دمى محروق

**mahamedaraby** · 06-10-2011 02:58 AM

فعلا حضرتك غلطان انا قبل او بعد الثوره لو اى حد فيهم احتكت معاه بقوله خد النمره ومش بكلم معاه كتير علشان منزلش من نفسى معاه
وحضرتك قطعت الاشاره وده اللى ادامه وهو الصراحه ملهوش ذنب ومش هيعرف نيه كل واحد ايه فكنت حضرتك تمشى وكنت هتلاقيها مخالفه قليله فى التجديد لكن كده حضرتك كبرت الموضوع على الفاضى ومحلتش حاجه
بعد كده ياريت حضرتك تتمالك اعصابك وتعدى الامور دى انا عارف احساسك بالظلم هو اللى عمل كده بس الشارع مش تحقيق ولا عرض وجهات نظر

**A.Saad** · 06-10-2011 03:59 AM

المشاركة الأصلية كتبت بواسطة mount

انتم الأثنين غلطانين ، وانت اللى حطيت نفسك فى الموقف دة بالإضافة أن انت غلطك أشد
أولاً :- انت مخالف سرعة ،
ثانياً :- كاسر إشارة ،
ثالثاً :- نزولك من السيارة دة مخالفة بالإضافة لتعطيله عن آداء عمله الرسمي ومش من حقك أصلا تحاسبه كتب ايه ولا مكتبش ، فى نيابة للمرور تاخد حقك فيها ،
رابعاً :- أكيد لما نزلت من العربية كنت واقف فى مكان ممنوع فيه الإنتظار .

+++++11111111

**beshomilan** · 06-10-2011 07:01 AM

بجد مش عارف اقولك ايه..بس فعلا ده الواقع اللى احنا عايشين فيه

انا برضه حصل معايا موقفك فى اشارة رمسيس اللى عند نقابة المحامين ووكان اتوبيس واقف على اول الاشاره يمين وبينزل وبيركب ناس والاشارة مفهاش نور ولا اى حاجة ورحت مكمل طريقى ومعدى..واتارى العسكرى وامين الشرطة واقفين قدام الاتوبيس رافعين ايدهم موقفين السكة والاتوبيس واقف مغطى عليهم تماما وبيحصل كتير جدا الموقف ده..وجه امين الشرطة وقف فى نص الاشارة قعد يبص لعربيتى كتير وانا شايفة فى المراية وجالى تفكير انه خدنى مخالفة وقلت اركن وانزله افهمه انما بعد كده ربنا هدانى واستعوضت ربنا وقلت انا لو كنت نزلت كان ممكن خد نمرتى فعلا وانا مش فى نيتى اكسر الاشارة بس انا مشفتهوش..وربنا ستر ومفيش مخالفة

انا متعاطف معاك..والمخالفة مفيهاش كلام بس التعامل باحترام ده لازم مابيننا..ولا لازم الواحد يكون لابس زيهم ومعلق نسر ولا نجوم عشان يحترموه

تحية للى فاكرين البلد اتغيرت