لأ عربيتك مش أحسن عربية في الفئة دي في أحسن منها وبنفس السعر

**ramyso4** · 16-05-2008 11:18 PM

المشكلة في نقطتين
أول نقطة إن الفلوس مبقتش تيجي بالساهل الواحد عشان يحوش 100 ألف جنيه شوف بيجمعهم في قد إيه و بيتعب فيهم ازاي ف الواحد لما يجيب عربية حتى لو إكتشف فيها عيب بيجلو حالة نفسية بيقول معقول أنا ضيعت فلوس السنين دي في عربية وحشة كدة وكان ممكن أجيب العربية الفلانية الأحسن من عربيتي !!! بيمسك بقى العربية التانية الأحسن ويطلع القطط الفطسه فيها و عربيته يحاول على قد ما يقدر يهون عيبها عشان ميواجهش نفسو إنه إختار القرار الغلط وضيع 100 ألف جندي
تاني نقطة نفس الشخص يبئة سايق طول عمره عربية معينة على أد حالها وبعدين يجيب عربية من فئة أعلى وأحسن ف يتسعق بفرق التكنولوجيا ويبقى أول مرة يركب عربية مكيفة ف هيقول د تلاجة حتى لو كان ضعيف عشان مقارنش بال عربيات التانية الفي نفس الفئه ونفس الكلام على البور وال ستبلتي وهكذا

**amir** · 17-05-2008 12:49 AM

المشاركة الأصلية كتبت بواسطة ramyso4

المشكلة في نقطتين
بيمسك بقى العربية التانية الأحسن ويطلع القطط الفطسه فيها و عربيته يحاول على قد ما يقدر يهون عيبها عشان ميواجهش نفسو إنه إختار القرار الغلط
تاني نقطة نفس الشخص يبئة سايق طول عمره عربية معينة على أد حالها وبعدين يجيب عربية من فئة أعلى وأحسن ف يتسعق بفرق التكنولوجيا ويبقى أول مرة يركب عربية مكيفة ف هيقول د تلاجة حتى لو كان ضعيف عشان مقارنش بال عربيات التانية الفي نفس الفئه ونفس الكلام على البور وال ستبلتي وهكذا

الله يبارك فيك *************

===============

يرجى عدم شخصنة الكلام أو التعريض لشخص اي عضو
ويرجى اتباع تعليمات وقوانين المنتدى

وشكرا

الادارة 3

**fahd_628** · 17-05-2008 01:13 AM

تماااااااااااااام جدا جدا

الحمد لله انا لست من ملاك الجين 2 :)

**ams** · 17-05-2008 01:22 AM

العصبية مشتقة من العصب يعنى العائله و العشيرة بالمفهوم القبلى بتاعنا - و بمفهوم اعم هى حاجة بتربط محموعة من الناس مشتركين فى شىء معين زينا كده كمصريين او مسلميين او نايل موتورزيين (جامده دى) يعنى فى الكوره مثلا المواطن البورسعيدى هيشجع مين يعنى الاسماعيلى ؟؟!! و القاهرى طبيعى انه يشجع الاهلى اللى هو رمز للقومية و معمول للمصريين

بصراحة فى اعتقادى الشخصى العصبية شىء عادى و طبيعى و غير مذموم

الشىء المذموم هو الانحياز والعزة بالاثم و عدم الاعتراف بالاخطاء

طيب نيجى للعربيات
لو حد سالنى عن عربيتنا هجاوبه بالحقائق و المميزات و العيوب
لكن بالنسبه لى انا - بينى وبين نفسى - عربيتنا احسن عربيه فى الدنيا
عارفين ليه ؟ عشان عربيتنا هى د اللى ربنا رزقنا بيها و اللى ابويا -مبحبش كلمة "بابا"-جمع فلوسها بشغله الحلال وهى اللى يتغنينا عن المواصلات و ما ادراك ما
المواصلات ...........................الخ
بكده تعيش ملك

**Ahmad Allawy** · 17-05-2008 01:27 AM

اولا..
حلوة قوي نايل موتورزاويين دي.. جديدة..
ثانيا.. ليه يعني طالما قاهري تبقي اهلاوي..؟؟ احنا هنخبط من اولها ولا ايه..؟؟
(شوفت..؟؟ اهي العصبية طلعت اهي.. :) انا باهرج بس يا باشا مش بجد..)
ثالثا.. ربنا يدي لوالدك الصحة و يرزقك بالرزق الحلال و تشتري عربية من فقلوسك و مجهودك انت كمان.. و تدافع عنها.. :) (انا كمان نفس الحال علي فكرة.. :) )
و اخر حاجة بقي..
يا عم غير لون الفونت ده.. انا اتعميت ومش شايف حاجة..
اعمل حساب ان في ناس نظرها علي قدها و عايزين يغيروا النضارات.. و اوعي انت نفسك تكون بتلبس نضارة :)

