ياريت اعرف معلومات سريعة عن البيجو 406 موديل 2001
من ناحية الفتيس الاوتوماتيك وعيوبها بصفة عامة
وهل ممكن يركبلها فتيس عادى لو الاوتوماتيك باظ مثلا؟؟؟؟
شكرا لكم مقدما
عرض للطباعة
ياريت اعرف معلومات سريعة عن البيجو 406 موديل 2001
من ناحية الفتيس الاوتوماتيك وعيوبها بصفة عامة
وهل ممكن يركبلها فتيس عادى لو الاوتوماتيك باظ مثلا؟؟؟؟
شكرا لكم مقدما
العربية محترمة وكويسة فيها مشكلة الفتيس انه بيحتاج تغيير زيت كل 20 الف كيلو والزيت تمنه حوالي 500 جنيه احيانا بتحتاج تغير معاه بلوف وتمنها حوالي 600 جنيه
دي تقريبا اكبر مشكلة
اما ميزات العربية موتور محترم 2000 سي سي 135 حصان والموديل الاحدث 145 حصان
ثبات ماشاء الله عالي وامان على الطريق فيها abs و esp و ebd
2 ايرباج وامكانية فصل اليمين في حالة وجود كرسي اطفال
مرايات كهرباء وتعتيم ذاتي
حساس للمطر
مستويات لنور الكشافات
وباقي الكماليات العادية
بالنسبة لتحويل الفتيس لمانيوال ينفع طبعا وفي ناس كتير بتحوله ولو بتحب سواقة المانيوال بيبقى جامد مع الماتور ده
انا معايا واحده مانيوال و السواقه غير الاتوماتيك تماما وهم بجد وعلى فكره الفتيس المانيوال موجود عادى بس عشان يبقى مضمون جيبه من بورسعيد قطع الغيار غاليه شويه بس معمره انما الاكسسوارات غاليه زى اكسسوارات الصالون والمرايات والاكصدامات وهكذا وغير كده اوعى تهمل اى حاجه فيها ولازم الصيانات الدوريه تبقى فى وقتها غير كده العربيه محترمه جدا وبرستيج عالى جدا
الف الف شكر لردودكم الغالية وفعلا افادتنى