الموضوع: عايز اشتري حاجة من علي النت ؟ انصحوني ؟؟

المشاركة الأصلية كتبت بواسطة Ahmed Samy

Amazon ماعدش بيبعت لمصر للأسف
و رفضوا يبعتولى كتاب من كام شهر

الحل تروح Aramex تعمل حساب عندهم ب 39 دولار (200جنيه) و يديلك عنوان في USA وعنوان في UK تبعت الحاجة عليهم و هيا توصللك على البيت اوتوماتيك

و بيحاسبوك بعد كده اول نص كيلو 9.0 دولار و كل نص كيلو 6 دولار وده رخيص بالنسبة لأسعار شحن المواقع

على فكر ال 200 جنيه دول مرة واحدة فقط مابتدفعهمش تاني و لا في تجديد ولا دياولو

عاوز أفهم الحتة دي يا أحمد لو تسمح
يا هادفع الـ 200 جنيه مقابل صندوق البريد الأمريكي مرة واحدة في العمر
وبيديني مقابل كدة 2 عنوان مش عنوان واحد؟
واحد في أمريكا وواحد في بريطانيا؟؟
طب لو هاشحن حاجة وزنها كيلو
هادفع حوالي 7 دولار مقابل شحنها من أمازون لصندوق البريد الأمريكي مثلاً وبعدين لمصر من غير ما أدفع زيادة؟؟
يعني لو كتاب مثلاً وزنه كيلو هايجيلي من أمازون بـ 7 دولار مقابل شحن؟؟

اللي مخليني عاوز أتأكد ان قبل كدة كنت هاشحن سلسلة مفاتيح من الغردقة للقاهرة بأرامكس قالولي 66 جنيه بالظبط
فمش مصدق إن الحاجة هاتيجي من أمريكا أرخص ما هاتجيلي من الغردقة
سؤال أخير
هو أنا لو اشتريت كتاب هادفع عليه جمارك؟؟

اغلب اللي بيبيعوا علي امازون شركات


اغلب اللي بيبيعوا علي ebay افراد

المشاركة الأصلية كتبت بواسطة alijandroo

عاوز أفهم الحتة دي يا أحمد لو تسمح
يا هادفع الـ 200 جنيه مقابل صندوق البريد الأمريكي مرة واحدة في العمر
وبيديني مقابل كدة 2 عنوان مش عنوان واحد؟
واحد في أمريكا وواحد في بريطانيا؟؟
طب لو هاشحن حاجة وزنها كيلو
هادفع حوالي 7 دولار مقابل شحنها من أمازون لصندوق البريد الأمريكي مثلاً وبعدين لمصر من غير ما أدفع زيادة؟؟
يعني لو كتاب مثلاً وزنه كيلو هايجيلي من أمازون بـ 7 دولار مقابل شحن؟؟

اللي مخليني عاوز أتأكد ان قبل كدة كنت هاشحن سلسلة مفاتيح من الغردقة للقاهرة بأرامكس قالولي 66 جنيه بالظبط
فمش مصدق إن الحاجة هاتيجي من أمريكا أرخص ما هاتجيلي من الغردقة

حتتدفع تمن الكتاب عادي و بعدين حتدفع تمن الشحن

بلاش استخدام الشراء عن طريق النت 000 خاصة من امريكا 00 لى زملاء اخذ ارقام الفيزا وتم سحب مبالغ منهم من فترة وفى الاخر الغيت الفيزا لعدم السداد ووضعوا (بلاك لست ) حاول تجد احد الطرق الاسهل مثل شركات ارامكس او خلافة من الشركات التى تقوم بالدفع نيابة عنك والدفع كاش فى مصر 000 حذارى من الفيزا خاصة الرقم السرى وحاول تغيرة كل فترة افضل لك

يا جماعة موضوع ارامكس هو حل اى واحد عايز يشترى من النت ...

علشان تشترى حاجات من النت لازم يكون معاك فلوس + عنوان تستقبل عليه المشتريات.

الفلوس = كريديت كارد يا إما بتجيبها من البنك وبتبقى مخصصة للشراء عن طريق الانترنت يا إما بتجيبها من اراميكس ودة الأفضل عشان تريح نفوخك + مصاريف الشحن + الضرائب (ومعظم الحاجات مش بيبقى عليها ضرائب زى الكتب والأكسيسوريز والكلام من دة انا مش فاكر بالظبط ايه اللى عليه ضرائب بس بتبقى بسيطة) ، المهم يعنى محصلة اللى هتدفعه فى الحاجة اللى هتشتريها أرخص بكتيييير من هنا فى مصر على سبيل المثال ال Iphone بيتباع بره ب 2280 يعنى لما يوصلك مصر وتدفع الفاتورة مش هتزيد عن 2500/2700 بالكتيييييير ، هنا فى مصر بيتباع ب 3500+ آخر مرة سألت عنه ..

العنوان = صندوق شحن وهنا بقى دور أراميكس ..
ببساطة بتدفع اشتراك أزلى قابل للتوريث بسعر 200 جنيه مدى الحياة بعدين اراميكس بتفتحلك صندوقين فى امريكا وبريطانيا تستقبل فيهم المشتريات بعدين اراميكس تقوم بشحن المشتريات من صنادقيك للبلد وانت بتدفع رسوم الشحن.

رسوم الشحن بالنسبة لمصر حضرتك بتدفع 55 جنيه على اول نص كيلو من حجم الباكج وبعدين 38 جنيه على كل نص كيلو اضافى ، يعنى ولنفرض إن الشحنة اللى هتيجى فيها كتب وإم بى فور وحوارات حجم الباكج ككل 5 كيلو إذن الفاتورة عند الاستلام هتساوى ثمن المشتريات + (55+(38*9)) ، وعموما حضرتك ممكن تحسب ثمن مصاريف الشحن بسهولة جدا من الرابط دة .

المشاركة الأصلية كتبت بواسطة IslamGen2

رسوم الشحن بالنسبة لمصر حضرتك بتدفع 55 جنيه على اول نص كيلو من حجم الباكج وبعدين 38 جنيه على كل نص كيلو اضافى ، يعنى ولنفرض إن الشحنة اللى هتيجى فيها كتب وإم بى فور وحوارات حجم الباكج ككل 5 كيلو إذن الفاتورة عند الاستلام هتساوى ثمن المشتريات + (55+(38*9)) ، وعموما حضرتك ممكن تحسب ثمن مصاريف الشحن بسهولة جدا من الرابط دة .

شكلي مش عارف أعبر أوي عن اللي عاوز أفهمه
بس على أي حال
لو شاري حاجة من فرنسا بـ 10 جنيه
كدة دافع تمن الحاجة (10 جنيه) + مصاريف شحن الحاجة لبريطانيا (10 جنيه مثلاً) + مصاريف شحنها من بريطانيا لمصر (10 جنيه) يبقى المجموع 30 جنيه
ولا مصاريف الشحن اللي باتحاسب عليها اللي قلتوها دي هي كل حاجة هاتدفع من الشركة لمصر؟