تم تجربة هديه قسم نيسان (منظف الانجكشن ) من لكوى مولى الالمانى على صنى موديل 2008

تم بحمد الله اضافة منظف الانجكشن اللي الاخ احمد مصطفي جابهولي ساعة المقابله الاخيره كاتكريم يشكر والله

هو من انتاج شركه ليكوا مولي الالمانية

اولا تم الاضافه مع التفويله عند اول طريق مصر اسكندريه الصحراوي الحموله انا و ابويا و امي و شنطتين (تعتبر حمزله كامله للعربيه)
الكاوتش مظبوط علي 36-33
لما البنزين مشي بقي حبه كده نقول لحد ماوصلت الماستر مثلا
السحب اختلف و الحمد لله عن الاول بكتير

الانطباعات بقي وانت لوحدك في العربيه و مشغل التكييف

* السحب وانت علي التاني مثلا و نازل من علي مطب صناعي فرقة في الطلعه
* الموتور صوته انخفض عن الاول بنسبه ملحوظه علي ار بي ام عالي 4 - 4.5 - 5
* العربيه بتسحب وانت مش واحد بالك من كتر ماهتزازا الموتور قلة علي الار بي الام العالي
* صوت الموتور انخفض انخفاض ملحوظ علي السرعات العاليه 150 علي ار بي ام 4
* استهلاك البنزين قل حاجه بسيطه او يمكن انا مش عارف احسبها لان المشي بتاعي فوق ال 120-130 علطول
* النقلات فى الغيارات بقة اخف مش عارف ازاى
* الاضافات دي عموما بتبقي للعربيات اللي عدة ال 100 الف كيلو متر علشان يبقي فيه فرق تحسه

حاجه كمان بقي و دي مهمه اوي كان الاستاذ بيشوي قال انه بيزود الكاوتش علي 36-33
وانا قولت اجرب هو اه فيه فرق و البارو خف شويه و العربيه ارتفعت علي الارض و سحبها بقي احسن بعض الشئ و العفشه ارتاحت في المطبات حبه بس للاسف الموضوع ده جهه علي حساب ثبات العربيه في الملفات و مدي تاثير الهوا عليك وانت سايق علي سرعات عاليه
تأثير الهوا طبعا زاد حبه صغيرين و العربيه مابقيتش ثابته الثبات اللي كنت متعود عليه بصراحه

و اي استفسار انا موجود اهو

تقرير 100% يا وليد و ان شاء الله هضرب واحد تنظيف انجيكشن في اقرب وقت ممكن .. شكرا يا باشا

100/100 يا وليد بس بخصوص الكاوتش جربته و انت لوحدك مش محمل عشان بتهيألي الثبات هيقل

تقرير ممتاز شكراً يا باشا
حلو اوى منظف الانجكشن ده بفكر اجيب واحد واجربه بس مش عارف منين إذا كان فى حد فى المنصورة عندى بيبع الحاجات دى ولا لأ ياريت لو حد يعرف يدلنى

اقتباس:

---

المشاركة الأصلية كتبت بواسطة peaceman

تقرير 100% يا وليد و ان شاء الله هضرب واحد تنظيف انجيكشن في اقرب وقت ممكن .. شكرا يا باشا

---

ياباشا ربنا يخاليك و ان شاء الله لازم تجربه هايعمل شغل ان شاء الله

اقتباس:

---

المشاركة الأصلية كتبت بواسطة fbiahmed

100/100 يا وليد بس بخصوص الكاوتش جربته و انت لوحدك مش محمل عشان بتهيألي الثبات هيقل

---

جلابته في المطبات و كده بس لكن في الجري ليسه ماصادفش اني مسافر لوحدي او حاجه

اقتباس:

---

المشاركة الأصلية كتبت بواسطة fady_anis

تقرير ممتاز شكراً يا باشا
حلو اوى منظف الانجكشن ده بفكر اجيب واحد واجربه بس مش عارف منين إذا كان فى حد فى المنصورة عندى بيبع الحاجات دى ولا لأ ياريت لو حد يعرف يدلنى

---

تقريبا مش هايبقي موجود حضرتك ممكن وانت معدي علي القاهره تجيبه وانت بتعمل صيانه كده يعني

الله ينور عليك تقرير منظم ،،،،،،،،،،،،،،، هو منظف الإنجكشن ده لأي ماركة

شكرا يا وليد باشا وانا جربته مرة واحدة وكان نوعه stp من بنزينة شيل وكان تاثيرة حلو وفرق شوية وكان ب 28 جنيه.

