عايز اروح الأهرامات

**elbeheri** · 05-10-2011 03:53 PM

المشاركة الأصلية كتبت بواسطة نور القمر

انزل المنصورية افضل وافضل ماشي على طول هيقابلك كوبري ايوطالب هو مش هيبان انه كوبري عشان الترعة مسقوفة هيبان كأنه تقاطع وده هتلاقيه شمالك بعد ما تعدي على البنزينتين اللي طريق المنصورية وادخل عليه وامشي على طول هتلاقي نفسك في نزلة السمان ومنها على مطلع اخر للهرم بيعديك على ابو الهول اول حاجة

تمام بس المدخل ما فيعوش بوابة للدخول بالسيارة على ما اعتقد

**نور القمر** · 05-10-2011 04:14 PM

مش عارفة انا مروحتش الهرم من 20 سنة :))

**aboomar22** · 05-10-2011 04:16 PM

طيب طالما فسحة بفسحة بقى خلى الاكل فى الكوفى شوب بتاع مينا هاوس واسمه خان الخليلى مكان رائع وبنوراما الهرم الاكبر وقاعدة تحفة ومفيش حد ادنى للماكولات او المشروبات وممكن كمان يكون الغداء فى مطعم الاويسس حمام السباحة مكان كمان رائع جدا لهواه الاماكن المفتوحة وبرضه مفيش حد ادنى بس انا بحب جو التكييف يعنى الكوفى شوب

**M.Mosaad** · 05-10-2011 04:58 PM

المشاركة الأصلية كتبت بواسطة shaddadfalcon1

نط علي الشنطه ؟ ايه الهبل ده
افرض طبق الشنطه ولا اتنيل وقع اتعور

طيب شرطه السياحه (محدش يتريق) مش بتعملهم حاجه؟

دوول كده بيبوظو كل حاجه حلوه هناك وطبعا لو اتخانقت معاهم مش هتخلص

ماهي الاشكال دي اللي مخليه الواحد ميعرفشي يشوف حاجة في مصر . يعني مصر فيها اماكن تخليها قبله لكل سائح في العالم و ممكن شركات الطيران تكون محجوزة شهور قدام لكن القرف اللي بيشوفوه السياح مخلينا كدة و مضيع مليارات

كان من احد احلامي ازور برج ايفيل و ربنا كرمني و رحت باريس و وقفت ساعه و نص في الطابور علشان اطلع و دفعت 13 يورو زي الباشا (( حوالي 100 جنيه مصري )) و طلعت و بعدين ولا حاجة مبني عالي شايف منه باريس من فوق و واقف شايف الناس منبهرة و انا ابص و اقول فيه ايه مش شايف حاجة مبهرة

اللي عجبني انه مكان سياحي بيدر ملايين علي فرنسا فبيحموه و بيوفر للسائح كل وسائل الامن و الراحهو في رايي لايقارن باقل معبد فرعوني في مصر او اصغر مسجد بنشوف فيه فن العمارة الاسلاميه و الخطوط الاسلاميه

نفسي اروح الاقصر و اسوان و الاهرامات و استمتع بمزاجي من غير ما حد يعكر عليا صفو اليوم لكن تقول لمين

ربنا يهدي

**shaddadfalcon1** · 05-10-2011 06:52 PM

بالطريقه دي انا ممكن مروحش لاني اصلا بتنرفز من الأشكال دي وبحزن جدا وبالتالي بحاول اتجنبها عشان بجد ممكن ادب معاهم خناقه وخصوصا اني عمري ماتعاملت معاهم وعلي حسب كلامكم انها بيبالغو قوي بغباء

يعني لما الواحد يبقي نفسه يروح مكان حلو في بلده يتحرم منه ياناس

هل بكره ده مناسب اصلا ان الواحد يروح فيه ولا اجازه رسميه والناس كلها بقي هتروح ولا هيبقو قافلين اصلا عشان ابو الهول يحتفل مع ام الهول بالاهرامات الصغيرين؟

**Ayman-Ahmed** · 06-10-2011 10:12 AM

المشاركة الأصلية كتبت بواسطة shaddadfalcon1

ايه ياباشا الكلام الكبير ده كله
ده انا كنت فاكر الموضوع سهل - ده انا كده محتاج حد يوديني بقي

علي كلامك كده مينفعشي اروح بكره عشان هيبقي زجمه - صح؟

وياتري في يفط جوه تمشي عليها ولا هو الوصف وشكرا ولو مش عارف حاجه هناك مش هتعرف تشوف المكان؟

معلش يا باشا اسف مكنتش فى البيت امبارح ومعرفتش ارد بدرى.

الموضوع سهل جدا.مكان زى اى مكان تانى بتروحه بس الجديد فى الاهرامات انها ليها قوانينها الخاصة واللى لو عرفتها بتريح دماغك من حاجات كتير اوى.

