استفسار عن المتوسيكلات في الجمارك

**Mik_t4** · 05-10-2011 06:35 AM

فرضا ان في حد عايز يجيب موتوسيكلات استيراد من الخارج
هل هتكون نظامها نفس نظام العربيات يعنل مينفعش تدخل الا نصين وكدا ولا النظام اية بالظبط
ولا هتدخل كاملة وبورق وكدا
لان انا بشوف محلات عندها موتوسيكلات استيراد بورق فهل دي بتبق متقطعة بردو ولا نظامها اية بالظبط
اتمني حد يكون عندة معلومة في الحكاية دي
لان في واحد صاحبي عايز يعمل الموضوع دا وبنسال ونستفسر وكدا
ياريت تفيدوني يا شباب

**Mik_t4** · 05-10-2011 12:21 PM

اية يا جماعة مفيش اي معلومات؟؟؟

**Abdm** · 05-10-2011 03:00 PM

لا حضرتك الموتسيكلات والفسبا لا تقطع بتنزل كدة سليمة غير العربيات خالص
والله الموفق والمستعان

**tito29** · 05-10-2011 03:33 PM

المشاركة الأصلية كتبت بواسطة mik_t4

اية يا جماعة مفيش اي معلومات؟؟؟

أستيراد الموتوسيكلات المستعملة من الخارج مسموح بيه و لا يشترط الموديل زي العربيات
و التعريفة الجمركية بسيطة (35% علي ما أعتقد) و تحتسب علي السعر التقديري للجمارك و طبعا بيكون أقل من السعر الحقيقي
و مسموح أنك تستوردها للأستعمال الشخصي بأسمك علي طول
و برضه مسموح بصحبة راكب (يعني معاك و أنت جاي من بره)
بس لو أكتر من واحد يبقي لازم بطاقة أستيرادية و مقيد في جدول الموتوسيكلات

و طبعا لو رجعت للمشاركات القديمة شوية سوف تجد كل ما تسأل عنه و بالتفصيل
أستعمل خاصية البحث من فضلك لتجد معلومات أكثر
مع تحياتي

**yascro** · 05-10-2011 03:36 PM

ف الموتوسيكلات
لا يشترط سنه الموديل
ولا يشترط (انك تكون المالك الاول)

**alfath8** · 05-10-2011 07:02 PM

بص ممكن افيدك شوية لو انتا هاتجيب الموتوسيكل من بره لحسابك الشخصى ممكن مثلا هانقول سعره 2000 يورو مثلا ممكن تخليص اجراءات فى البلد المشحون منه ومصاريف الشحن ممكن تعمل كمان 1000 او ازيد او اقل حسب البلد وفى الجمرك بيحاسبك المثمن على الفئة اللترية مثلا 600 cc يأخد جمركه 6000 جنيه مصرى مثلا 900 هيأخد جمرك 9000 وطبعا لو ليك واسطة المثمن مش هايشوف الموتوسيكل ويكتبلك رقم حسب تاريخ الصنع والسعة اللترية وانتا وشطارتك بقى معاه ممكن تنزل الجمرك بأقل من الثمن الحقيقى طبعا برشة هنا وهناك ولو ليك طبعا حد بره هايبعتهولك مثلا فى حاوية قطع غيار طبعا تبقى حاجة كويسة علشان مصاريف الشحن وانا شايف بصراحة لو للاستعمال الشخصى هات من مصر أحسن هايبقى السعر متقارب كتير والمخاطرة قليلة جدا

**Mik_t4** · 06-10-2011 02:26 AM

لا انا مش قصدي للاستعمال الشخصي انا في ناس قرايبي برا بيقولولي ان في متوسكلات غالية اوي بعد 5 سنين اصحابها لازم يغيروها فا بيركنو الموتوسيكلات القديمة في اماكن زي مدافن للالات في عربيات وموتوسيكلات والات وكل الي تتخيلوة
فا انا بسال هل ممكن اجيب موتوسيكلات انواع نضيفة من الي مركونة دي وابيعها في مصر هتكون سعرها كويس ولا الموضوع مش هيجيب همة خالص
وهل حكاية ان ان كل 100 سي سي ب 1000 جنية جمارك دي صح
دا كدا يبق موضوع فاشل اوي لان معظم الموتوسيكلات برا سعات كبيرة بتوصل ل 1300
اتمني حد يكون عندة فكرة عن الموضوع دا في حكاية الموتوسيكلات الاستيراد دي
وهل بيفرق موديل الصنع في الجمارك ولا السعة اللترية بس
شكرا