السلام عليكم
انا الحمد لله كل ما اجمع فلوس المساعدين وانوي اغيرهم يطيرو معرفش ليه
المهم انا نويت بقي قبل العيد اخلص الليله دي وعاوز اعرف المساعدين بتوع النوبيرا ورا وقدام اسعارهم وصلت كام والانواع وعاوز عفشجي كويس وبيفهم ف الدايو علشان اغيرهم عنده
السلام عليكم
انا الحمد لله كل ما اجمع فلوس المساعدين وانوي اغيرهم يطيرو معرفش ليه
المهم انا نويت بقي قبل العيد اخلص الليله دي وعاوز اعرف المساعدين بتوع النوبيرا ورا وقدام اسعارهم وصلت كام والانواع وعاوز عفشجي كويس وبيفهم ف الدايو علشان اغيرهم عنده
ايه الصحرا دي :d
monroe
الطقم بحوالى 1350 جنية
MMamdouh
انا جايب مساعدين ال kyb الخلفى ب 600
حاجه من الاخر والصناعه يابانى
دة تمن ال4 مساعدين
هتلاقيهم انتاج اتحاد اوروبى... مونرو لها 26 مصنع على مستوى العالم
MMamdouh
اى مساعد هيبقى انشف من الاصلى... الاصلى طرى جدا جدا
المونرو انشف من الKYB و بيدى ثبات افضل بدون التضحية بعنصر الراحة
MMamdouh
انا لسه شاري المونرو اللي قدام ب770 جنيه
واللي ورا ب 600 جنيه من عند ابو الحسن بين السرايات
طيب انا دلوقتي لو نزلت صلاح الدين مثلا اسأل عليهم بألاسماء دي ؟ الى بيبيعو عارفينها ولا ايه
وعاوز اعرف احسن يكون في مضروب منهم ولا حاجه اتأكد ازاي
طيب وايه نظام اليايات او السوست دي المفروض اغيرها معاهم ولا ايه وسعرهم كام ونظامهم ايه
انا عارف اني تقلت عليكم بس انا بجد قرفت من العفشه الفافي دي وعاوز اخلص بقي
انا كنت مركب مونرو في الاكسنت و كنت جايبهم من التوكيل ( غبور ) بس اعرف انهم موجودين عند أطلس في صلاح الدين.
انا مركب kybبس بصراحة الأصلى كانوا أحسن بكتير جدا جدا
بس بشكل عام دول يابانى و بصراحة مديينى ثبات ممتاز جدا
و حاول تغيرهم بسرعة علشان الطاقم الأمامى ممكن يبوظ جلب المقصات
هما فعلا موجودين عند اطلس اللي في شارع صلاح الدين لانه موزع للمساعدين المونرواقتباس:
انا كنت مركب مونرو في الاكسنت و كنت جايبهم من التوكيل ( غبور ) بس اعرف انهم موجودين عند أطلس في صلاح الدين.
سؤال كمان هوا المساعدين دول كلهم بما فيهم الاصلي بتاع النوبيرا هوا مش زيت صح ؟
اخر صلاح الدين شمال و اسأل 100 واحد هيدلك و ربنا معاك ان شاء الله انا كنت جايب بتوع الاكسنت ب 1000 جنيه امامي و خلفي
يا سيدي الفاضل الموضوع كله بيرجع للشخص اللي بيسوق في واحد بيفضل ان المساعدين يكونوا نشفين لان ده بيحقق له ثبات افضل مع التضحيه براحه نسبيه في الركوب ودول اللي بيفضلوا المونرو وفيه ناس تانيه العكس بيفضل ان المساعد ميكنش ناشف علشان تبقى العربيه مريحه في الركوب مع التضحيه النسبيه بعوامل الثبات دول اللي بيفضلوا المساعد kyp ويمكن يوصل اختيارهم للمساعدين الاصلي اللي هما طريين خالص لان حتى kyp انشف سنه من المساعد الاصلياقتباس:
وبعدين انا متلخبط لاني عملت بحث عن الاتنين ف مواقع اجنبي وفي ناس بتشكر في ده وناس بتشكر ف التاني والعكس والله انا محتار ربنا يستر
لكن النتيجه الاخيره ان الماركتين كويسين
اسف للاطاله
شكرا يا باشا كده انا حروح اسأل هناك بكرا
طيب انا عاوز ناشف علشان الثبات والمطبات بس فى نفس الوقت مش عاوز يجيلي انزلاق غضروفي يعنى هههههه يعنى نقدر نقول المونرو حيبقي عفشه زي الاوكتافيا والحاجات الناشفه دي ؟
انا الميكانيكي بيقولي الكي واي بي الياباني كويسين وانا عارف انهم انشف من الاصلي
بس خايف اركبهم ويطلعو مش ناشفين زي ما انا بتمني وبرضو خايف اركب المونرو يطلعو ناشفين اوي مقدرش استحملهم اعمل ايه بقي اركب اتنين واتنين ولا ايه انا عاوز حل سريع علشان انا حركب الخميس ان شاء الله
دة مش صوت هوا... دا صوت الزيت
MMamdouh
انت حتشككني في نفسي ليه يا معلم ده صوت فسسسسس زي ما الاخ بيقول كده ازاي يبقي زيت !!!!
هوه المنرو بيبقي عليه ضمان سنتين ولا سنه ولا ايه ؟ وياريت توريني صورة العلبه بتاعته احسن اخد حاجه مضروبه لاني لما سألت لقيت فيه حاجه اسمها ماندرو كده كوري
اه صحيح وفي واحد عنده مساعدين بوجي الماني وبيقولي ب 950 الاربعه والماني الماني حسب كلامه بس مش عارف ايه بوجي ده:arab:
وفى سؤال بسيط كمان
kyb or monroe
انا بفكر اركب اتنين مونرو واتنين كي واي بي ولا كده عك ولا ايه مش عارف
حركة الزيت داخل المساعد بتعمل الصوت دة
و للعلم حركة المساعد الكتير و انتقال الزيت بسرعة بين جانبى البستم اللى جوة المساعد بتعمل فقاقيع هوا و دة بيقلل كفائة المساعد عشان كدة المساعدين النضيفة بتبقى مشحونة نيتروجين (اللى بيقولوا عليها غاز على زيت) عشان تقلل من التاثير السىء للموضوع دة
سنةاقتباس:
هوه المنرو بيبقي عليه ضمان سنتين ولا سنه ولا ايه ؟
البوجى اصلا المانى بس معرفش اللى فى السوق دة صناعة ايهاقتباس:
اه صحيح وفي واحد عنده مساعدين بوجي الماني وبيقولي ب 950 الاربعه والماني الماني حسب كلامه بس مش عارف ايه بوجي ده:arab:
MMamdouh
شكرا يا باشا انا عارف اني تعبتك انت وباقي الزملاء
وانا حنزل النهارده واحتمال اشتري النهارده او بكرا والى فيه الخير يقدمو ربنا
الخلاصه يا جماعه انا اشتريت كي واي بي الاربعه ب 1240 جنية
وعملتهم عند الميكانيكي بتاعي والنتيجه زي الفل العربيه فرقت ف المطبات والثبات
مساعدين النوبيرا الاصلي كفته
شكرا لكل الناس الى ساعدتني ونلقاكم في موضوع اخر ان شاء الله