سؤال لغبور ويا ريت حد يرد عليا.... (أحترموا عقولنا)

**mahmoud_afifi** · 07-10-2011 01:02 AM

المشاركة الأصلية كتبت بواسطة i_am_legend

المشكلة فى الشعب انة بيشترى عااادى جدا_دة السبورتاج بببباع اوووفر برايس 25الف_فوق تمنها_وبيشتروها_اوالنترا البيزيك زادت الفين ونص_بقت ب126500

بيزيك و ب126 ونص !!!!
الواحد يجيب تيدا اعلى فئه

**Na7nology** · 07-10-2011 01:42 AM

المشاركة الأصلية كتبت بواسطة mahmoud_afifi

بيزيك و ب126 ونص !!!!
الواحد يجيب تيدا اعلى فئه

كلام مظبوط يا فندم 100 %

**Na7nology** · 07-10-2011 01:48 AM

[QUOTE=Hosam_Optrawy;3873848709]بغض النظر عن الاستغلال والمبالغه فى الاسعار وانا مش بادافع عن حد انا بس هاتكلم فى كذا نقطه بشكل عام عن العربيتين والفروق بينهم

اولا السيراتو والالنترا مش خارجين من مصنع واحد

صحيح هيونداى وكيا اندمجوا مع بعض وفى قطع كتير مشتركه بين عربيات الشركتين بس دا مش معناه ان الاتنين كوبى من بعض

ثانيا المواتير مش واحده الالنترا عدلت الموتور بقى 130 حصان

ثالثا نظام التعليق واحد لكن العفشه وطول قاعدة العجلات مختلف , الالنترا اكبر 2700 السيراتو 2650

رابعا الاسعار

فى مصر اغلب العربيات بقالها فتره عماله تغلى , السيراتو هاى لاين كانت ب 126 حاليا ب 140 , وبالتالى الالنترا نزلت غاليه فى الهيصه بتاعت الغلو

فى كوريا الالنترا اغلى من السيراتو , صحيح مش بفرق كبير لكن اغلى

السيراتو تبدأ من حوالى 11,180 الى 15,275 دولار حسب الفئه

الالنترا تبدأ من حوالى 11,310 الى 15,950 دولار حسب الفئه

فى امريكا مثلا الانترا اغلى من السيراتو بحوالى 1500 دولار

نيجى برضه للخليج عشان حضرتك ضربت مثال بالامارات

فى قطر مثلا السيراتو أقل فئه ب 50 الف ريال والانترا اقل فئه ب 60 الف !!!

كل بلد وليها ظروفها

بس كل كلامى دا مش معناه انى موافق على استغلال غبور واسعاره اللى عمال يرفعها كل اسبوعين تلاته من يوم ما العربيه نزلت :@[/QUOTE

شكرا لمرور حضرتك ومعلوماتك الرائعة ..... بس زى ما حضرتك قلت فى قطر الفرق 10 ألاف ريال ... يبقى اوك زودها 10 ألاف جنيه هنا فى مصر (يعنى الهاى لاين اللى فيها كل حاجة تبقى ب 140 ألف جنيه ) مقارنة بسعر السيراتو بتاع 2011 مش اللى عملوه فى 2012 لما شافوا غبور بيبيع ب 155 ألف جنيه قالوا طب أشمعنا أحنا ورفعوا السعر ل 140 ألف بدون أى مبرر برده ... لا يا فندم ومع أحترامى أنا ال 130 ألف جنيه دول أركب بيهم حاجات كتير وأحسن زى التيدا مثلا اللى مش واخدة حقها خالص فى مصر وزى الفورد فوكس اللى نازل عليها عرض وفيها كل عوامل الأمان ( 4 أيرباج) مش ألنترا بيز لاين أتوماتيك من غير حتى ولا أيرباج واحد....
ومرة تانية شكرا ليك

**Na7nology** · 07-10-2011 02:18 AM

الحمد لله رب العالمين.....
من المشاركات والمشاهدات أنا أتأكدت أن الشعب بتاعنا وعييه زاد وبدأأ ياخد باله أكتر وأكتر.... وعشان بقى نفعل رغبتنا بجد فى أن أحنا نغيير الواقع اللى مفروض علينا من ناس بعينهم وعشان الموضوع ده يجيب نتيجة .... وزى ما أقترحت الموضوع ده .... أن شاء الله نقترح الحل سويا وهبدأ بنفسى....
أولا : كل واحد فينا يقول للى حواليه على ان ثمن العربية ده لا يتناسب تماما مع مواصفاتها ولا جماركها المفروضة عليها وان سعرها مبالغ فيه فعلا وان شاء الله مصر كلها تعرف الموضوع ده وتبدأ المقاطعة تتفعل..
ثانيا : لكل واحد شايف العربية وعجباه فعلا تعالوا نقترح بدائل بنفس الفئة السعرية ولكن ليست بسعر مبالغ فيه زى الألنترا ..... وهبدأ بنفسى وأقترح النيسان تيدا البيز لاين والهاى لاين....وانا ركبت العربية ده وفعلا عربية كويسة
ثالثا : البحث عن تاجر خليجى يكون فعلا نفسه فى المكسب الحلا ل وليس المبالغ فيه والللى خلاص عجباه العربية أوى ولازم يركبها التاجر ده يوفرهالوه وبسعر مناسب (مش الأسعار المعلنة ده)
أنا أقترحت ومنتظر أقتراحتكم وربنا يقدرنا ونحلها بأذن الله
وشكرا للجميع

