محتار ياجماعة وعاوز النصيحة منكم

**heart_sugar** · 05-10-2011 01:58 PM

انا كانت معاية نيو اكسنت 2011 الشكل القديم قعدت سنه وبعتها وجبت الجديده صراحة القديمه احسن بكتيرررر وجربت الالنترا الجديده والقديمه القديمه احسن صدقني
ولو عايز تغير اصبر سنه واشتري السيراتوا الشكل الجديد الي حينزل اخر 2012

**shtaher2368** · 05-10-2011 02:43 PM

المشاركة الأصلية كتبت بواسطة mido51eg

عربيتك لو النترا الوكيل المصري كنت هقولك غير وهات الشكل الجديد. انما الخليجي دي فرق شاسع جدا ... في نظام تبريدها ، وتكييفها ، عزل الحرارة في السقف والأبواب ... فرامل عربيتك احسن من فرامل الألينترا 2012 ... انا لو مكانك مش هاخد الخطوة دي.

شكرا ياميدو ألف شكر على ردك ورأيك على رأسى من فوق وتقريبا هو نفس رأيي لأنى جربت الألنترا الجديدة وفعل عربيتى أحسن فى الأداء بكتير أوي الفرق فى الشكل الخارجى فقط لاغير وبعدين العربية الجديدة زي البطيخة يا حلوة يا قرعة وأنا بطيختى الحمد والشكر يارب ويديمها على نعمة طلعت خشاف

**shtaher2368** · 05-10-2011 03:09 PM

المشاركة الأصلية كتبت بواسطة heart_sugar

انا كانت معاية نيو اكسنت 2011 الشكل القديم قعدت سنه وبعتها وجبت الجديده صراحة القديمه احسن بكتيرررر وجربت الالنترا الجديده والقديمه القديمه احسن صدقني
ولو عايز تغير اصبر سنه واشتري السيراتوا الشكل الجديد الي حينزل اخر 2012

شكرا ياباشا على رأيك وربنا يحفظلك أولادك وعربيتك وفعلا المنتدى هنا ماشاء اللة الواحد أول مابيطلب النصيحة بتنزل ترف ربنا يحفظكم جميعا

**Rsarabia** · 05-10-2011 04:53 PM

المشاركة الأصلية كتبت بواسطة shtaher2368

ياجماعة أنا معايا سيارة ألنترا 2010 خليجى سعودى عاملة 9600 كيلو فقط لاغير فتحة سقف جنوط سبور فرامل ديسكات أمامى خلفى أشتريتها يوم 18-1-2010 العربية ماشاء الله بحالة الفابريكة وطبعا بعد نزول الألنترا الجديدة زقزقت فى عينى أنى أغير للجديدة وخصوصا طبعا أن شكلها رائع والأولاد طبعا عايزين كدة خصوصا بعد ما زوج أختى جاب الألنترا الجديدة وطبغا الغيرة أشتغلت بس للأمانة أنا ركبت الجديدة وهى أول فئة أوتوماتيك بدون جنوط ولا فتحة سقف ولا بلوتوث فى الكاسيت ولا جراب نظارة وأنوار قراءة أمامية وهو ربنا يبارك لة فيها أشتراها ب 125 ألف وانا سوقتها وحاسس أن الفرق لصالح عربيتى بمنتهى الصدق فى العفشة الخلفية وفى ثقلها فى الطلعة الأولى هو الفرق لصالح الجديدة فى الشكل الخارجى فقط لاغير.... السؤال هنا اللى عايز علية أجابة من حضراتكم هل من المنطقى أنى أبيع سيارتى حبيبتى اللى الحمد لله مريحانى جدا وانا عارف أنها لايمكن هتجيب أكتر من 100 ألف جنية واروح اشتري الالنترا الجيدة وأحط فرق حوالي 40 ألف جنية علشان أشتري ألنترا 2012 بنفس مواصفات عربيتى بس اللأختلاف فى الشكل فقط وأنا متأكد أن أداء سيارتى أحسن بكتير ياريت تردوا ياشباب