شكرا على التقرير و مشاركة التجربة

تقرير جميل، بس بخصوص الكاوتش، حضرتك عربيتك لو 2008 ex ما ينفعش تضبط الهواء 36 / 33 الكلام ده في 2011 بس علشان العفشة مختلفة، أما لو سوبر صالون يبقى تمام، ولو إني برضه قرت على قايم السوبر صالون 2009 إنها 32 / 29

الله ينور عليك يا ليدو وربنا يباركلك فى عربيتك
ويسلم ابو حميد على تعريفه لينا سكة المنتجات الحلوة دى

على فكرة ان زميل ليا فى العمل خليته راح جاب liqui moly برضه وعجبه جدا
هو معاه لانسر 2008 عاملة 80 الف كيلو اشترى زيت وعجبه جدا ... واشترى عبوة لعلاج تآكل الموتور بس الحمد لله طلع ما عندوش تآكل علشان الزيت لم ينقص بعد ما حط العبوة دى ... واشترى منظف الانجكشن اللى انت جربته وقاللى نفس الكلام اللى انت قولته ...
تسلم يا باشا على التقرير واتمنى اشوفك قريب

ألف شكر ياباشا على التقرير الجامد ده أنا باستعمله من وقت للتانى وفعلا بيفرق جامد فى السحب وصوت الموتور

لازم يا باشا بعد ال100 الف كم
انا عديت ال50 الف كم وملاحظ ان العربية صوتها بقى اعلى وتنتش فى الاول والتانى مع او بدون التكييف من ساعة لما اتزنقت فى العيد وحطيت 20 لتر 92 من بنزينة مصر وشكلهم كانوا مضروبين
وكذا مرة امشى ع اللمبة كتير لحد قرب الاخر وافول تانى من توتال ومفيش فايدة
الحقنى باسمه وسعره ومكان بيعه لو سمحت

ألف شكر ياباشا على التقرير الجامد ده

بس بلاش تكتب باللون الغريب ده تاني أنا عيني دمعت و أنا بحاول أقرأه

اقتباس:

---

المشاركة الأصلية كتبت بواسطة mff_629

ألف شكر ياباشا على التقرير الجامد ده

[gdwl]بس بلاش تكتب باللون الغريب ده تاني أنا عيني دمعت و أنا بحاول أقرأه[/gdwl]

---

+1111111111111111111

اقتباس:

---

المشاركة الأصلية كتبت بواسطة bmw5260

الله ينور عليك تقرير منظم ،،،،،،،،،،،،،،، هو منظف الإنجكشن ده لأي ماركة

---

منظف الانجكشن لاي نوع عربيه ياباشا

اقتباس:

---

المشاركة الأصلية كتبت بواسطة maged george

شكرا يا وليد باشا وانا جربته مرة واحدة وكان نوعه stp من بنزينة شيل وكان تاثيرة حلو وفرق شوية وكان ب 28 جنيه.

---

فعلا ال stp كويس بردوا هو كده كده اي نوع هايقضي الغرض بتاعه

اقتباس:

---

المشاركة الأصلية كتبت بواسطة donzi

شكرا على التقرير و مشاركة التجربة

---

شاكر لمرور حضرتك

اقتباس:

---

المشاركة الأصلية كتبت بواسطة sehsss

تقرير جميل، بس بخصوص الكاوتش، حضرتك عربيتك لو 2008 ex ما ينفعش تضبط الهواء 36 / 33 الكلام ده في 2011 بس علشان العفشة مختلفة، أما لو سوبر صالون يبقى تمام، ولو إني برضه قرت على قايم السوبر صالون 2009 إنها 32 / 29

---

هو اللي انا اعرفه ياباشا عفشه العربيه هيا هيا سواء 2008 او 2011 مافيش اختلاف يحسسك ان في حاجه جديده تحت في العفشه لاني سوقت دي و سوقت دي و بالنسبه للسوبر صالون الفرق الوحيد الاستبليزر علي ما اذكر
بس مش لاقي معلومه مؤكده علي ان نفخ الكاوتش في ال2008 كذا و ال 2011 كذا و ليه
بس من التجربه العمليه ان العربيه ارتاحت عن الاول زي ماقولت سواء في المطبات او علي الطريق بس علي سرعات عاليه و ياريت لو عندك معلومه مؤكد لييييه تقولينا

اقتباس:

---

المشاركة الأصلية كتبت بواسطة ali_abo_amr

الله ينور عليك يا ليدو وربنا يباركلك فى عربيتك
ويسلم ابو حميد على تعريفه لينا سكة المنتجات الحلوة دى

