محتار ياجماعة وعاوز النصيحة منكم

**shtaher2368** · 05-10-2011 12:15 PM

ياجماعة أنا معايا سيارة ألنترا 2010 خليجى سعودى عاملة 9600 كيلو فقط لاغير فتحة سقف جنوط سبور فرامل ديسكات أمامى خلفى أشتريتها يوم 18-1-2010 العربية ماشاء اللة بحالة الفابريكة وطبعا بعد نزول الألنترا الجديدة زقزقت فى عينى أنى أغير للجديدة وخصوصا طبعا أن شكلها رائع والأولاد طبعا عايزين كدة خصوصا بعد ما زوج أختى جاب الألنترا الجديدة وطبغا الغيرة أشتغلت بس للأمانة أنا ركبت الجديدة وهى أول فئة أوتوماتيك بدون جنوط ولا فتحة سقف ولا بلوتوث فى الكاسيت ولا جراب نظارة وأنوار قراءة أمامية وهو ربنا يبارك لة فيها أشتراها ب 125 ألف وانا سوقتها وحاسس أن الفرق لصالح عربيتى بمنتهى الصدق فى العفشة الخلفية وفى ثقلها فى الطلعة الأولى هو الفرق لصالح الجديدة فى الشكل الخارجى فقط لاغير.... السؤال هنا اللى عايز علية أجابة من حضراتكم هل من المنطقى أنى أبيع سيارتى حبيبتى اللى الحمد للة مريحانى جدا وانا عارف أنها لايمكن هتجيب أكتر من 100 ألف جنية واروح اشتري الالنترا الجيدة وأحط فرق حوالي 40 ألف جنية علشان أشتري ألنترا 2012 بنفس مواصفات عربيتى بس اللأختلاف فى الشكل فقط وأنا متأكد أن أداء سيارتى أحسن بكتير ياريت تردوا ياشباب

**yalahwy2010** · 05-10-2011 12:39 PM

انا من رأى ان اى حد يشترى اى عربية لازم تقعد معاه فترة على الأقل كام سنة عشان يبقى حلل الفلوس اللى ادفعت فيها...........وفى نفس الوقت ما تزنقش نفسك
بس الجديد حلو برضه.والشكل الجديد بصراحة تحفة......لو مافيش أى زنقة فى الفلوس...توكل على الله وهاتها...........هى هيبقى فيها أكتر من ميزة............أولا واسعة جدا جدا
تانى حاجة شكلها هيقعد على الأقل خمس سنين كمان.......
اعمل استخارة وتوكل على الله وهاتها

**shtaher2368** · 05-10-2011 01:12 PM

المشاركة الأصلية كتبت بواسطة yalahwy2010

انا من رأى ان اى حد يشترى اى عربية لازم تقعد معاه فترة على الأقل كام سنة عشان يبقى حلل الفلوس اللى ادفعت فيها...........وفى نفس الوقت ما تزنقش نفسك
بس الجديد حلو برضه.والشكل الجديد بصراحة تحفة......لو مافيش أى زنقة فى الفلوس...توكل على الله وهاتها...........هى هيبقى فيها أكتر من ميزة............أولا واسعة جدا جدا
تانى حاجة شكلها هيقعد على الأقل خمس سنين كمان.......
اعمل استخارة وتوكل على الله وهاتها

واللة ياأخويا هيبقى فى زنقة فى الفلوس وبعدين برضة مستخسر عربيتى الحمدللة مفيهاش عيوب صناعة ولاحاجة وذى أنت مابتقول لسة الجديدة مالحقتش تتجرب كويس وماتعرفش عيوبها وعلى فكرة الجديدة مش أوسع ولاحاجة تقريبا نفس القعدة بالضبط هى بس شكلها الخارجى أكبر شوية واللى فى الخير يقدمة ربنا وشكرا على الرد السريع

**aymanshebl** · 05-10-2011 01:29 PM

انا من راى ان حضرتك تستمتع بالعربية ما دام حضرتك ميسوط منها و احسن من الشكل الجديد بلا شكل جديد بلا وجع قلب و وفر ال 40 الف دول لاى حاجة تانية حرام تدفع زيادة 40 الف علشان الشكل

**samihanwar** · 05-10-2011 01:39 PM

هى بصراحه الشيب الجديد جامده جدا من كل شئ
وهى طبعا اوسع من الشيب القديم وصوتها ناعم جدا هى بصراحه تحفه
بس انا رايى لو انت عاوز تبيع عشان تجيب الشيب الجديد يعنى كشكل بس بلاش لأن الشيب الجديد استنى عليه شويه هتلاقيها ملت الدنيا وهتبقى زهقان
خليك فى اللى معاك احسن

**shtaher2368** · 05-10-2011 01:41 PM

المشاركة الأصلية كتبت بواسطة aymanshebl

انا من راى ان حضرتك تستمتع بالعربية ما دام حضرتك ميسوط منها و احسن من الشكل الجديد بلا شكل جديد بلا وجع قلب و وفر ال 40 الف دول لاى حاجة تانية حرام تدفع زيادة 40 الف علشان الشكل

