طلب اقتراحات لتظبيط فيات 131

**hazem_khidr** · 21-05-2008 03:53 AM

:) ولا حقدر اقول نص كلمه ..... 100 100

انت بتسمع محمد فؤاد يا باشا و لا ايه

ههههههههههههههههههههههههه .
الباشمهندس مهاب قل اللي فيه الكفايه فعلا
و هو ادري و موضوع العزل فعلا مهم جدا بس سقط مني.
..............
حاجه كمان صحيح
لو الابواب اول مره تتفك بيبقي فيه ضوافر بلاستيك سوده علي نواكل الزجاج
حافظ عليهم و خدهم معاك البيت لانهم لو ضاعو مش حتلاقيهم
و خدهم للسمكري و هو بيقل لانهم لما بيضيعوا بيبقي منظر النيكل مش تمام

**michohat** · 21-05-2008 09:16 AM

السمكرى قالى انه مفيش شغل ناحية التابلوة ولا فى الدواسات فمكنش محتاج يفك التابلوة ولا العازل اللى حوالين الفيتيس والحوض
هيا العتب بيتغير كلو ولا ينفع لو حته من باظت تتغير لان السمكرى غير اللى بايظ بس وقال الباقى سليم ؟

ودعواتكم لانها اهه داخله فى اسبوعها الثانى ولسة عند السمكرى والجدول الزمنى اللى كنت عاملة باظ اعمل اية بقى فى الصنايعية محدش بيصدق فى مواعيد

**hazem_khidr** · 21-05-2008 06:03 PM

هيا العتب بيتغير كلو ولا ينفع لو حته من باظت تتغير لان السمكرى غير اللى بايظ بس وقال الباقى سليم ؟

بيتغير الحته اللي فيها بارومه و بس
مش لازم تغير العتبه كلها
و لو العتب بتاع بلاده و السمكري نضيف و لازم يغير العتبه كلها
بيقطع العته القديمه من عند الشفه و يقطع الجديده كمان و يلحم علشان يحافظ علي بنط الفابريكه.

ودعواتكم لانها اهه داخله فى اسبوعها الثانى ولسة عند السمكرى والجدول الزمنى اللى كنت عاملة باظ اعمل اية بقى فى الصنايعية محدش بيصدق فى مواعيد

ربنا معاك بس ما تتوقعش انها تخلص في اقل من شهر و لا شهر و نص.
انا كنت بشد العربيه في شهرين و السمكري بيشد في شعره مني لان اصغر الاشياء كنت بهتم بيها
و هيا دي اللي تظهر العربيه .:)

**michohat** · 25-05-2008 10:23 AM

فى شوية استفسارات يا شباب
هيا الشبك الامامى والفيبر الاستيراد للفيات ال 131 الاقية فين انا من محافظة الشرقية وعاوز اعرف مكان حاجته مضمونة ومش ضرورى يبقى قريب منى
وعند رش العربية بتاع الدوكو قالى انه مش هينزل الدوكو القديم كلة هينزل المناطق اللى كان فيها شغل عند السمكرى هيصنفر ويمعجن على الدوكو القديم وهيرش كلة فرن فهل ده صح انا متهيأ لما يكون طبقة دوكو قديم فوقها معجون فوقها دوكو جديد كده هتبقى كتير وفيها احتمال انه يطق بعد شوية
فهل ده صح؟

**hazem_khidr** · 25-05-2008 03:17 PM

روح عزبه شلبي في طريق مسطرد.
او وكاله البلح
او بور سعيد
او المنصورخ ممكن كمان تلاقي فيها بس حتبقي اغلي حاجات بسيطه.
..............
قولي للبوهيجي يجيب مزيل و يشيل كل اللي علي جسم العربيه
و لما يتشال حيظهر كمان شويه سمكره تروح تعملهم و ما تكسلش.
البوهيجي عاوز يريح دماغه .

**michohat** · 25-05-2008 09:28 PM

يعنى انهى الافضل انى اشيل الدوكو القديم ولا اسيبة ولو سبتة كده يبقى غلط لانه من الواضح ان التكلفة هتعلى لو شيلتة

**hazem_khidr** · 25-05-2008 09:45 PM

حضرتك مش حتفك كل يوم و باين انك مش عاوز حلول وسط.!
لما تصرف دلوقتي زياده شويه حتفرق معاك بعد كده و العربيه حتعيش اكتير.
............
بالنسبه لسؤالك الافضل طبعا انك تشيل كل الدوكو
لانك لما حتشيل حتشيل المعجون كمان مش الدوكو بس,
و المعجون لما بيبقي كتير بيخلي البويه تطقطق.

**michohat** · 29-05-2008 04:34 PM

دلوقتى الحمد لله خلصت السمكرة و بدأت فى التجهيز للدوكو والرش
السمكرة اللى اتعملت فى العربية كانت فى اعتاب الابواب الاربعه (اترقعوا) و جزء من العتبة ( اتصلحت واترقعت) وتنضيف جسم العربية من البارومة بالاضافة لخبطتين فى الرفرفين اللى قدام و غيرت داير للعجله اللى اللى ورا و الداير التانى اتصلح وكانت البطيخه سليمة ف اتظبطت و كان فى خبطه فى الشنطه من ورا و كان المكان اللى ورا البطيخيتين دايب ف اتشال واتحط بدل منه صاج جديد
ده اتعمل ب 600 جنيه + 50 ثمن الداير فهل كده كويس ولا مغالى فى الثمن

وبالمناسبة لما جيت ابدء فى الدوكو و قولت للبوهيجى انه يشيل الدوكو القديم ويجيب العربية على الصاج قال لى انه ده مش صح لان العربية سليمة ومفيش فيها حاجه ف اصريت عليه انه يشيل القديم ف شال جزء وانا معاه ففوجئت ان الدوكو الاصلى بتاع العربية موجود تحت الطبقة اللى شالها و شاله معاه فاستخسرت انى اكمل واخليه يشيل الدوكو الاصلى بتاعها وخليته يصنفر ويشيل الدوكو والمعجون القديم اللى فوق الدوكو الاصلى و يبدأ يشتغل بعد كده

انا اتفقت معاه انه هيجيب كل حاجه وهيرش وهيدخل الفرن وهيشطب ب 1500 جنيه

فكده كويس ولا !!!!

**hazem_khidr** · 29-05-2008 06:14 PM

الاسعار دي كويسه جدا
السمكره باللي بتقول عليه دا انا لو بعمله عند ناس حبايبي مش حياخدو اقل من 500 ولو واحد غريب 800 !!!!!!!!!
الدوكو برضه سعره كويس و معقول