معلش .... ممكن توضحلي اكتر ؟؟
عرض للطباعة
عاوز أفهم الحتة دي يا أحمد لو تسمح
يا هادفع الـ 200 جنيه مقابل صندوق البريد الأمريكي مرة واحدة في العمر
وبيديني مقابل كدة 2 عنوان مش عنوان واحد؟
واحد في أمريكا وواحد في بريطانيا؟؟
طب لو هاشحن حاجة وزنها كيلو
هادفع حوالي 7 دولار مقابل شحنها من أمازون لصندوق البريد الأمريكي مثلاً وبعدين لمصر من غير ما أدفع زيادة؟؟
يعني لو كتاب مثلاً وزنه كيلو هايجيلي من أمازون بـ 7 دولار مقابل شحن؟؟
اللي مخليني عاوز أتأكد ان قبل كدة كنت هاشحن سلسلة مفاتيح من الغردقة للقاهرة بأرامكس قالولي 66 جنيه بالظبط
فمش مصدق إن الحاجة هاتيجي من أمريكا أرخص ما هاتجيلي من الغردقة
سؤال أخير
هو أنا لو اشتريت كتاب هادفع عليه جمارك؟؟
اغلب اللي بيبيعوا علي امازون شركات
اغلب اللي بيبيعوا علي ebay افراد
بلاش استخدام الشراء عن طريق النت 000 خاصة من امريكا 00 لى زملاء اخذ ارقام الفيزا وتم سحب مبالغ منهم من فترة وفى الاخر الغيت الفيزا لعدم السداد ووضعوا (بلاك لست ) حاول تجد احد الطرق الاسهل مثل شركات ارامكس او خلافة من الشركات التى تقوم بالدفع نيابة عنك والدفع كاش فى مصر 000 حذارى من الفيزا خاصة الرقم السرى وحاول تغيرة كل فترة افضل لك
يا جماعة موضوع ارامكس هو حل اى واحد عايز يشترى من النت ...
علشان تشترى حاجات من النت لازم يكون معاك فلوس + عنوان تستقبل عليه المشتريات.
الفلوس = كريديت كارد يا إما بتجيبها من البنك وبتبقى مخصصة للشراء عن طريق الانترنت يا إما بتجيبها من اراميكس ودة الأفضل عشان تريح نفوخك + مصاريف الشحن + الضرائب (ومعظم الحاجات مش بيبقى عليها ضرائب زى الكتب والأكسيسوريز والكلام من دة انا مش فاكر بالظبط ايه اللى عليه ضرائب بس بتبقى بسيطة) ، المهم يعنى محصلة اللى هتدفعه فى الحاجة اللى هتشتريها أرخص بكتيييير من هنا فى مصر على سبيل المثال ال Iphone بيتباع بره ب 2280 يعنى لما يوصلك مصر وتدفع الفاتورة مش هتزيد عن 2500/2700 بالكتيييييير ، هنا فى مصر بيتباع ب 3500+ آخر مرة سألت عنه ..
العنوان = صندوق شحن وهنا بقى دور أراميكس ..
ببساطة بتدفع اشتراك أزلى قابل للتوريث :sailor: بسعر 200 جنيه مدى الحياة بعدين اراميكس بتفتحلك صندوقين فى امريكا وبريطانيا تستقبل فيهم المشتريات بعدين اراميكس تقوم بشحن المشتريات من صنادقيك للبلد وانت بتدفع رسوم الشحن.
رسوم الشحن بالنسبة لمصر حضرتك بتدفع 55 جنيه على اول نص كيلو من حجم الباكج وبعدين 38 جنيه على كل نص كيلو اضافى ، يعنى ولنفرض إن الشحنة اللى هتيجى فيها كتب وإم بى فور وحوارات حجم الباكج ككل 5 كيلو إذن الفاتورة عند الاستلام هتساوى ثمن المشتريات + (55+(38*9)) ، وعموما حضرتك ممكن تحسب ثمن مصاريف الشحن بسهولة جدا من الرابط دة .
شكلي مش عارف أعبر أوي عن اللي عاوز أفهمه
بس على أي حال
لو شاري حاجة من فرنسا بـ 10 جنيه
كدة دافع تمن الحاجة (10 جنيه) + مصاريف شحن الحاجة لبريطانيا (10 جنيه مثلاً) + مصاريف شحنها من بريطانيا لمصر (10 جنيه) يبقى المجموع 30 جنيه
ولا مصاريف الشحن اللي باتحاسب عليها اللي قلتوها دي هي كل حاجة هاتدفع من الشركة لمصر؟
عزيزي محمد المشد
حبيت اوضح نطة جائت بكلامك علي النصب علي كروت الفيزا
- اولا لايوجد رقم سري للفيزا ، الا اذا حبيت تسحب من ماكينة الصراف الآلي
فقط تحتاج الي رقم سري ويعامل علي انة كارت صرف عادي من الماكينة (مع الفائدة طبعا")
اما اذا كنت تقصد رقم التوثيق ccv علي ظهر الكارت عادة فهو ليس رقم سري طبعا
والآ لم يكتبوة علي ظهر الكارت بالطبع
- الفيزا لا توقف الكروت علشان مادفعتش ، انما البنك الخاص بك واللي اصدر لك الفيزا
هو اللي بيوقفها لعدم الدفع
- اذا حصل وان الفيزا اتسرق رقمها وعرفت بذلك ، فأول شيئ مثلة مثل اي كارت صرف
انك بتبلغ البنك علي خدمة المساعدة العاجلة او موقعهم علي النت وتوقف الكارت دة اولا"
ثانيا بتطلب كشف حساب بكل العمليات اللي تمت الي ان اتسرقت البيانات منك
ثالثا بتعلم علي كل المعاملات اللي لم تقوم بها وسيتولي البنك نيابة عنك بتبليغ الفيزا
بالموضوع وبيرجعولك الفلوس لحسابك الجاري مرة اخري وبيعيدوا اصدار كارت
فيزا جديد علي حسابك طبعا"
الكلام السابق ليس كلام مرسل وانما حدث معي بالحرف الواحد كما سبق
وخلال شهرين كانت المبالغ اللي علمت عليها بالكشف كانت راجعة بحسابي
فقط دفعت 5 دينار = 100 جنية مصاريف اصدار كارت جديد
ومرة اخري العام الماضي الفيزا طلبت الغاء الكارت علي حسابهم لأنهم اكتشفوا ان العديد
من الكروت ارقامها اتسربت دوليا وأوقفوها واصدروا لأصحابها كروت جديدة
الخلاصة : التعامل مع الأمازون ياجماعة آمـــــــــــــــــــــــ ــــــــــــن جدا"
بل من أأمن المواقع علي الأنترنت ، مع طريقة الأرامكس للشحن
وانا اتعامل بهذة الطريقة منذ انشائها
السؤال الان
من فعليا قام بشراء اشياء من الانترنت من امازون او غيرها وتم شحنها له داخل مصر و كم كانت الجمارك المقدرة على ما تم استقباله ، سوءا الكترونيات او اى شىء اخر
نرجو ممن واجه تجربة فعليا من داخل مصر ان يخبرنا لمعرفة المسألة من جميع الاوجه
ارامكس كدا مش غاليين في الشحن و يا ترى هيبقى في جمرك تاني في مصر