-
تجربه صيانه
السلام عليكم,
كنت في التوكيل لعمل الصيانة الدوريه بالامس 4-10-2011 وموعدي كان 9:30 صباحا في الفرع الرئيسي واستلموا مني السياره في تمام ال 10 صباحا وتم الاتفاق على استلامها على 2 ونصف كحد اقصى وكما هو مكتوب على وصل التسليم مع ان الوقت كثير الا عند عودتي الساعه 2 ونصف لم يكونوا لمسوا السياره بعد وعند سؤالي للمهندس المختص قال لي انه شيك على (الفيوز!) وركب كلبس واقع في الشنطه الخلفيه حسب طلبي, هل يعقل من 10 صباحا حتى 2 ونصف ظهرا اي 4 ساعات ونصف لا يقوم الا بمراجعة علبة الفيوز وتركيب كلبس؟ طيب ما انا اقدر اركب الكلبس واشيك واغير الفيوز في 10 دقائق؟
والمهندس يقول اعمل ايه؟! زحمه؟! زحمه دي مش مشكلتي انا كعميل انا حاجز على 9 ونص مش مشكلتي ان خدمة العملاء يستقبلوا طلبات اكتر من قدرتكم , لكن اللي بيحصل ان العميل لما يسلم سيارته ويقولهم رايح مشوار او شغل وياخدها وهو راجع اللي يحصل في الوقت دا انهم بيدخلوا سيارات المعارف ويخلصوها الاول وينفضوا للعميل طبعا اللي سلمهم السياره ووثق فيهم, بعد ما رجعت على 2 ونصف ظهرا المهندس يقولي معلش معلش حالا هاخلصهالك؟ امال كان بيعمل ايه طول ال 4 ساعات ونصف؟ مش مسؤولية المهندس انه يتابع العمال ويتابع الاوردرات اللي معاه؟ هاخلصهالص في ساعه, انا مش جايبها وضارب مشوار على الصبح وسايبها لحد 2 ونص ظهرا عشان (اتكروت في ساعه)
لولا ان انا انسان مهذب والحمدلله وفي مكان كنت بحبه وهو بروتون وهو نابع لعشقي لسيارتي لولا ان علبة السجاير كنت بحرق فيها كان بدر مني اشياء مش لطيفه اطلاقا, لولا ان المهندس المحترم احمد محسن(ان لم تخني الذاكره) لاحظ مدى ضيقي امر العمال باتمام الطلب وطبعا لازم تقف على ايد كل عامل عشان يخلص بسرعه والا انت عارف الحاجه اللي تخلص في 5 دقائق تخلص في ساعه, المهندس المحترم احمد محسن اول مره اشوفه في التوكيل اليوم وكان كل 5 دقائق يدور على عربيتي ويشوفها فين ويتابع لحد ما استلمتها الساعه 5 ونص من التوكيل طبعا بعد ما اصر ان المهندس يطلع معايا ويجربها مع ان كنت هاخدها من غير ما اجربها لمدى رغبتي ان اخلص واطلع من المكان لانه يوم سيء وكرهت المكان جدا من الاسلوب والنظام بشكل عام.
باختصار شديد:
1- سلمت العربيه 9 ونصف استلمتها 5 ونص عصرا, هل يعقل؟؟؟؟
* لم اذكر اسم المهندس لاني احترمه جدا كشخص وهو محبوب من الجميع هنا ايضا ولكن هذا ليس عذر له على اهمال طلبات العملاء وتاخيرهم بهذا الشكل المهين لهم وللعملاء ايضا.
2- استلمت السياره ولم يقوموا بعمل بعض الاشياء كما تم الاتفاق عليها مع المهندس ومنها اعادة رجلشة الفرامل, اتكروت طبعا في الوقت الضايع ولم يتم الالتفات لها لانه مفيش وقت طبعا.
