غيرت شوية حاجات فى العفشة واليكم التقرير و رسالة للوحوش

**kiko100100** · 04-10-2011 10:58 PM

فى البداية انا فعلا مبسوط انى انضميت للمنتدى و للاسف انى لسه عارفه امبارح عن طريق واحد صاحبى. و تقريبا قريت اغلبية المواضيع اللى فى قسم رينو و عرفت اسماء وحوش كتير منهم ايمن momo و احمد عبد المقصود و هانى chato-eg وشاركى و العقيد خالد و ناس تانية كتير جدا.بجد روح التعاون اللى موجودة خليتنى احس انى اعرف الناس دى كلها من زمان قوى.
انا اسمى ماهر من اسكندرية و كان معايا ميجان سيدان 2005 الفئة التانية اوتوماتيك و فضلت معايا تقريبا سنة و سبع شهور لغاية معملت بيها حادثة جامدة قوى و الحمد لله انا و التلاتة اللى كانوا معايا طلعنا سلام . و بعت العربية حوادث على حالتها.
و بدأت ادور على عربية و مكنتش متخيل نفسى راكب غير ميجان خصوصا بعد اللى شفته من امان العربية دى بس الفلوس كانت مقصرة معايا شوية و قعدت من غير عربية حوالى سبع شهور لغاية ما ربنا اكرمنى و جبت ميجان 2007 مانيوال لانى فعلا عجبتنى قوى فى المانيوال.
و كنت عملت شوية شغل فى العفشة و لما عرفت المنتدى و انضميت ليه قلت اعمل موضوع عن الحاجات دى و اسعارها
انا غيرت 2 مقص جديد تركى..............500 جنيه
2 تيش ميزان تركى جديد...................260 جنيه
علبة الدركسيون كانت ممكن تتصلح او تتحشى بس انا بحب دايما الجديد فاشترتها جديدة تركى .......................1650 جنيه
مصنعية ..........200 جنيه

اتمنى اكون افدت الناس اللى كانت عايزة تعرف اسعار الحاجات دى و شكرا لكم

**ecybrarian** · 04-10-2011 11:33 PM

مبروك عليك الشغل دا..وشكرا على المعلومات..الشغل في اليكس ولا كايرو :-)

**Rsarabia** · 04-10-2011 11:41 PM

الف مبروك على تظبيط الميجان و اهلا و سهلا بيك فى المنتدى و احنا كلنا اخوات بنساعد بعض باللى ربنا بيقدرنا عليه و ربنا يديك خيرها و يبعد عنك شرها

**Amr_Moh** · 05-10-2011 01:00 AM

جزاك الله خيراً

**yalahwy2010** · 05-10-2011 01:03 AM

انا حشيت قبل كدة علبة الدريكسيون .........والحمد لله لغاية دلوقتى زى الفل...........اتكلفت 200 جنيه بالمصنعية
بس حشيتها عاج......أحسن من الحشو العادى
بقالها معايا حوالى 7 شهور
وهذا للعلم وافادة باقى الأعضاء