الموضوع: محتاج حد يساعدني - تجديد ترخيص سيارة عاملين بالخارج أو شحنها لأبو ظبي

السلام عليكم

طبعا مش هألاقي أحلى ولا أجدع من إخوتي بالمنتدى علشان يدلوني

عندي سيارة ميجان نزلت بيها مصر وسبتها هناك ورجعت الإمارات تاني لظروف الشغل

ترخيص الثلاثة شهور الأولى يخلص يوم 13 اكتوبر

أنا نزلتها عن طريق الغردقة

عندي كام سؤال للي يعرف يفيدني


1- ينفع حد من إخوتي يروح يجدد الترخيص ثلاثة شهور تانية ولا لازم أنزل أنا بنفسي والتجديد بيكلف كام بالضبط
سواء عملوه في الغردقة أو في ميناء القاهرة أو حتى السويس


2- كل يوم تأخير بعد إنتهاء الثلاثة شهور الأولى غرامته كام - طبعا في حالة السيارة ما اتمسكتش في المرور


3- لو حبيت أشحنها من السويس أرخص شركة هتاخد من كام وتوصلهالي لأبو ظبي

4- لو حبيت أحولها على معاق هتكلف كام بالضبط رسوم وفرق جمارك وكده علما بأنها موديل 2007 هاتش باك أتوماتيك لكن اقل فئة

أرجو المساعدة وجزاكم الله خيرا

إيه يا جماعة

ما حدش حتى قال السلام عليكم


...