ممكن اسعار الدراجات البخارية ( الريس ) فى مصر

**moshametalrevenger** · 16-05-2008 07:05 PM

السلام عليكم ورحمة الله

( الي عاشقي الدراجات البخارية الرياضية )

بعد اذن حضراتكم كنت عايز اعرف بس اسعار وامكانيات موتوسيكلات هوندا .. ياماها .. سوزوكي الجديد منها والمستعل فى مصر.
مع توصيح الامكانيات .. وياريت دليل الاماكن اللى اجد فيها الموتوسيكلات دي بأسعار مناسبة.
انا بصراحة خبرتي ضعيفة جداً فى النوع ده .. وياريت اجد الافادة
يعني مثلاً الاسعار بتبدأ من .... الي .....
والامكانيات بتبدأ من .... الي .....

وجزاكم الله كل خير
تحياتي للجميع

**loai-omar** · 20-05-2008 10:17 PM

بص يا باشا

أولاااحسن نوع تجيبه في مصر و تلاقي قطع غيار ليه هوا الهوندا

فيه طبعا الكوازاكي و السوزوكي و الياماها

اغلاهم و احسنهم في مصر الهوندا

لما تيجي تشتري

اسعارهم بأه

ال 250 Cbr دي لو فابريكه بيعمل في حدود 11-13

ال 400 بارضو لو فابريكه من 14- و بيوصل ل 17 و 18 لو Rr

لو انت مالكش في الريس اوي بس عايز حاجه كويسه ممكن ال 250 او لو عايز حاجه تجري بارضو بيها بس عايزه اتصان اكتر ال 400

فيه طبعا ال 600 و 900 و 1000 و 1100

بس انا مش عايز افتيلك في اسعار

ايلي قولتهم دول اسعار الفابريكه الهوندا

في طبعا ايلي ماتوره مفتوح و فيه ايلي رش و فيه و فيه

ماتتفاجإش لو لقيت ياماها 250 او سوزوكي او كوازاكي 250 بيتكلموا في 5 و 4 الاف جنيه

عشان طبعا مش ماشيين في مصر و مافيش قطع غيار كتيره و مافيش حد بيعرف يصلحهم كويس

لو عايز تجيب جيب هوندا

لو عايز تشوف معرض كويس بس هوا اغلى من بره ب مثلا 500 جنيه بس حاجه نضيفه

في واحد اسمه أحمد فهمي في العجوزه

عند نعمه تدخل في صنيه ادخل شمال
و افضل ماشي على طول

تاليت ناصيه حتلاقيه

معرض و ميكانيكي

بص لو عايز استفسارات اكتر قولي و انا حتى اجي معاك

انا ببقا فاضي من 6-9 مساءأ

حتى في راجل محترم من المنتدى اسمه مصطفى كان عايز يقابلني عشان كنت عارض ريس للبيع بس المشكله اني الايام ايلي كلمني فيها حصلتلي ظروف كتيره

ابو واحد صاحبي اتوفى وعملت حادثه فا ماعرفتش اقابله

و بصراحه مكسوف جدا منه

لو قرا الكلام دا

انا بقوله سامحني با باشا و غصب عني و انا اسفلك جدا

المهم شوف انتا عايز ايه و انا اقدر اساعدك لو عايز تفاصيل اكتر

**Lord of the flies** · 20-05-2008 11:01 PM

الله ينور عليك يا استاذ لؤى بس مشش ممكن تفيدنا عن اسعار الكستم و الماجنا.
وبالنسبة للهوندا الريس السابق ذكرة ما هو تاريخ الصنع
وشكرا

**loai-omar** · 20-05-2008 11:12 PM

و عليك يا باشا

اسعار الكستم و الماجنا انا ماليش فيهم اوي ...

اقولك على حاجه

في واحد عنده ورشه و بيتاجر في الموتوسيكلات بارضو في المنيل اسمه

عصام الشهاوي

دا معروف اوي بارضو في المجال دا

و بيبقا عنده حاجات عاليه... ممكن تسألوا لو في حاجه معينه في دماغك

رقمه تليفونه 0106070423

و الهوندا دا بيبقا 89 ايلي حتلاقيهم ال 250 و ال 400 ايلي ماشيين في الشارع

بتلاقي الفوانيس ايلي اودام دوريتين جمب بعض

**moshametalrevenger** · 25-05-2008 03:42 PM

الف الف شكــر لؤي على مرورك وجوابك وانا آسـف اووي انى اتأخرت فى الدخول تاني للموضوع بس السبب يرجع للإمتحانات والمذاكرة والدوامـة ده .. مشكــور حـبيبي تـاني مـرة وبجد نفعتني كتيـر وان شاء الله لو حبيت استفسر عن شىء تاني هيبقي عن موديل معين شوفتو وعجبنى .بس بالنسبة للأسعار انت كدة افادتني كتيـر بجد ميرسي ياجميل .. وتقبل مرور.......