الموضوع: مش هاخد من وقتكو دقيقه...سيفيك 93

اهلا بيك ياباشا ومنور قسم هوندا

اولا بالنسبة للعربية اللى حضرتك عارض صورتها دية ex مش si لانها بدون فتحة سقف على حد نظرى للصورة

يعنى كتير عليها 45 الف جنية حتى لو معمول فيها الشغل دة كلة

طبعا لو فيها محرك vtec غير ال sir يبقى حضرتك لازم تقولى هل المحرك دة 1500 ولا 1600

بالنسبة لتسقيط المحركات ماتقلقش بس هو اهم حاجة يكون وداها عند واحد بيفهم ومتخصص هوندا غير كدة ان شاء الله مافيش مشاكل خالص من موضوع التسقيط دة

اهم حاجة فى الهوندا تبص على الشاسية والدواخل دة رقم واحد , تانى حاجة محرك السيارة لازم يكون حالتة كويسة جدا وكبسة لا يقل عن 78 % , ثالث حاجة : صالون السيارة لازم يكون حالتة نظيفة وكل حاجة تعمل ومافيش حاجة مكسورة , رابعا الاكسسوارات الخارجية للسيارة زى الحلايات اللى على الابواب والجرايد بتاعتها سواء بتاعة السقف او الزجاج , اخيرا تبص على العفشة وكل اللى يهمنى فى العفشة علبة الدركسيون وبعد كدة كل حاجة تبقى شغالة كويس

ولو لقيت العربية كويسة فى الجنوط ال17 يبقى العفشة دية تمام , واعمل حسابك ان الجنوط دية هتتغير وتنزل الى 15 او 16 اقصى حاجة لراحة العربية فى الشوارع الجميلة بتاعتنا

لو هتوديها التوكيل روح ب250 جنية الكشف وقولهم انا عايز اعمل بس كشف على الشاسية والمحرك بس مش لازم بقيت الاجزاء لانهم هيطلعوا فيها مصاريف بتمن العربية

عندك كتير فى الحرفيين بيفهموا ومتخصصين هوندا ( منير - جاسم - محمد سعيد ( ارشحة بشدة فى الكشف على السيارة بس ابقى اغسل غرفة المحرك الاول )

وربنا يوفقك واهم حاجة طبعا تتابع ارقام الشاسيهات اللى على الحوض واللى على القايم لازم يكونوا متطابقين + الارقام اللى على اجناب الرفارف من الداخل لازم يكونوا متشابهين ماعدا اخر رقم وهم مكونيين من اربع احرف

واى استفسار دة رقمى 0103088605 اخوك سامح

المشاركة الأصلية كتبت بواسطة romyoghost

walhy ya semse anta bn2dm mo7tarm w rabna y5lik f3lan mash hatbos 3ala 3arbyty wala a ya 3am :d

حبيبى قلبى يارامى ياعم تعالى اى وقت انا موجود من بعد الساعة 8 مساءا

على فكرة الكتابة بالطريقة دية غلط ماتكتبهاش تانى عشان ماتتوقفش يامعلم

المشاركة الأصلية كتبت بواسطة creative_art

سامح باشا...انا مش عارف اقولك ايه....بس بجد نفسى اقولك يابخت من عرف راجل...وحب الناس نعمه....بس كدا مش هقولك حاجه تانى...ومعلش انى ازعجتك ساعه فى التليفون انهارده بس والله افدتنى جدا..شكراا جزيلاا

ياباشا على اية احنا اخوات وان شاء الله خير وان شاء الله تلاقى حاجة نظيفة وتريحك