ربنا يخليك ياأيمن باشا واللة أنا رأيي ذى رأيك بس أنت عارف الذن على الودان وخصوصا أن أولادى شباب والمهم عندهم الشكل أنما الفلوس تيجى أزاى ماتفرقش معاهم أدينى بحاول أقنعهم وخصوصا أني فعلا وللة الحمد بحب عربيتي جدا وشايف ان الفرق فى الشكل مايستاهلش كل الفلوس دى وربنا يقدم مافية الخير وشكرا مرة تانية ياأيمون

**shtaher2368** · 05-10-2011 01:49 PM

المشاركة الأصلية كتبت بواسطة samihanwar

هى بصراحه الشيب الجديد جامده جدا من كل شئ
وهى طبعا اوسع من الشيب القديم وصوتها ناعم جدا هى بصراحه تحفه
بس انا رايى لو انت عاوز تبيع عشان تجيب الشيب الجديد يعنى كشكل بس بلاش لأن الشيب الجديد استنى عليه شويه هتلاقيها ملت الدنيا وهتبقى زهقان
خليك فى اللى معاك احسن

شكرا ياسموحة على الرد وعلى فكرة صوتها مش أنعم ولا حاجة والوسع الداخلى واحد أنا سوقتها لأن زوج أختى لسة شاريها وأستجابة عربيتى للسرعة أعلى بكتير والألنترا الجديدة بتتنطط من الخلف جامد لأن عفشتها عفشة السيراتو بالظبط ودة حقيقى يعنى انا مش بحاول أقنع نفسى علشان أحتفظ بعربيتى وشكرا على ردك ياسامح مرة تانية

**adel1212** · 05-10-2011 01:49 PM

انا معايا 2011 و لمعت فى دماغى لفترة انى اغير ل 2012و تقريبا نفس ظروفك لكن العقل تدخل فى اللحظات الحاسمة رغم ان اللى كان حياخد عربيتى اخويا يعنى مش فارقة معايا الخسارة كتير
لانى لو حطيت نفسى فى الدوامة دى يبقى كل سنة عايز اغير لان الموديلات الجديدة تحفة
و اخدت قرار ان شاء الله اغير بعد 5 سنوات لو كان فى العمر باقى
فنصيحة الاولاد ربنا يبارك لك فيهم اولى باى فلوس وبالذات ربنا اللى يعلم البلد رايحة لغاية فين واخيرا ربنا يوفقك ويسدد خطاك للخير
تحياتى

**mido51eg** · 05-10-2011 01:57 PM

عربيتك لو النترا الوكيل المصري كنت هقولك غير وهات الشكل الجديد. انما الخليجي دي فرق شاسع جدا ... في نظام تبريدها ، وتكييفها ، عزل الحرارة في السقف والأبواب ... فرامل عربيتك احسن من فرامل الألينترا 2012 ... انا لو مكانك مش هاخد الخطوة دي.

**shtaher2368** · 05-10-2011 01:58 PM

المشاركة الأصلية كتبت بواسطة adel1212

انا معايا 2011 و لمعت فى دماغى لفترة انى اغير ل 2012و تقريبا نفس ظروفك لكن العقل تدخل فى اللحظات الحاسمة رغم ان اللى كان حياخد عربيتى اخويا يعنى مش فارقة معايا الخسارة كتير
لانى لو حطيت نفسى فى الدوامة دى يبقى كل سنة عايز اغير لان الموديلات الجديدة تحفة
و اخدت قرار ان شاء الله اغير بعد 5 سنوات لو كان فى العمر باقى
فنصيحة الاولاد ربنا يبارك لك فيهم اولى باى فلوس وبالذات ربنا اللى يعلم البلد رايحة لغاية فين واخيرا ربنا يوفقك ويسدد خطاك للخير
تحياتى

ربنا يخليك ياأستاذ عادل وشكرا على الدعوات الجميلة دى وربنا يحفظلك أولادك وعربيتك يارب طبعا رأيك مظبوط جدا جدا وخصوصا أن فرق الفلوس مش موجود كمان بالكامل يعنى الموضوع هيعمل زنقة جامدة والعملية مش مستاهلة وخصوصا أن عربيتى حلوة جدا وناعمة وشكلها برضة جميل وحضرتك عندك أختها ومجربها ربنا يبارك فيك ياأستاذ عادل

الموضوع: محتار ياجماعة وعاوز النصيحة منكم

LinkBack

أدوات الموضوع

عرض

محتار ياجماعة وعاوز النصيحة منكم - انشر الموضوع فى :

-

-

-

-

-

-

-

المواضيع المتشابهه

i10 مغلبانى وعاوز استفسر عن حجات كتير انا لسه جديد وعاوز استفيد منكم

محتاج النصيحة منكم

مشكلة وعاوز حل منكم

ياجماعة انا محتار وعاوزة مساعد منكم

محتار والله محتار وعاوز نصيحه بجد ولوجه الله وما تبخلوش بالردود

الكلمات الدلالية لهذا الموضوع

المفضلات

المفضلات

ضوابط المشاركة