انا عايز رقم جبر واحمد السمان وعناوينهم ودول بيشتغلو فى الدايو بس ولا كله
عرض للطباعة
انا عايز رقم جبر واحمد السمان وعناوينهم ودول بيشتغلو فى الدايو بس ولا كله
بص انا آخر مرة كنت عند جبر كان شغال فى سيراتو وقبلها كان شغال فى كيا شوما.. وشوفت عربيات كتير مرسيدس وبى ام وغيره عنده أكيد شغال فى غير دايو ياعنى.. هو فى شارع الأريزونا بين فيصل والهرم ادخل شارع الأريزونا دا وألف من يدلك عليه... رقمه مش معايا معايا رقم أخوه عمرو شغال معاه برضوا ممكن أبعتهولك لو عاوز على الخاص...
بالنسبة لأحمد السمان أعرف مكانه بس معرفش ليه تليفونات... هو فى تقاطع العشرين مع المساكن.. أول متوصل التقاطع دا خش شمال وانت داخل شارع العشرينى من فيصل هتخش فى شارع المساكن دا برضوا شوية كدا جوة بتاع 250 متر هتسأل ألف من يدلك برضوا...
لسه راجع من يوم هد حيلى
انا من الساعه 1 وانا فى الشارع ورجعت الساعه 9
8 ساعات عند الصنايعيه:(
اولا : بالنسبه للكنترول
الحمد لله اتغير بواحد استيراد وشال السوفتوير من القديم وركبه فى الجديد
الراشاشات غيرتها برشاشات هيونداى النترا وطبعا زى ما انتم شايفين الرشاشات الاصليه حالتها كانت كرب ازاى
انا قبل اما اركب الراشات رحت باخخ فيها ب carb cleaner
خد فى الكنترول والراشاشات 500 جنيه + اخد الكنترول القديم
http://img822.imageshack.us/img822/594/36389623.jpg
By blazer10 at 2011-10-19
http://img11.imageshack.us/img11/857/98734487.jpg
By blazer10 at 2011-10-19
http://img846.imageshack.us/img846/1012/96356666.jpg
By blazer10 at 2011-10-19
http://img846.imageshack.us/img846/1012/96356666.jpg
By blazer10 at 2011-10-19
http://img577.imageshack.us/img577/2862/64694113.jpg
By blazer10 at 2011-10-19
http://img248.imageshack.us/img248/3329/72095647.jpg
By blazer10 at 2011-10-19
الجديده
http://img5.imageshack.us/img5/9234/34652965.jpg
By blazer10 at 2011-10-19
http://img31.imageshack.us/img31/5193/110cla.jpg
By blazer10 at 2011-10-19
ثانيا الميكانيكا
رحت لى على السمان ودا اخوه فاتح الورشه اللى جمبه ميكانيكا
غيرت الأتى :
جوان طرمبه الزيت واولسيه طرمبه الزيت ودا عشان يعمله فك الشكمان وفك الكارتيره وفك الحته اللى راكب فيها الجوان
وطبعا نزل الزيت القديم
ونضف كل دا بالبنزين
http://img847.imageshack.us/img847/7342/114zf.jpg
By blazer10 at 2011-10-19
http://img194.imageshack.us/img194/7716/115kl.jpg
By blazer10 at 2011-10-19
ثانيا
فك وش السلندر و طلعنا الجوان القديم
وغسل الوش بالبنزين
وانا واقف شلت كل الزيت الباقى ومنزلش مع الزيت بسرنجه :D
وفكينا البوجيهات وكانت معبيه زيت بطريقه رهيبه انا مش عارف العربيه كانت دايره ازاى اصلا
وفكينا سلوك البوجيهات
فكينا فلتر الزيت
http://img404.imageshack.us/img404/3325/112bw.jpg
By blazer10 at 2011-10-19
http://img9.imageshack.us/img9/6512/113mye.jpg
By blazer10 at 2011-10-19
ثالثا:
فكينا سير الكاتينه القديم وكان مشقق ولو كان مشى اعتقد 2000 كيلو كمان كان اتقطع
وفكينا سير المجموعه وكان فى حاله جيده جدا وكان ممكن يمشى 10000 كيلو كمان بدون مشاكل
فكينا البليتين
فكينا الجوانين بتوع التاكهات
بعد كدا ركبنا البلى الجديد والسيور
وركبنا الجوان الجديد بعد ما حط عليه سليكون
وحط كمان سليكون فى الكارتيره
انا جبت انبوبه السليكون ب 25 جنيه ولونه ابيض وهو قالى انه سليكون بتاع لحام القوايم تقريبا ومرضيش يحط سليكون انا كنت شاريه
بعد ما ركبنا حطينا زيت فالفولين maxlife اللى بيمشى 10000
ودورنا