**MOUSTAFA_SAAD** · 07-10-2011 09:35 AM

الحل فى مقاطعة التوكيلات وشراء العربيات الخليجى

**SheNo0o** · 07-10-2011 12:25 PM

مقاطعه عربيات التوكيل وشراء الخليجي احسن حل
معايه سيراتو 2010 داخله علي 3 سنين والحمدلله
بس المشكله اني مامنتش صح
خليجي وتامن وتبقا ف السليم
ووقتها تصدي بقا ويوزعوها علي الاهل والاقارب والموظفين

**SAMEHNOSHI** · 08-10-2011 12:33 AM

يا باشا العربيتين مش واحد فى كل حاجة ذى مانت فاكر

الماتور مش واحد لان الالنترا ماتورها 130 حصان و السيراتو 124
الشاسية مش واحد لان قاعدة العجلات فى الالنترا اكبر من السيراتو
المساحة الداخلية مش واحد لان الالنترا اوسع بكتير من السيراتو
العفشة مش واحد اينعم الاثنين تورشن بيم بس الالنترا انعم من السيراتو, بص انا سوقت سيراتو جنط 15 و النترا جنط 16 و باكدلك ان الالنترا كانت انعم رغم ان جنطها كان اكبر, يبقى ازاى العفشة واحد!!!
التصميم مش واحد لان تصميم الالنترا متطور جدا و فى كرفات اكيد متكلفة اكتر من تصميم السيراتو الاكثر بساطة

بس بردة الحق يقال علشان منظلمش السيراتو, السيراتو كانت افضل من الالنترا فى بعض الحجات ذى

لو فى باب مفتوح بيقولك انهى باب اللى مفتوح, الالنترا لا
السنسور الخلفى بيظهر صورة فى تابلو السيارة, الالنترا لا
السيراتو فراملها جامدة جدا و ادائها كان رياضى اكتر.
فى فئات الهاى لاين السيراتو فيها شويت دلع مش موجود فى الالنترا ذى الشيفت بدل فى الدركسيون و المرايات الضم و مرايات التعتيم و الكاميرا الخلفية فى حين الالنترا تزيد عن السيراتو مثبت سرعة و التكييف الديوال

اما من ناحية السعر برة مصر فانا معرفش غير قطر و فرق كبير فى السعر بين الالنترا و بين السيراتو, يعنى السيراتو الهاى لاين كان سعرها اقل من الالنترا البيز لاين.
فى قطر السيراتو هاى لاين كان سعرها 59 الف و الالنترا بيز لاين اتوماتيك + 1 ايرباج سعرها 60 الف (بدون مثبت سرعة و بصمة و تكييف تاتش و فاتحة سقف و فرش جلد و سنسور خلفى)

**hossam20102010** · 08-10-2011 10:05 AM

دلوقتى النترا اعلى فئة ب 156

والسيراتو اعلى فئة ب 140

الالنترا فيها مثبت سرعة وشوية اوبشنز مش فى السيراتو ... وده الى مخلى فيه فرق فالسعر والله اعلم

وغير كدة العربيتين مش زى بعض ولا حاجة ..الالنترا موتورها اقوى من السيراتو وتكنولوجيا احدث 130 حصان مقابل 124 للسيراتو

ماهو يعنى مش هينزلو السيراتو بنفس كل حاجة ويغيرو شكلها ويكتبو عليها النترا !!

لا الالنترا مختلفة كليا عن السيراتو واحسن منها وده الى مخليها اغلى

**Na7nology** · 09-10-2011 12:41 AM

المشاركة الأصلية كتبت بواسطة samehnoshi

يا باشا العربيتين مش واحد فى كل حاجة ذى مانت فاكر

الماتور مش واحد لان الالنترا ماتورها 130 حصان و السيراتو 124
الشاسية مش واحد لان قاعدة العجلات فى الالنترا اكبر من السيراتو
المساحة الداخلية مش واحد لان الالنترا اوسع بكتير من السيراتو
العفشة مش واحد اينعم الاثنين تورشن بيم بس الالنترا انعم من السيراتو, بص انا سوقت سيراتو جنط 15 و النترا جنط 16 و باكدلك ان الالنترا كانت انعم رغم ان جنطها كان اكبر, يبقى ازاى العفشة واحد!!!
التصميم مش واحد لان تصميم الالنترا متطور جدا و فى كرفات اكيد متكلفة اكتر من تصميم السيراتو الاكثر بساطة

