-
سحب العربية ميجان 2005
وحوش الميجان...
استشارة محتاجة خبير ميجان بجد
سحب العربية وحش وتجميعها كمان وحش.. قبل ما حد يقولي اعمل ا.. انا ححكيلكو انا عملت ايه ومفيش فايدة:
1-غيرت زيت وحطيت STP oil treatment
2-غيرت فلتر هوا وفلتر بنزين وفلتر زيت
3-ركبت بوجيهات 3 شمعة
4-بحط بنزين 95 واضافة STP Octan pooster
5-نيتروجين في الكاوتش ومفيش اى رجرجة(يعني مش محتاج ترصيص)
6-غيرت بلي عجل وطنابير كاملة
:majd(4): اعمل ايه تانى؟؟ حتجنن خلاص
صوت الموتور عالي وعلشان اوصل سرعة 60 الار بي ام بيعدى ال3000
ادوني نصايحكم علشان نفسي العربية ترجع لأصلها تانى
-
روح ورشة محترمة وثقة واكشف عليها بالجهاز ربما يكون الاسيبد سنوسور مثلا او حساس الشكمان او طرمبة البنزين ضعيفة
او محتاجة اعادة برمجة للسوفت وير تبعها
وتحياتي لك وابقي طمننا عملت ايه
-
مشكور يا اخي nodey
والله بالنسبة للشكمان انا غيرت العلبة كلها من شهر تقريبا ومحسيتش بفرق واضح. بس انا بحس ان الموتور بيتعب علشان العربية تتحرك...
هل السبيد سنسور ده بيأثر على السحب؟ولا ده مجرد مسئول عن قراءة سرعة العربية وارسالها للعداد؟؟
-
ضعف سحب العربيه الميجان داه ميزه اساسية من مميزات العربيه :d
انا عملت كل اللي الحاجات اللي قولتها دي قبلك ومفضلش غير اني اغير العربيه
-
السلام عليكم
هو التوكيل راح فين
لو سمحت روح التوكيل و لو عايز مهندس موثوق فية قولى و انا اديك نمرتة مع انهم فى توكيل المقطم مش محتاجين واسطة
-
حاسس ان عربيتك جايبة اسطوانة دبرياج
كشفت عليها ؟
-
انا عربيتي مانيوال
يعني مقولكش على السحب والتجميع ما شاء الله
من شهر واحد صاحبي معاه كروز وكان نفسه اشد معاه
خليتو يطلع وجبته على التاني وبعد التالت كان ورايا بفرق كبيييير
من كلامك واضح انك اوتوماتيك...
-
-
العربية على طول معاك كدا ولا اوقات اوقات؟
-
Content Relevant URLs by
vBSEO 3.6.0 PL2