الجمعة ممكن يبقى اروق شوية او السبت .

يفط قليلة جدا على متحف مركب الشمس-مدخل المنطقة وبس كدة.

**Ayman-Ahmed** · 06-10-2011 10:29 AM

بصوا يا جماعة :

زى ما قلتلكوا طريقة التصرف مع الناس ديه هى احسن الطرق والاحسن لو حابين تريحوا دماغكوا وزى ما بقول الاجانب 3 خطوات :

لا شكرا ولو منفعتش يبقى وفر التعب وشاور بايدك لا وسيبه وامشى.

اقف فى وشه وقله لا شكرا ولو عاوز حاجة هقولك.

تجاهله تماما وامشى وسيبه يتكلم .

وفعلا معظم شكاوى الاجانب بتبقى من الطريقة ديه والاستفزاز ولكن الاجانب عشان سافروا كتير فمتعودين على كدة.

يا شباب انا فى تركيا كنت هطق مع اننى متعود على البياعين ولكن فى تركيا استفزاز غير طبيعى وبرضه سواقين التاكسى بيشتغلوا الغريب.

روحوا المكان اللى انتوا عاوزينه بس انا قلتلكوا على طريقة التعامل معاهم من اول البوابة لحد جوا المنطقة ولو حد هيروح وحابب يكلمنى يعرف اى حاجة يقول بس.

**Ayman-Ahmed** · 06-10-2011 10:33 AM

المشاركة الأصلية كتبت بواسطة nistelrooy

انا ساكن في الهرم بقالي اكتر من 10 سنين وعمري ما رحت الاهرامات لدرجة مافيش بيني وبينها 3 او 4 كيلو

وممكن اشوفها من السطح :)

انهاردة كنت بخلص حاجة عند القسم الي هناك واحد داخل الهرم الواد قعد يجري وراة ونط واعد علي الشنطة بتاعة عربيتة ؟؟

اية ده؟ ده المفروض ينزل ياكلة قلميين محترميين !!!!

دول بيبقى ليهم حدود ميقدروش يعدوها واخرهم قبل البوابة علطول.ولا متنزلش ولا تقف وتفتح حتى شباك عربيتك وتقوله انزل سيبه ولو حابب توقعه وقعه من على الشنطة.

انا كنت مرة رايح بالعربية الملاكى وحبوا يعملوا معايا حركاتهم.كل اللى كنت بعمله كنت بديها سنة بنزين على اللى واقف اودامى ولو مش هيمشى هفرمه لانه بالنسبة ليا قاطع طريق والمهم حماية نفسى واللى معايا.

**Ayman-Ahmed** · 06-10-2011 10:36 AM

المشاركة الأصلية كتبت بواسطة aif

الله ينور عليك يا استاذ ايمن
لو حبيت اروح الصبح بدري قبل الحر
المنطقة بتفتح الساعة كام الصبح ؟؟؟؟؟

وعليك يا افندم.

المشاركة الأصلية كتبت بواسطة aif

زي الفل
الواحد يروح بدري وقبل 11 يكون ف البيت
حتى الجماعة المزعجين بتوع تطفيش السياحة يكونو لسة ما صحيوش م النوم

ههههه.هيبقوا موجودين بس لسة مش فايقين اوى.

المشاركة الأصلية كتبت بواسطة نور القمر

انزل المنصورية افضل وافضل ماشي على طول هيقابلك كوبري ايوطالب هو مش هيبان انه كوبري عشان الترعة مسقوفة هيبان كأنه تقاطع وده هتلاقيه شمالك بعد ما تعدي على البنزينتين اللي طريق المنصورية وادخل عليه وامشي على طول هتلاقي نفسك في نزلة السمان ومنها على مطلع اخر للهرم بيعديك على ابو الهول اول حاجة

ياه البوابة ديه من زمان اتلغت وبقت للخروج بس او الدخول من غير عربية.

**Ayman-Ahmed** · 06-10-2011 10:38 AM

المشاركة الأصلية كتبت بواسطة shaddadfalcon1

بالطريقه دي انا ممكن مروحش لاني اصلا بتنرفز من الأشكال دي وبحزن جدا وبالتالي بحاول اتجنبها عشان بجد ممكن ادب معاهم خناقه وخصوصا اني عمري ماتعاملت معاهم وعلي حسب كلامكم انها بيبالغو قوي بغباء

يعني لما الواحد يبقي نفسه يروح مكان حلو في بلده يتحرم منه ياناس

هل بكره ده مناسب اصلا ان الواحد يروح فيه ولا اجازه رسميه والناس كلها بقي هتروح ولا هيبقو قافلين اصلا عشان ابو الهول يحتفل مع ام الهول بالاهرامات الصغيرين؟

النرفزة مش حل يا افندم معاهم ابدا ولكن التجاهل اريح بكتير.