**Nile_Storm** · 17-05-2008 01:28 AM

و الله هو كلام زي الفل
بس ساعات الواحد بيبقي يتكلم علي عربيته كويس - هوا شايفها كده - و يتهم بالتعصب
وده حصل معايا شخصيا
اتهمت بالتعصب للهيونداي
حتي اني كمان مظبط مع غبور هههههههههههه
بس انا حاطط الكلام ده ورا ظهري
لاني انا من جوايا عارف اني بنصح لله و ردا للجميل لموقع كان السبب اني اجيب عربيتي دي
بس طبعا في ناس هنا بقت متعصبه بشكل اعمي لدرجه لو قارنت بين سيارتها و بين الرولز رويس مثلا هيقولك عربيتي
وفيه متعصبين ده ماركه معينه و ده نوع لايستهان به برضه

يانااااااااااااااس مش معني ان شخص تاني ميفضلش عربيتك يبقي انت كنت غلط
ولو انت كان اختيارك غلط فعلا مترودش الغلط و تغلط الناس معاك علشان ربنا يباركلك

اما المعلومات الغلط و الفتي و الهجوم احيانا لو مكنش فيه حجه و تحس ان فيه حرب و الحقوني و فين شباب مش عارف ايه و حوارات بدون لازمه للاسف موجوده عند بعض الناس هنا و ربنا يهديهم

**ams** · 17-05-2008 01:39 AM

المشاركة الأصلية كتبت بواسطة Ahmad Allawy

اولا..
حلوة قوي نايل موتورزاويين دي.. جديدة..
ثانيا.. ليه يعني طالما قاهري تبقي اهلاوي..؟؟ احنا هنخبط من اولها ولا ايه..؟؟
(شوفت..؟؟ اهي العصبية طلعت اهي.. :) انا باهرج بس يا باشا مش بجد..)
ثالثا.. ربنا يدي لوالدك الصحة و يرزقك بالرزق الحلال و تشتري عربية من فقلوسك و مجهودك انت كمان.. و تدافع عنها.. :) (انا كمان نفس الحال علي فكرة.. :) )
و اخر حاجة بقي..
يا عم غير لون الفونت ده.. انا اتعميت ومش شايف حاجة..
اعمل حساب ان في ناس نظرها علي قدها و عايزين يغيروا النضارات.. و اوعي انت نفسك تكون بتلبس نضارة :)

طبعا النضارة منوره فى وشى قربت تكمل السنه اهى . حاضر هاغير اللون ايه رايك فى ده

و شكرا على الشعور الحلو ده والدعوات الجميله :)ربنا يرضى عنا

المشاركة الأصلية كتبت بواسطة Nile_Storm

اتهمت بالتعصب للهيونداي
حتي اني كمان مظبط مع غبور هههههههههههه

ما تنكرش الانكار مش هينفعك

**Ahmad Allawy** · 17-05-2008 01:42 AM

ايوان كده يا باشا.. الدنيا نورت..
كده مش لازم اطلع الزق وشي في الشاشة عشان اشوف انت كاتب ايه..
بس حلو اللون الاصفر ده.. واضح كده و باين.. :) :) :)

بالنسبة لالأخ نايل ستورم.. اعترف احسنلك..
المنتدي كله محاصر.. و اي حركة هاضرب في السخان.. :)

**Nile_Storm** · 17-05-2008 01:45 AM

ايه ياجدعان
انتو بتتكلموا بجد
يانهار ابيض

-

الموضوع: لأ عربيتك مش أحسن عربية في الفئة دي في أحسن منها وبنفس السعر

LinkBack

أدوات الموضوع

عرض

-

-

-

-

-

-

المواضيع المتشابهه

أحسن مكان تركن فيه عربيتك

اية أحسن نوع زيت ممكن تحطة فى عربيتك الهوندا؟

وحوش اللوجان..أحسن أحسن..للأمام

ايه أحسن عربية فى دول

لا عزاء لملاك الكورولا الشاهين طلعت أحسن منها !!!!!!!!!!!

الكلمات الدلالية لهذا الموضوع

المفضلات

المفضلات

ضوابط المشاركة