يا باشا عربيتك عاملة 9600 كيلو بس حرام تبيعها دى لسه زيرو حتى لو الامكانيات مساعدة و بعدين استمتع بيها لحد ما تحس انها بدأت تعجز لكن هتغير عشان الشكل مختلف بس يبقى حرام خصوصا ان الفرق مش كبير اوى بين الاتنين و القديمة حلوة بردو

**Donzi** · 05-10-2011 05:03 PM

المشاركة الأصلية كتبت بواسطة mido51eg

عربيتك لو النترا الوكيل المصري كنت هقولك غير وهات الشكل الجديد. انما الخليجي دي فرق شاسع جدا ... في نظام تبريدها ، وتكييفها ، عزل الحرارة في السقف والأبواب ... فرامل عربيتك احسن من فرامل الألينترا 2012 ... انا لو مكانك مش هاخد الخطوة دي.

+111111111111

ببساطة لا مش منطقي

و الاولاد يا ما بيشبطوا في حاجات كتير و اكيد مش هانمشي وراهم و لا هانبيع هدومنا بعد كدا

**shtaher2368** · 05-10-2011 07:10 PM

المشاركة الأصلية كتبت بواسطة rsarabia

يا باشا عربيتك عاملة 9600 كيلو بس حرام تبيعها دى لسه زيرو حتى لو الامكانيات مساعدة و بعدين استمتع بيها لحد ما تحس انها بدأت تعجز لكن هتغير عشان الشكل مختلف بس يبقى حرام خصوصا ان الفرق مش كبير اوى بين الاتنين و القديمة حلوة بردو

شكرا ياباشا على الرد وأنا فعلا خلاص أقتنعت والحمدللة أنى حرام أفرط فى عربيتى شكرا مرة تانية على مرورك

**shtaher2368** · 05-10-2011 07:15 PM

المشاركة الأصلية كتبت بواسطة donzi

+111111111111

ببساطة لا مش منطقي

و الاولاد يا ما بيشبطوا في حاجات كتير و اكيد مش هانمشي وراهم و لا هانبيع هدومنا بعد كدا

شكرا يادونزى وأكيد رأيك صح ومتشكر على الرد

**shtaher2368** · 05-10-2011 07:21 PM

المشاركة الأصلية كتبت بواسطة egyptiandiver

ولا تزنق نفسك ولا حاجة! عربيتك زيرو يا مدير و ربنا يعلم القرش بييجي ازاي، و أي حاجة إنت أولى بها إنت أو أولادك ...إنت شايف حضرتك الحياه بأت فظيعة أد إيه في أسعار كل حاجة، يوم لا قدر الله و أي حد يحتاج يروح مستشفى ولا حاجة و تلقي نفسك محتاج فلوس العلاج مثلاً - يبئة أدامك حاجة من اتنين يا تتعالج يا..... ولا بلاش! و على رأي المثل يا مستكتر الزمن أكتر ... دة رأيي و ربنا يعملك الصالح أحمد سامي

شكرا جزيلا ياأستاذ أحمد بس بيقولوا الملافظ سعد ياعم دة أنت عقدتنى فى حياتى علاج ومستشفيات ولخبطت لى الدنيا وخلتها أسودت فى عيونى ياأخى حرام عليك واللة عموما شكرا مرة تانية ياأحمد باشا وربنا يسترها معانا

**egyptiandiver** · 05-10-2011 07:31 PM

أنا بكلم حضرتك ذي أخي و ربنا شاهد عليا. ربنا يديك الصحة و العافية و الاولاد و يبركلك يا رب. أخوك أحمد سامي

الموضوع: محتار ياجماعة وعاوز النصيحة منكم

LinkBack

أدوات الموضوع

عرض

-

-

-

-

-

-

المواضيع المتشابهه

i10 مغلبانى وعاوز استفسر عن حجات كتير انا لسه جديد وعاوز استفيد منكم

محتاج النصيحة منكم

مشكلة وعاوز حل منكم

ياجماعة انا محتار وعاوزة مساعد منكم

محتار والله محتار وعاوز نصيحه بجد ولوجه الله وما تبخلوش بالردود

الكلمات الدلالية لهذا الموضوع

المفضلات

المفضلات

ضوابط المشاركة