3- اسوء تجربه, من عدم التزام واهتمام, للاسف لم استمع لنصيحة العديد من الاصدقاء بعمل الصيانات بالخارج و(ريح دماغك من التوكيل) لكن بعد التجربه السيئه قررت التالي ان شاء الله:
- عمل جميع الصيانات بالخارج والله المغني عن التوكيل + الضمان واي حاجه منه
- عدم نصح اي شخص ببروتون بعد اليوم
- التخلص من سيارتي وبيعها باسرع وقت ان شاء الله
م. محمد,
-
اختلف معاك فى عدم نصحك للناس ببروتون عشان التوكيل ....لإن دلوقتى مركز خدمة عصام صفا ده فوق الممتاز و ناس بجد فاهمة و قمة فى الاحترام انا عملت الصيانة هناك مرتين بجد يخليك تجيله حتى لو كنت فى اخر الدنيا من طريقة المعاملة المحترمة و المتابعة كمان و كمان فاهمين ماشاء الله مش يقولك هو كده و خلاص بجد عصام صفا هيخلى ناس كتير تراجع نفسها فى شراء السيارة الجميلة دى
-
انا حصل معايا نفس الموقف المرتين اللى روحتهم
أول مرة فى صيانه الألف سلمت العربيه 10 ص إستلمتها 6 بالليل وكنت قاعد كل ده هناك وكان معايا اهل بيتى على وعد انى هوديهم إسكندريه ، قولت دى صيانه الألف ومش هتاخد وقت ولكن للأسف كانوا عاوزين كمان يبيتوها فى التوكيل ولما المهندس بلغنى بده
بصراحه اضريت أحرجه وأقوله عيب أن توكيل زى عز العرب يبيت عربيه عنده فى صيانه الألف أمالى فى صيانه العشرين ولا ال 60 هنعمل ايه الراجل أتكسف منى وقالى هحاول أخلصهالك
المهم اتكروت طبعا وكان عندى مشكله فى الضفيرة وإشارتى اليمين بتعلق وفضلت كده لحد صيانه ال 5000
لما روحت ال 5000 نفس الموقف وقالى هتستلم الساعه 2 : 3 كحد أقصى وكالعاده قالى نبيت العربيه ولما رفضت وحقيقى اتعصبت جدا فضل واقف على ايد الكهربائى لحد ما لقى مشكله الضفيرة وحلها وطبعا إستلم العربيه الساعه 5.30 وكأن ده الموعد الرسمى لتسليم سيارات العملاء اللى ميعرفوش حد فى التوكيل
حقيقى بفكر بشكل جدى إنى أبدا أعمل صيانه فى مركز عصام وصفا زى ما كتير بينصحونى
-
يا باشا كلمة السر: مركز عصام صفا, يا راجل ده أنا ساكن في زايد و ممكن أروحله و أخلص صيانة و ارجع قبل م توكيل الصحراوي الي هو جمبي يكون خلص, ده غير طبعا الاهتمام و انهم فاهمين أكتر من الفنيين الي في التوكيل في رأيي.
نصيحتي تعامل معاهم و ما تضيعش الضمان.
-
ايه اللي موديك التوكيل؟
لو روحت عصام و صفا هتغير رايك تماما
-
تجربة مريرة و شئ مؤسف و مش عارف أرد أقول أيه بصراحة
-
أرجوا يا أستاذ بلاك بيري ما تضحيش بالعربية بسبب موقف سئ في التوكيل
واضح من كلام الأخوة الكرام جميعا اللي جربوا عصام صفا أنه مركز خدمة ممتاز .
و ربنا يهدي المهندسيين اللي في التوكيل
-
السلام عليكم,
شكرا لكم اخواني الكرام على نصيحتكم بمركز عصام وصفا وان شاء الله هاجربه قريبا على الاقل تشييك على الكروته اللي حصلت من التوكيل.
تحياتي لكم
-
مش قولنا نقاطع التوكيل بقى احسن؟
Content Relevant URLs by
vBSEO 3.6.0 PL2