالنسبة بقي لموضوع تحويل العربية للغاز الطبيعي للوتوماتيك .. الموضوع ده يا جماعة عادي جدا جدا و انا اعرف شركة من شركات الغاز الطبيعي و اتكلمت معاهم كتير في حتة التحويل للغاز الطبيعي بس طبعا مش لعربيتي بعد الشر عليها من الغاز الطبيعي
لاقيتهم محولين انواع عربيات كتيرة جدا جدا و ماركات مختلفة بالذات انهم بيطوروا من نفسهم كتير و كمان ده في عندهم امكانية بتزيد الف جنيه للعربيات الانجيكشن مخصوص و حولوا عربيات كتير و منهم علي فكرة النيسان صني و انا شوفتها بنفسي و اوتوماتيك
فأنا عن نفسي بعتبر اللي عامل النيسان صني بالذات تاكسي بدون تحويلها لغاز طبيعي يبقي ده كل معادلاته غلط في غلط لان كلنا نعرف ان الصني تكنولوجية موتورها عالي و قدام كده بيبقي استهلاك البنزين عالي شوية
بعكس التيدا معدلاتها في الاستهلاك معقولة جدا بتقارير الاعضاء هنا في القسم فلو محولهاش لعاز طبيعي اعتقد انه مش هيخسر كتير و بعدين التاكسي دلوقتي مطلوب جدا جدا في اي مكان و صعب انك تلاقي تاكسي فاضي الايام ديه
يبقي كده المعادلة اتظبطت ان مع الشغل الكتير مع عربية محترمة يبقي مش هيفرق معاه قطع غيار للعربية مع الاستخدام السليم ليها و انتوا عارفين ان اي عربية جديدة مش بتطلب قطع غيار الا بعد 5 سنين علي الاقل مع الاستخدام المحترم للعربية
هقول لكم بقي ايه اللي العربيات اللي فعلا بترخم علي شركات الغاز الطبيعي في التحويل .. مش هتصدقوني .. العربية الاسبرانزا 516 .. فعلا الشركات بيشتكوا من العربية ديه عند التحويل
السلام عليكم و رحمة الله و بركاته
لاااااااااااااااااااااااا أ يا فندم, كل حاجة و ليها أصول, مش سايبة هى !!!!!!!!!.
لازم يكون حاصل على دبلوم غسيل سيارات فارهة و رياضية + خبرة 3 سنين و يكون ايده ناعمة و معاه اللى يثبت أنه كان بقاله 10 سنين أو أكتر بيحط كريم نيفيا المستورد مش المصرى أو كريم جليسوليد, المستورد برضه مش المصرى.
ايه المواضيع والاخبار الجامدة دى يا دونزى
فعلا حاجة غريبة ان الواحد يشوف بينى وبينك تاكسى تيدا
هو بالنسبة للتاكسيات لو اتعمل مصلحة لان العربية واسعة جدا .. ومصلحة اكتر ان تنتشر اكتر العربية اللى اصبحت فى طريقها الصحيح لانتشار .. خصوصا لاى واحد عاوز عربية محترمة مفهاش وجع دماغ
بس دلوقتى فعلا مبقاش مقياس .. تويوتا وكمان سيراتو وغيره وغيره عمالين تاكسى
بس اظاهر الاغلب انهم غاز طبيعى .. عشان يقدر يتحمله السواق ويوفر معاه
مش ناوية بقا تغيرى الريو وتجيبى تيدا هاتش باك
هااااااااااااااا .. وانا اعملك صيانتها بايدى والله
:b4_388: صح كلامك يا معلم عربية استغفر الله العظيم فى كل حاجة
بصراحة لما باشوفها ماشية فى اى حتة بتجيبلى العصبى خاصة شنطتها اللى بتفكرنى بواحد مخبوط على قفاه
مرة كنت راكب مع تاكسى ابيض اسبيرانزا من رمسيس لمصر الجديدة ولسه بلاستيك الكراسى والتابلوه عليها
بافتح الازاز الامامى ناحيتى قدام ما فتحش الزرار بايظ والحمد لله قولتله يفتحه يمكن يكون قافل اللوك طلع الزرار معلق وفتحلى الازاز من بابه
شوية ودخل يمون غاز من غمرة قعد ييجى ربع ساعة بعدها العربية ما دارتش عالطول قولت ماشى
جاى طالع كوبرى احمد سعيد ونازل منه العربية عدت على فاصل من الكوبرى هوب ولقيت العربية بتزمر صوت انذار كده
باقوله فى ايه قالى الشنطة فتحت من المطب !!!!!!!!!!!!
ركن ونزل يقفلها قدام الكاتدرائية
المهم وصلت بالسلامة ولما نزلت حلفت 100 يمين ما انا راكب اسبيرانزا تانى تاكسى
الغريب بقى انى اعرف دكتور عنده اسبيرانزا 516 مانيوال مو2007 او 2008 وصنى اتوماتيك ex saloon مو 2010
كل ما اشوفه يسألنى ع الصنى عاملة معايا ايه ويسب ويلعن فيها وفى سواقتها وبنزينها وقعدتها وبيقول قصايد شعر فى الاسبيرانزا !!!!!!!!!!!!!!!!!!!!!
بس نقول ايه ارزاااااااق بقى
ممممممممممم اعتبر دا مدح ولا ذم ؟؟
قعدتوا تضحكوا من منطلق ..... ايه البنت العبيطة دي !!!
و لا قعدتو تضحكوا من منطلق ..... والله دمها خفيف و زي العسل ؟؟؟
اصلها تفرق كتير , قول بسرعة قبل ما انتحر
عموما ربنا يجعلني سبب لضحك الناس دايما وعمري ما اكون سبب زعل او ضيق لحد يا رب
دبلوم غسيل سيارات !!!؟؟؟ دا من انهي جامعة دا ؟؟ هارفرد ولا حاجة اعلى من كدا ؟
خبرة 3 سنين موجود يا فندم
واضح ان ثقافة حضرتك في الكريمات وقفت لحد مرحلة معينة , ينفع أولاي او أوريفلام او الست فيكتوريا ؟؟ و متقلقش كل دول بيتصنعو برة اصلا
و همتك معانا بقى تتوسطلي في الموضوع خلي الواحد يقب على وش الدنيا
مواضيع جامدة ايه بس يا أحمد
دا انا طلعت قديمة اوي و البلد مليانة كورولا و كروز و سيراتو و صني تاكسيات و انا اللي مش دريانة
اتارينا في القاهرة فاكرين نفسنا في العاصمة بقى و متدلعين طلع مضحوك علينا
بس واضح فعلا ان موضوع تشغيل التاكسي سياحة او من و الى المطار او بالمشوار بينفع فعلا مع العربيات دي و ألا مكنوش اشتغلوا و اعتقد ان هما بيكونو مأمنين برضو و بالتالي مش شايلين هم قطع الغيار و لا قدر الله الحوادث اوي يعني
بالنسبة لموضوع التغيير فا تعمل حسابك ان شاء الله بدون مقاطعة كمان تلات سنين لما اخلص اقساط الريو :majd(4): و اكون حوشت بعد ما اسافر اشتغل سايس في الجراجات السابق ذكرها فوق دي تبقى تشوفلي حتة تيدا على ذوقك كدا