على فكرة ان زميل ليا فى العمل خليته راح جاب liqui moly برضه وعجبه جدا
هو معاه لانسر 2008 عاملة 80 الف كيلو اشترى زيت وعجبه جدا ... واشترى عبوة لعلاج تآكل الموتور بس الحمد لله طلع ما عندوش تآكل علشان الزيت لم ينقص بعد ما حط العبوة دى ... واشترى منظف الانجكشن اللى انت جربته وقاللى نفس الكلام اللى انت قولته ...
تسلم يا باشا على التقرير واتمنى اشوفك قريب

---

ابو علي ياجامد اخبار سعتك ايه .. ياباشا ربنا يخاليك علي زوقك
بس انت بتعمل حاجات من ورانا كده ياعم كنت تقول داحنا تعبنا ياراجل علي الموضوع ده .... ينفع كده :00020140:

اقتباس:

---

المشاركة الأصلية كتبت بواسطة y2y1500

لازم يا باشا بعد ال100 الف كم

انا عديت ال50 الف كم وملاحظ ان العربية صوتها بقى اعلى وتنتش فى الاول والتانى مع او بدون التكييف من ساعة لما اتزنقت فى العيد وحطيت 20 لتر 92 من بنزينة مصر وشكلهم كانوا مضروبين
وكذا مرة امشى ع اللمبة كتير لحد قرب الاخر وافول تانى من توتال ومفيش فايدة
الحقنى باسمه وسعره ومكان بيعه لو سمحت

---

بالنسبه لاماكن بيعه للاسف ماعرفش .... احمد تي في بقي هو اللي ممكن يفيدك في الموضوع ده

اخيرا استخدمته .. تمام يا ويل .. وبعدين دى مش هدية دى اقل حاجة نقدمهالك يا حبى .. على ذوقك وعلى مساعدتك للناس .. وعلى طيبتك .. وجدعنة ولاد البلد اللى فيك

اقتباس:

---

المشاركة الأصلية كتبت بواسطة ali_abo_amr

الله ينور عليك يا ليدو وربنا يباركلك فى عربيتك
ويسلم ابو حميد على تعريفه لينا سكة المنتجات الحلوة دى

على فكرة ان زميل ليا فى العمل خليته راح جاب liqui moly برضه وعجبه جدا
هو معاه لانسر 2008 عاملة 80 الف كيلو اشترى زيت وعجبه جدا ... واشترى عبوة لعلاج تآكل الموتور بس الحمد لله طلع ما عندوش تآكل علشان الزيت لم ينقص بعد ما حط العبوة دى ... واشترى منظف الانجكشن اللى انت جربته وقاللى نفس الكلام اللى انت قولته ...
تسلم يا باشا على التقرير واتمنى اشوفك قريب

---

ايه ياعلى مش تقولنا كدا
ياريت تقولنا على اسم الزيت اللى جابه صحبك من لكوى مولى .. وتعرفلنا اخبار العربية ايه
عاوزين تقارير كتير عن الزيوت يا جماعة وعن الاضافات لانها مهمة جدا

وبخصوص منظف الانجكشن .. ممكن يتحط كل 20 الف عادى عشان بس ينظف الدنيا من البنزين بتعنا ..

وبخصوص يوسف لو عايز تحطه وانت عامل 50 الف شغال بردوا حيظبطلك الدنيا

وبخصوص المنظف ده انا سمعت معلومة من الشركة بتقول ان يفضل تحطه قبل تغير الزيت .. عشان اى رواسب تنزل من عملية التنظيف تنزل فى الزيت .. ولما سالتهم اى رواسب كبيرة .. قالولى لا .. بس يفضل وانت حاطط الزيت القديم .. وبعد كدا تحط الزيت الجديد

المهم ان المنتج ناس جربوه كتير .. وبيشكورا فيه سواء الاضافات او الزيوت

وانا بجيب حاجات منهم عشان اركبها فى صيانة ال40 الف باذن الله .. وحجيب اضافة من عندهم مهمة اوى وقريت عليها بره كتير اللى هى اسمها سيرتك .. موجودة مع الناس فى الكتالوج اللى وزعته عليهم فى المقابلة

المادة دى بتتحط مع تغير الزيت الجديد .. ومع اى نوع زيت مش شرط الزيت من عندهم .. ان شاء الهل تحط زيت شل او موبيل .. المهم بتحط معاه المادة دى .. وبتعمل طبقة سيراميك عشان تقلل الاحتكاكات فى الماتور وبتعمل على تبريده .. وتمنها 126 جنيه .. وبتفضل فى الماتور حوالى 50 الف كيلو يعنى بتغير عليها حوالى 5 تغيرات زيت وهى لسه عاملة طبقة جوة

