معروض عليا شقه في بيانكي الاسكندريه
السلام عليكم ورحمه الله وبركاته
اخواني الاعزاء محتاج مشورتكم ورايكم من واقع خبرتكم يعني باسكندريه والمناطق وياريت الي عنده خبرة ف الشقق كمان واسعارها
خالي اخد شقه في اسكندريه في منطقه اسمها بيانكي وبيقول مبيدخلهاش الا الملاك فقط لا غير ومنطقه نضيفه وهاديه
والشقه قوضتين وصاله وكده اشتراها كاش ب 80 الف جنيه وبيقول لسه في بقا مصاريف 20 ولا حاجه علي حسب كلامه شبابيك وكده
سؤالي بقا السعر ده كويس ولا وحش ولا في احسن ولا ايه
المنطقه للمصيف ولا ممكن الواحد يروح في الشتاء
يعني الواحديتكل علي الله ويروح يشتري معاه ولا السعر مبالغ فيه ولا ايه
وبيقول العمارة الدور 9 شقق وفيها اكتر من اسانسير
نصيحتكم الله لا يوقعكم في حيرتي
انا من زمان وانا نفسي اخد شقه ف اسكندريه مصيف وتصلح اني اروح اعد فيها في اي وقت م السنه زي مانتوا عارفين اسكندريه روعه صيف شتاء وف الشتاء بتبقا اجمل واحلا كمان
معلوماتي عن اسكندريه ضعيفه منزلتهاش كتير غير مرات بسيطه جدا واغلبهم لحاجات تانيه مش فسح ف معرفش اي حاجه ولا اعرف ازاي اوصل للمكان ولا اي حاجه علما باني لو قلتولي حلوة واتكل علي الله هروح بالعربيه
اتمني الاقي الي عنده معلومات وياخد بيدي :00020140: