وبدات مشاكل النظام الجديد في ارقام الموبيل !

**MRBEBO** · 06-10-2011 08:53 AM

لسه متصل برقم من خلال موبينيل 012 والرقم على فودافون 010

واتصلت على الرقم التقليدي ال 10 ارقام على اساس انهم قالوا ان فيه فترة انتقالية 4 شهور

المهم اتصلت مرتين المرة الاولى بسمع جرس " رنين " ولكن التليفون 010 مش بيرن

قفلت واتصلت تاني بنفس الرقم لقيت حد تاني بيرد عليا وطبعا خصم مني تكلفة المكالمة

انا من المفاجاة قفلت في وشه ومقلتش حاجة فاتصل بيا

كانت المفاجاة الاكبر الرقم مختلف تماما عن الرقم اللي طلبته اذن دلوقتي فيه لخبطة في السيستم وممكن تتصل برقم تلاقي حد تاني بيرد

ده بالنسبة لموبينيل

من اتصالات مفيش اي مكالمة بتجمع معايا وكذلك من فودافون

مش عارف ايه القرف ده هما هيجربوا فينا بقه ولا ايه

وانا الجهاز بتاعي مش بيدعموا اي برنامج سامسونج 5212 فمش معقول هعدل رقم رقم وانا عندي فوق 500 رقم !

ايه رايكم وهل حد واجه المشاكل دي ؟؟؟؟؟؟؟؟؟؟؟؟؟؟

**tutankhamoun** · 06-10-2011 08:56 AM

ليه ... أنا فودافون شغال معايا زي الفل
بأتصل بأرقام فودافون و كلها بتجمع صح

أنا قمت جربت كذا رقم بعد ما قرأت موضوعك

**Ashraf_Ibrahim** · 06-10-2011 10:38 AM

انا عدلت ارقامي الحمد لله
لسة مجربتش اني اتصل بحد الحققية !

**swimmer25** · 06-10-2011 11:40 AM

المشاركة الأصلية كتبت بواسطة ahmadyusuf

حضرتك الصبر شويه , شيء طبيعى ان يبقى فى تاثر للخدمه فى مده معينه و هم اعلنوا عن كده فعلا.

اما بالنسبه لتغيير الارقام , فحتى لو مفيش برنامج على اى موبايل ممكن يعمل export للـ Contacts بتاعته على Excel sheet و يعمل Find and replace و بعدين يعمل import تانى :)

مش هيتفع find and replace لان ممكن يكون اي رقم يحتوي علي 010 مثلا في نص الرقم

بالنسبة للسائل مفيش اي طريقة تعمل اكسبورت ل csv او vcf وتستخدم برنامج wahba في اللينك ده ثم ترجع تعمل امبورت تاني:
http://www.nilemotors.net/Nile/248192-contacts.html

**Mostafa.Mahran** · 06-10-2011 02:56 PM

انا لما بتصل من الخط الموبينيل بالخط الفودافون بيرن عادى و الرقم الموبينيل بيظهر بالرقم الجديد و لما اجى اتصل عليه من الفودافون بيدينى الرقم غلط مع انه اساسا لسه موجود على الشاشة