الفرامل فى الضايع بعد تغير الجنبين اللى ورا ياريت مساعدة علشان كدة مفيش فرامل

السلامة عليكم يا رجالة انا النهاردة جيبت جنبين ورا استيراد سكاكين و غيرتهم بدل الحلة المهم الراجل وهو شغال الزيت وقع كلة المهم حالة الجنبيبن ممتازين و الطنابير بحالتها بس التيل اللى فيها متاكل نصة او اكتر شوية المهم ركب وخد هواء من الجل اللى ورا بس اطلع اجرب الدواسة فى الاول بتبقى شديدة بس على طول بتنزل للاخر ولازم ادوس واشيل و ادوس علشان تهدى
رجعت للراجل قالى تعالى بعد بكرة وناخد هوا علشان المساتر اللجديدة اللى جت مع العجل مش هتلحق تتملى زيت ونغير تيل ورا مش عارف كلامة مضبوط ولا اية
وانا مروح طبعا عمال اضرب فرامل جامدة و ادوس جامد على الفرامل روحت بصيت على الطنابير لقيت كل العجل سخن جدا الا الطنبور اللى ورا يمين بردة عادى
مش عارف اعمل اية الحل اية ؟

يبقى عندك تهريب يا باشا
خد هوا من الأربع عجلات تانى
وراجع و خد هوا من مواسير الماستر
و شوف الزيت جاى منين

زيزو باشا إزيك
والله أنا شاكك إن الراجل بعد ما خد الهوا من عجلة مش قفل اللكور بتاعها كويس فبتهرب
عموما شوف وطمنا

منور يا طنانى باشا

بوجودك يا عم احمد

اقتباس:

---

المشاركة الأصلية كتبت بواسطة tananybasha

يبقى عندك تهريب يا باشا
خد هوا من الأربع عجلات تانى
وراجع و خد هوا من مواسير الماستر
و شوف الزيت جاى منين

---

هو خد هوا من عجلة الاول بعد كدة ركب الجمب التانى و خد هوا منها بس
وهو لازم ياخد هوا من 4 عجلا ولا اية
ولية فى عجلة مش سخنة زى الباقى
ولو فى تسريب مش كان الزيت نقص والعربية كانت زى الفل قبل ما افك

اقتباس:

---

المشاركة الأصلية كتبت بواسطة ahmed_lol2007

زيزو باشا إزيك
والله أنا شاكك إن الراجل بعد ما خد الهوا من عجلة مش قفل اللكور بتاعها كويس فبتهرب
عموما شوف وطمنا

---

تمام الحمد لله وحشنى والله يا احمد فينك يا معلم والله يكون فى عونك وتخلص على خير
و البقاء لله
مش عارف انا حاسس كدة برضة هروح يوم السبت و نشوفت الموضوع من اية

شوف اى ميكانيكى بتلاته تعريفه جنبك
يبص عليها
قوله خد هوا

ان شاء الله هشوف الموضوع
بس اللى انا مش فاهمه لية فى 3 عجالات سخة وواحدة بردة فى حاجة كمان
انا عندى العجلة اللى وار شمال اللى هى بتبقى سخنة وانا بدوس فرامل بسمع صوت تنفيس بس دة اكتشفتة لما روحت البيت

اى عربية هيكون فيها سخونة
قدام اكتر من ورا
بس كل جنب المفروض سخونته متساوية علشان الفرامل فيه المفروض تكون متساوية

اقتباس:

---

المشاركة الأصلية كتبت بواسطة a.saad

اى عربية هيكون فيها سخونة
قدام اكتر من ورا
بس كل جنب المفروض سخونته متساوية علشان الفرامل فيه المفروض تكون متساوية

---

لا انا عندى ورا الجنب الشمال سخن والجنب اللى ورا يمين بارد يعنى اكن التيل مش بيجى نحية الطنبورة

النهاردة روحت عن الراجل اللى ركب الجنبين وخد هوء للعجل والعربية بقيت 100 100 زيادة فى قوة الفرامل 70 فى المية بدون مبالغة

