-
مصايب العربية
ازيكم يا عصابة
انا عارف اني مش متواجد الفترة اللي فاتت اعذروني
الوقتي انا وقع في مصيبة ( هما بصراحة مصايب )
اللي يعرفني كان معايا اوبل استرا 2003 برازيلي و كانت مهنياني الحمد لله
كان واحد صاحبي بيبيع عربية استرا برازيلي 2006 حالتهااحسن من بتاعتي شوية
المهم اتوكلت علي الله و بعت عربيتي و اشتريت عربيتو و اخدتها بس من ساعة ما ركبتها و انا مش مطمن مش عارف ليه ( يمكن عشان انا مغير كل فسفوسة في عربيتي و عارفها و دي مش عارفها )
المهم من اسبوعين العربية الجديدة وقفت مرة واحدة !!!
المهم قطرتها و رحت عند احمد سعيد في بنزينة وطنية في مسجد السلام
ايه يا عم قالي العربية معمول فيها شغل بلدي علي الكنترول عشان بيخرف !!!
قلتلو بس هيا ماشية , حط الجهاز طلع الايمو عطلان و مش بيقرا المفتاح
هاتك يا لف يومين علي ايموبليزر معاه السكيورتي نمبر بتاعه مفيش
في الاخر جبت ايمو استيراد و رحت برمجتو علي مفتاحي
نروح ندور لعربية بتدور و تبطل و الفتيس مش عايز ينقل الا تالت
رجعتلو تاني فتح يبص علي الضفيرة !!! و لا ضفيرة ال 128 !!!!
كمية شغل و اسلاك من برة و فين علي فين !!!!
انا اتصدمت بجد
طلع الكنترول طلع فيشتو مكسورة و ملزوقة ب امير و سيلكون !!!!
الراجل كتر خيرو تعب بس في الاخر تلصم من هنا تفتح هن
قالي لازم كنترول !!! طبعا مش موجود في اي حتة غير منصور الزفت
بكام ب 5500 جندي ينطح جندي
انا رحت ساحبها و رميها في جراج قريب تحت البيت و مستني الفرج
حد يعرف ممكن الاقيه استراد و لا لأ
واحد معرفة قالي في بورسعيد علي 3500 بس علي التجربة !!! ازاي هوديها مش عارف
و ثانيا عايز ضفيرة عشان اجرب عليها عشان القديمة متبهلة اخر حاجة
و الي زاد الطينة بله ان الايفون بتاعي اتسرق في وسط الزحمة دي و كمان ايدي اتكسرت
الحمد لله الذي لا يحمد علي مكروه سواه
ساعدوني ربنا يكرمكم
-
عن تجربة مشابهة فى عربية دايو شوفة من برة احسن
دور علية بال part number على النت وشوفة هيبقى بكام
-
هى العربية مكشفتش عليها وانت بتشترى ولا صاحبك مألكش على اللى فيها
-
مع احترامى
ربنا يسامح صاحبك لو عارف و مقلكشى
على العموم
هات ضفيرة استيراد
او كهربائى دماغه حلوة يمشى ورا الضفيره
فيه كهربائى فى الطالبية فيصل بيقولوا استاذ و بيجيب التايهه
و عندى واحد تانى فى الهرم برضوا
المشكله مين قاللك ان الكنترول بايظ
العك ده يلخبط اتخن عربية
لم العك
و هتلاقى العربية زى الفل ان شاء الله
-
ازيكو يا شباب
و الله صاحبي بيقول انو ميعرفش و انا مصدقه
الحمد لله
المهم يا رجالة ان فيشة الكنترول الماستر مكسورة و ملحومة ب امير و سيليكون ( حاجة تقرف )
انا كلمت الكهربائي قالي تنزل بكرة الحرفيين و هاتلي ضفيرة كتوات استيراد من تحت السيرف لحد الكنترول و الكتاوت
ف ان شاء الله نازل بكرة ادور عليها بس السؤال هيا ازاي موجودة و الكنتورل مش موجود
ما هوا هوا نفس المتور
z16xe
2 كامة - 16 صباب
ولا الضفيرة موحدة علي كذا موتور ؟؟؟
و عندي حل تاني
ابعت اجيب الكنتروا من برة و اشحننة علي DHL ؟؟
بصو علي الموقوع ده بيبيعوا
تفتكروا حل كويس و لا انزل اجيبو زيرو ؟
-
-
الضفيرة هتلاقيها استيراد
بس قبل ما تجيب الكنترول اعمل الضفيرة
-
شوف استيراد الاول
لو كنت اعرف كنت سالتلك النهاردة انا كنت فى الحرافين بس انا ممكن ابعلتك نمر المحلات اللى هناك بتاعت الاستيراد وتسال بدل ما تروح على الفاضى
-
شكرا يا رجالة انا كده كده نازل ان شاء الله الحرفيين بكرة اسأل علي الضفيرة و الكنترول
-
باشا
الكنترول دة عبارة زى طبعة الاجهزة الالكترونية
يعنى فى ناس اخصائية فيها
و اى مهندس ( يعنى خريج هندسة اللى هى 5 سنين مش معهد استبحس ) هيظبطلك الكنترول بتاعك و هخلية احسن من الجديد كمان
و لا انت مش عارف المصريين عباقرة اد اية
شوف مهندس و يقرالك كل اللى فى الكنترول و بيبقى على ضمان و بالكتير لو عمل فية شغل لا يمكن ان يتعدى الـ 500 جندى
بس الاول زى ما قال الرجالة ظبط الضقيرة و عندك الشيخ هيثم فى الحرفيين بيقولوا علية انه تحفة و بيفهم مووووت
و الله الموفق
Content Relevant URLs by
vBSEO 3.6.0 PL2