العربيه دخنت قولت من الزيت اللى جه على الكارتيره
طلع البيه مش رابط الفلتر كويس وحاجه كانت لازقه على الشفه بتاعته
رحنا فكيناها وربطنا
والحمد لله تمام
تم تغيير الاتى
: كنترول استيراد
رشاشات النترا استيراد
---
سير كاتينه
سير مجموعه
بليه ثابته
بليه متحركه
جوان وش سليندر
جوان طرمبه زيت
اولسيه طرمبه زيت
طقم بوجيهات
فلتر زيت
طقم سلوك بوجيهات كورى = 40
جوانين تاكيهات = الواحد ب 10
لحام حديد = 6
امبوبه سليكون عظم = 24
مصنعيه الكلام دا اخد فهيا 250 جنيه
هل كدا كويس؟
ياريت يا جماعه لو حد عنده تعليق على صور الماكينه ياريت يفيدنى
دا رقم احمد السمان للى بيسأل عليه
0124168145
شارع المساكن متفرع من شارع العشرين" تقاطع شارع ال عشرين مع المساكن على ناصيته محل عصير رسلان "
والعشرين متفرع من شارع فيصل
الحمد الله انها جت على اد كدة وربنا يباركلك فيها
وانا عندى سؤال
انا راكب لانوس 2010 زيرو
وكنت عايز ابيعها واجيب نوبيرا 2005 او 2006 اوتو مش هتفرق الموديل المهم اوتو بس خايف من المشاكل اللى بتحصل دى وبالذات من الفيتيس
هل تستاهل انزل من زيرو الى مستعمل ولا انا كدة احسن
طاب متقلب بتاعتك اوتو
مقولتش اجمالي التكلفة كام
وربنا يبارك لك فيها
الف مبروك بس انت عملت شغل ممتاز
التكلفه الاجماليه:
اولا قطع الغيار :
سير كاتينه made in uk 60 جنيه
سير دينامو 55
بليتين كورى 125
جوان تاكيهات 25
اويل سيل امامى 5
جوان طرمبه زيت 5 جنيه
فلتر زيت ac delco 15 جنيه
جركن زيت valvoline maxlife 170 جنيه عشان خصم ال 10%
طقم بوجيهات ngk 45 جنيه
طقم سلوب بوجيهات كورى 40 جنيه
جوانين تاكيهات الاتنين ب 20
لحام حديد = 6
امبوبه سليكون عظم = 24
= 595 جنيه
ثانيا : الكهرباء وتشمل تغير الكنترول والراشاشات = 500 جنيه
ثالثا : الميكانيكى := 250 جنيه
شعنى كل الحساب = 600 + 500 + 250 = 1350 جنيه
العربيه آدائها اتحسن طبعا بس لسه مش هحسه دلوقتى
لان اولا موضوع الكنترول مكنش عامل مشكله فى العربيه تقدر تحسها
انما بسبب العيب اللى كان موجود العربيه كانت بتسحب بنزين بطريقه بشعه
وطبعا الحمدل له لمبه التشيك انطفت
يزيد على كدا الرشاشات الاصليه والعيوب المعروفه اللى فيها فكانت العربيه بتأخر فى الدواره وتدخن انما دلوقتى انا سبتها تبرد لما كانت عند الميكانيكى ونزلنا الزيت وحطينا الجديد فكانت العربيه بقالها 5 ساعات مدارتش والحد لله دارت من اول تكه مارش وطبعا دا كمان عشان تغيير الزيت المحروق والبوجيهات المهببه
ثانيا صوت العربيه هدى بس مش بدرجه محسوسه وانا لاحظت ان كل النوبيرا صوتها عالى وبتجعر :d
وثالا ودا الاهم الراحل النفسيه انى زبطت العربيه ومكنتش مقلق من سير الكاتينه اللى لما فتحت العربيه كان على وشك انه يتقطع فى حين ان سير المجموعه لسه فاضل فيه كتير
ربنا يبارك فيه حضراتكم
بس كنت مستنى آرائكم فى شكل الماكينه اللى صورتها من تحت ومن فوق ؟
نصيحه أخ
عربيتك الزيرو انت عارف كل مسمار فيها متبعهاش او تفكر فى التغيير قبل سنتين كمان
لو عاوز نوبيرا وخلاص قفلت معاك :d
دور على واحده متقلش عن 2006 وتكون ماشيه 60 الف مثلا عشان تكون بحالتها وتكشف على كل مسمار فيها وفكك من البنزينه عشان فعلا الكشف بتاعهم ولا يسوى ربع جنيه
محدش قالى رأيه فى صور الماكينه
بالنسبالى الصور مش واضحة قوى
بس وانت فاكك كنت تقدر تطمن على عمودين الكامة والكرنك والشنابر
ومبروك على التصليح
الله يبارك فيك
هو الميكانيكى بص بس كانت بصه سريعه كدا وقالى هو تمام بس انزل الزيت على 7000 كم عشان الوساخه اللى فى الماتور تنزل
واعتقد ان دا فتى وخلاص لان الزيت مهما كان بينضف مش هينزل الترسبات دى ولازم منظف flush للماتور