تحذير من محل الصفا و الصنايعى اللى موجود اللى اسمة كريم
ملاحظات على الموضوع دة
تم التركيب فى الحرافين عند واحد شغال فى محل الصفا جديد المحل موجود فى شارع المرسيدس المهم صاحب المحل بيقولى دة راجل شغال فى التوكيل وكدة
المهم اتفقت مع الراجل هيركب الجنبين و ويفك يبص على التيل ويصنفر الطنبورة دة الاتفاق بظبط بكام ب 100 جنية مصناعية (مع العلم انا اخويا مركب جنبين قدام + مساعدين + بطاحات + اتياش قدام + بيض المقص وكبس بيض المقص كل دة ب 100 جنية عند واحد فى العبور وكان شغل 100 100 ) انا قولت مش مهم مش هتفرق
المهم ابتدى شغل وكان فى جنب جويت مش موجود و الجويت اللى فى القديم مش عايز يتفك قالى هات واحد من عند بتاع المسامير جيبتة معرفش يركبة علشان الصمولة تقريبا اسمها كونتر وهو مش عارف يركبها راح جاب مسمار عادى وركبة ولا صنفر بص على جنب واحد تيل قالى يمشى شوية وغيرة قولته لا انا هخلية لبكرة يصنفر الطنبورة واركب التانى بكرة يعنى عمل شغل اقل من المتفق علية و مشيت الفرامل زفت الدواسة بتنزل ومفيش فرامل نهائى رجعت قالى تعالى بكرة ناخد هواء قولت ماشى
روحت النهاردة جيت اركن جنب المحل مفيش مكان ركنت بعدية فى حتة فاضية بقولة اشتغل مش عايز عايز يشتغل غير قدام المحل بقولة هات التيل وركبة قالى تركيب التيل والهواء ب 40 جنية بقولة لية مش دة اتفاق قالى يعنى افك تانى واعمل كل دة ببلاش قولتلة خلاصص هات التيل ومتركبش انا اللى هركبة عندى فى البيت من هنا ولقيت الواد اضايق و فضلت قاعد حوالى ساعة ونص لحد ما اشغل قدام المحل وهو بياخد الهواء بقولة ركبلى الجويت دة مكان المسمار قالى مش فاكر مركبة منين ركب العجل ونزل العربية بقولة ركب الجويت بيقولى لا مركبش جويتى ارفع العربية تانى وانا مالى وكان معايا ولدى فاولدى اتخنق راح مزعق فى المحل الواد راح مزعق رحت انا داخل ومسكنا فى بعض انا عمرى فى خناقة ما ابتدى بضرب وانا مش عايز ابتدى اضرب علشان معايا ولدى علشان مبهدلش ولدى المهم الناس جت حاشت والموضوع انتهى جية صاحب المحل وجية فى صف الصنايعى بتاعة وفى الاخر قالة ركب وركب ومشيت

وكمان فرامل اليد طويلة بقولة قصرها بيقولى مش شغلتى ومش عامل

1- بعد ما مشيت روحت عند واحد عفشجى بقولة بصلى على الجويت اللى راكب فى الجنب ده نزل قالى فى واحد مكنش مربوط (منه لله)
2- تم شراء بطاحات gm وعلى كلام صاحب المحل انها اصلى ويحلف وميت يمين خامتها مكنتش عجبانى وكانت ب 150 جنية روحت اركبها عند واحد قالى لا دى مضروبة رجعها احسن وتم ترجعها و اشتريت swag المانى و العفشجى قالى دى نضيفة ب 125 من واحد تانى
3- كمان كريم وهو شغال جاب اسبرى رشة رشة على المسامير علشان الصدا وتم حسابها ب 15 جنية غير المصناعية

الاول كنت بقولة تركب البطاحات بكام قالى اقل حاجة ب 100 جنية ركبنها عندنا فى العبور ب 40 جنية

معلش انا طولت عليكم بس قولت على اللى حصل بضبط مفيش كلامة والله اقل ولا ازيد بس اللى ضايق ان شغل سرقة وعافية عيز ياخد هوا بفلوس اللى هو مركبها اصلا وواخد فلوس يعنى انا مش بغشه
انا عن نفسى عمرى ما هتعامل مع محل الصفا او الواد الى عنده تانى حتى لو ببلاش

ع البركه يا زيزو ,بس المصنعيات عندكم غاليه قوي..انا ركبت ركبتين ب20ج وبيض مقصات وبيض اتياش وطنابير جديده ب60ج بالدخان في مره تانيه وشغل تمام قوي لاني باركب فوق راس الصنايعي وهو بيشتغل:redeye:

اقتباس:

---

المشاركة الأصلية كتبت بواسطة hellboy

ع البركه يا زيزو ,بس المصنعيات عندكم غاليه قوي..انا ركبت ركبتين ب20ج وبيض مقصات وبيض اتياش وطنابير جديده ب60ج بالدخان في مره تانيه وشغل تمام قوي لاني باركب فوق راس الصنايعي وهو بيشتغل:redeye:

---

الحمد لله على كل شئ
يا فادى باشا دة مش عاجبة كمان
عارف اخر مازهقت من الواد بقولة علشان انت خدت الفلوس مش عايز تشتغل قالى هى دى فلوس مش عارف يمكن كنت مديلة ورق ابيض بدل الفلوس او المفروض اركب الجنبين و اديلة العربية لية تمن الشغل ولا اية
مش عاجبة 100 جنية فى الجنبين والله سرقة منهم لله

فرامل اليد هل ممكن تقصر يعنى بدل ما مشوارها كبير ممكن يبقى قليل ومنين وازاى
و تيش الميزان حد يعرف بكام واجيبة جديد ولا استيراد

الف مبروك
مشوار فرامل اليد بيقصر و يطول من تحت الدراع بزاوية طويله

الله يبارك فيك يا كبير انا جيبت تيل ورا بس مركبش علشان كمان التانى فى بتاع نص التيل
التيل نوعة ريد هوس ناس كتير بتشكر فية
موضوع الفرامل دة اشيل الكفر بتاع اليد وبيبقى مسمار بتربط ولا اية

ايوة يا باشا
و التيل اسمه رود هاوس اسبانى
و ممتاز فعلاً

اقتباس:

---

المشاركة الأصلية كتبت بواسطة tananybasha

ايوة يا باشا
و التيل اسمه رود هاوس اسبانى
و ممتاز فعلاً

---

ايوة تقريبا اسمة رود هاوس انا جيبتة بس سيبة فى العربية
طب اسيب التيل اللى فيها لحد اد اية يعنى لما يتاكل منه اد اية اشيله