وعلى فكرة اللى شبيه بمنتج السيراتك ده بيتباع فى شركات اخرى من 200 جنيه وانت طالع وبيوصل الى 400 جنيه

بصراحة اسعارهم ومنتجاتهم المانى ومحترمة جدا وعن تجربة

وانا جبت لبيشوى واحد .. وفى ناس عايزة .. وهو مكانهم فى الشيراتون .. واللى مش عارف يوصلهم يقولى وانا اجبله او اوصله ليهم

وهما فى القريب باذن الله حيكون فى بينهم وبينا اتفاق باذن الله ومفاجاءت كبيرة باذن الرحمن
ادعوا بس تتم فى القريب وعلى خير

دعواتكم

اقتباس:

---

المشاركة الأصلية كتبت بواسطة BMW5260

الله ينور عليك تقرير منظم ،،،،،،،،،،،،،،، هو منظف الإنجكشن ده لأي ماركة

---

منظف الانجكشن من liqui moly و موزع القاهره موجود فى مساكن شيراتون مربع 1177 عماره 3ج شقه 3 بجوار الاكاديميه البحريه الجديده
و ده لكل الانواع و الموديلات

و لمزيد من الستفسارات برجاء الاتصال على
01224961111
ريهام بسيونى

اقتباس:

---

المشاركة الأصلية كتبت بواسطة y2y1500

لازم يا باشا بعد ال100 الف كم
انا عديت ال50 الف كم وملاحظ ان العربية صوتها بقى اعلى وتنتش فى الاول والتانى مع او بدون التكييف من ساعة لما اتزنقت فى العيد وحطيت 20 لتر 92 من بنزينة مصر وشكلهم كانوا مضروبين
وكذا مرة امشى ع اللمبة كتير لحد قرب الاخر وافول تانى من توتال ومفيش فايدة
الحقنى باسمه وسعره ومكان بيعه لو سمحت

---

منظف الانجكشن من liqui moly و موزع القاهره موجود فى مساكن شيراتون مربع 1177 عماره 3ج شقه 3 بجوار الاكاديميه البحريه الجديده
و ده لكل الانواع و الموديلات

و لمزيد من الستفسارات برجاء الاتصال على
01224961111
ريهام بسيونى

طبعا بشكر اخويا الحبيب احمد علي تعبه الغالي انه يجيب لي المنظف.. شكرا ياجميل .


تقريري بعد ما حطيت المنظف مفيش اي تغيير في العربية حدث يمكن لان عربيتى عاملة 30 الف كيلو مفيش غير حاجه واحده دي اللي حسيت بيها فعلا و هي ان النقلات اصبحت اخف بكتير عن الاول

برده عايز اسأل وليد هل نفس ده حصل عندك ؟؟

اقتباس:

---

المشاركة الأصلية كتبت بواسطة peaceman

تقريري بعد ما حطيت المنظف مفيش اي تغيير في العربية حدث يمكن لان عربيتى عاملة 30 الف كيلو مفيش غير حاجه واحده دي اللي حسيت بيها فعلا و هي ان النقلات اصبحت اخف بكتير عن الاول

---

تمام يابيشوي "تصدق انت لما كتبت الحته دي انا افتكرت"
فعلا ياجماعه النلات خفة خالص بعد ماحطيت المنظف دانا حتي كنت بشتكي من قاعده ماتور او ابتديت تظهر العيب لكن بعد ماحسيت المنظف المكنه ارتاحت و مابقتش حاسس انها عايز قاعده او النتشه في النقله مابقتش ظاهره خالص .... شكرا يابيشوي انك فكرتني

اقتباس:

---

المشاركة الأصلية كتبت بواسطة walidadel

تمام يابيشوي "تصدق انت لما كتبت الحته دي انا افتكرت"
فعلا ياجماعه النقلات خفة خالص بعد ماحطيت المنظف دانا حتي كنت بشتكي من قاعده ماتور او ابتديت تظهر العيب لكن بعد ماحسيت المنظف المكنه ارتاحت و مابقتش حاسس انها عايز قاعده او النتشه في النقله مابقتش ظاهره خالص .... شكرا يابيشوي انك فكرتني

---

اي خدمة يا كبير ..

انا ناوى باذن الله احط المنظف فى عربيتى باذن الرحمن على صيانة 45 الف

لان اصلا مفروض التيدا عندى يتحط فيها بنزين 95 فى الاصل لان نسبة الانضغاط 9.8

تحياتى