بس بردة الحق يقال علشان منظلمش السيراتو, السيراتو كانت افضل من الالنترا فى بعض الحجات ذى

لو فى باب مفتوح بيقولك انهى باب اللى مفتوح, الالنترا لا :_alshmokh08[1]:
السنسور الخلفى بيظهر صورة فى تابلو السيارة, الالنترا لا :_alshmokh08[1]:
السيراتو فراملها جامدة جدا :b4_388: و ادائها كان رياضى اكتر.
فى فئات الهاى لاين السيراتو فيها شويت دلع مش موجود فى الالنترا ذى الشيفت بدل فى الدركسيون و المرايات الضم و مرايات التعتيم و الكاميرا الخلفية فى حين الالنترا تزيد عن السيراتو مثبت سرعة و التكييف الديوال

اما من ناحية السعر برة مصر فانا معرفش غير قطر و فرق كبير فى السعر بين الالنترا و بين السيراتو, يعنى السيراتو الهاى لاين كان سعرها اقل من الالنترا البيز لاين.
فى قطر السيراتو هاى لاين كان سعرها 59 الف و الالنترا بيز لاين اتوماتيك + 1 ايرباج سعرها 60 الف (بدون مثبت سرعة و بصمة و تكييف تاتش و فاتحة سقف و فرش جلد و سنسور خلفى)

أولا شكرا على مرور سيادتك وقرأتك للموضوع....
أنا يا فندم م هرد على حاجة حاجة عشان لا أطول عليك ولا على الأعضاء اللى متابعينا بس الفروقات اللى حضرتك وضحتها ده كلها غير كافية ان الفرق فى الهاى لاين بين ألنترا 2012 وسيراتو 2012 = 16 ألف جنيه (ده المفروض كان يبقى حوالى 23 ألف جنيه لولا أن السيراتو غليت السنة ده حوالى 7 ألاف جنيه)
يا فندم ده فروقات أستيعابية عشان أءكد لحضرتك أن العربيتين من نفس الصانع بمعنى أن مش معنى ان عفشة العربية ده طرية وده ناشفة يعنى الطرية أغلى ومش معنى ان الماتور أعلى 6 حصان ( وده رقم أشك فيه شخصيا عشان مفيش حد بيصنع موتور وبعدين يرجع يصنع واحد تانى بقرق 6 حصان بس) يبقى تكنولوجيا أغلى ولا حاجة يعنى من الأخر كده احنا بنحاول نقنع نفسنا بالسعر اللى هو حاطه وده مش صح...
الللى بيحصل دلوقتى هو هو اللى حصل مع الشيب القديم أول ما نزل وخلى البيز لاين بحوالى 115 ألف (اللى كان تمن لانسر ) والهاى لاين اللى مفيهاش عامل أمان الا ما رحم ربى ب مية حاجة وتلاتين ألف
لا وألف لأ.....اللى بيحصل ده زيادة غير مبررة الا برغبة فى السيطرة على السوق عن طريق رفع سعر السلعة وخلق حالة من الرغبة عند شريحة معينة من الناس بأمتلاك السيارة بالرغم من غلو ثمنها ( وللأسف ده الشريحة العريضة فى الشعب المصرى) اللى غبور بيعتمد عليها اللى هى معاها تمن العربية بالظبط وممن ييجى على نفسه فى 10 الاف كمان ويظبطها يعنى ... فيغليلوه تمن العربية بس مش اوى والا لو كان معاه فهيفكر فى حاجة تانية أعلى بس المرة ده بقى للاسف ملعبوهاش صح وباظت منهم لأن سعر العربية بقى فيه فئات تانية كتييير من ماركات أخرى ويمكن يكون فيها من الثبات ووسائل الأمان الأحسن والأءمن من الألنترا زى النيسان تيدا والفورد فوكس (بتبدأ من 8 ايرباج) و الرينو فلوانس وفى الكورى الكارينز والسيراتو والكروز....
ومن هنا أقدر أقول لحضرتك نسبة نجاح العربية ده مش هتتعدى ال 40 % بلوستكون بداية النهاية ليه كمان وهيضطر ومش بمزاجه ينزل سعرها
وانا بقولها تانى أهوه انا معايا تمن العربية ومعجب بيها جدا بس.... أنا مش موافق يضحك عليا

الموضوع: سؤال لغبور ويا ريت حد يرد عليا.... (أحترموا عقولنا)

LinkBack

أدوات الموضوع

عرض

-

-

-

-

المواضيع المتشابهه

عندي سؤال يا ريت ترودو عليا

ليه معظم الوكلاء فى مصر مابيحترموش عقولنا

سؤال مهم جدا وبسرعه قبل مايدحك عليا

أزاى عايزين الكورى يتقدم وأحنا عقولنا مبتتقدمش!

سؤال بس محدش يضحك عليا

الكلمات الدلالية لهذا الموضوع

المفضلات

المفضلات

ضوابط المشاركة