الحمد لله على كل شىء
العربيه لسه معملتش بيها الا 120 كيلو من ساعت اما اشترتها من اسبوعين
ورحت انهارده عند محمد السيد الكهربائى اللى فى الدقى عشان يشوف لمبه التشيك منوره ليه
انا كنت رحت ليه اول ما اشترتها قالى هتلاقى سلك ملمس ولا حاجه واجيله يوم بدرى وقد كان رحتله انهارده

العربيه لاقينا معمول كوبرى بين الرشاش التانى والتالت
ولما فكيناه العربيه اشتغلت 2 سلندر
ومعنى كدا ان الكنترول بتاع الرشااشين التانيين قاطع
جربنا وفكينا الاتنين المثف الاسود وبدلناهم باتنين تانيين نفس المشكله
ولما نركب كونترول تانى من عنده العربيه تبقى زى الفل


هو قالى كدا اشترى كونترول تانى

دفعت ليه 90 جنيه " هو كان عاوز 120 بس انا كنت مش عامل حسابى اصل ان الموضوع يبقى كدا " واشتريت منظف للسلوك ب 25 جنيه
ودول يعتبروا كدا اترموا فى الارض

حسبى الله ونعم الاوكيل فى اللى باع لى العربيه لئنه كان عارف بالمشكله والكنترول كان مفكوك قبل كدا ومتغير فيه حاجات ومقالش لى

انا اتقفلت من العربيه تمام ونفسى اتسدت منها والله وفكرت ابيعها وحتى لو هخسر فيها
العربيه بتعمل فى ال 30 لتر حوالى 130 كيلو مع ان انا سواقتى هاديه جدا واغلبنا بليل وبدون تكييف " دا طبعا فى ال مشوارين يدوبك اللى عملتهم بالعربيه "
يعنى لو معايا عربيه v8 هتستهلك اقل من كدا

انتم رايأكم ايه ؟
هل فيه حد بيصلح الحاجات دى ؟ ولا تتغير استيراد
وتتغير منين؟
وبكااام؟ انا الكهربائى قالى 800 جنيه
فهل اروح الحرفيين ؟ مع ان فيه ناس عندنا فى شارع فيصل