سؤال لغبور ويا ريت حد يرد عليا.... (أحترموا عقولنا)

**Na7nology** · 09-10-2011 12:49 AM

المشاركة الأصلية كتبت بواسطة hossam20102010

دلوقتى النترا اعلى فئة ب 156

والسيراتو اعلى فئة ب 140

الالنترا فيها مثبت سرعة وشوية اوبشنز مش فى السيراتو ... وده الى مخلى فيه فرق فالسعر والله اعلم

وغير كدة العربيتين مش زى بعض ولا حاجة ..الالنترا موتورها اقوى من السيراتو وتكنولوجيا احدث 130 حصان مقابل 124 للسيراتو

ماهو يعنى مش هينزلو السيراتو بنفس كل حاجة ويغيرو شكلها ويكتبو عليها النترا !!

لا الالنترا مختلفة كليا عن السيراتو واحسن منها وده الى مخليها اغلى

شكرا لمرور حضرتك ومتابعتك للموضوع
بس انا حاسس ان احنا بنقنع نفسنا بفروقات الألنترا أسمحلى اشبها لحضرتك باللى بيحيب البيبسى اوى ومقتنع انه أحلى من كوكاكولا بكتيير (مع أختلاف المثل هنا ان الأتنين بنفس السعر بالظبط)
يا جماعة العربيتين نفس الفئة تقريبا ونفس الماتور المطور من كيا فى الأصل بال 6 سرعات وفروقات الشيب ده شكلية ومش تعلى السعر اوى كده... فى حاجة داخلة فى سعر العربية وهى العامل النفسى اللى عندنا فى مصر وهو الغالى تمنه فيه ومدام أغلى يبقى أكيد أحسن.

**devil_storm** · 09-10-2011 07:57 AM

يا جماعة فى فروقات بين الالنترا الجديدة والسيراتو و الالنترا موديل احدث و افضل شكلا و ماتور و وسع و عفشة و تصميم,0 و الالنترا فيها مثبت سرعة زيادة بس فعلا الفروقات دى متستهلش مبلغ 19 الف جنية!!!

بس لو افترضنا ان العربية دى فى الخليج بسعر السيراتو ذى ما حضرتك بتقول و غابور نصاب طب لية الخليجى منها مش بسعر السيراتو الخليجى؟؟؟ يعنى فى فئات فى السيراتو الخليجى اتوماتيك بجنوط و فرامل abs و 1 ايرباج و سعرها اقل من 105 الف, هل فى النترا خليجى فيها المواصفات دى و سعرها كدة؟؟ الالنترا الخليجى بالمواصفات دى سعرها معدى 125 الف!!!

ممكن بقى يكون الخليجى حيرخص مع الوقت لان العربية لسة جديدة بس المسالة عايزه شوية صبر من الناس و دة اكيد حيحصل لان العربية لسة جديدة و عليها طلب حتى فى الخليجى لكن مع الوقت كل الاسعار دى حتتظبط و حتقل مبلغ كويس اكيد.

حاجة اخيرة سياسة الاحتكار دى انتهت لان دلوقتى فى عشرات التجار الخليجى اللى اى توكيل بيعملهم الف حساب و غابور مش غبى و عارف كدة كويس.

**aymanshebl** · 09-10-2011 08:35 AM

المشاركة الأصلية كتبت بواسطة na7nology

أولا شكرا على مرور سيادتك وقرأتك للموضوع....
أنا يا فندم م هرد على حاجة حاجة عشان لا أطول عليك ولا على الأعضاء اللى متابعينا بس الفروقات اللى حضرتك وضحتها ده كلها غير كافية ان الفرق فى الهاى لاين بين ألنترا 2012 وسيراتو 2012 = 16 ألف جنيه (ده المفروض كان يبقى حوالى 23 ألف جنيه لولا أن السيراتو غليت السنة ده حوالى 7 ألاف جنيه)
يا فندم ده فروقات أستيعابية عشان أءكد لحضرتك أن العربيتين من نفس الصانع بمعنى أن مش معنى ان عفشة العربية ده طرية وده ناشفة يعنى الطرية أغلى ومش معنى ان الماتور أعلى 6 حصان ( وده رقم أشك فيه شخصيا عشان مفيش حد بيصنع موتور وبعدين يرجع يصنع واحد تانى بقرق 6 حصان بس) يبقى تكنولوجيا أغلى ولا حاجة يعنى من الأخر كده احنا بنحاول نقنع نفسنا بالسعر اللى هو حاطه وده مش صح...
الللى بيحصل دلوقتى هو هو اللى حصل مع الشيب القديم أول ما نزل وخلى البيز لاين بحوالى 115 ألف (اللى كان تمن لانسر ) والهاى لاين اللى مفيهاش عامل أمان الا ما رحم ربى ب مية حاجة وتلاتين ألف
لا وألف لأ.....اللى بيحصل ده زيادة غير مبررة الا برغبة فى السيطرة على السوق عن طريق رفع سعر السلعة وخلق حالة من الرغبة عند شريحة معينة من الناس بأمتلاك السيارة بالرغم من غلو ثمنها ( وللأسف ده الشريحة العريضة فى الشعب المصرى) اللى غبور بيعتمد عليها اللى هى معاها تمن العربية بالظبط وممن ييجى على نفسه فى 10 الاف كمان ويظبطها يعنى ... فيغليلوه تمن العربية بس مش اوى والا لو كان معاه فهيفكر فى حاجة تانية أعلى بس المرة ده بقى للاسف ملعبوهاش صح وباظت منهم لأن سعر العربية بقى فيه فئات تانية كتييير من ماركات أخرى ويمكن يكون فيها من الثبات ووسائل الأمان الأحسن والأءمن من الألنترا زى النيسان تيدا والفورد فوكس (بتبدأ من 8 ايرباج) و الرينو فلوانس وفى الكورى الكارينز والسيراتو والكروز....
ومن هنا أقدر أقول لحضرتك نسبة نجاح العربية ده مش هتتعدى ال 40 % بلوستكون بداية النهاية ليه كمان وهيضطر ومش بمزاجه ينزل سعرها
وانا بقولها تانى أهوه انا معايا تمن العربية ومعجب بيها جدا بس.... أنا مش موافق يضحك عليا

+1111111111111111111111111111111111111111111111111 111