نيو اكسنت سخنت و جابت جوان و ش سلندر

**ronin81** · 06-10-2011 09:42 AM

صباح الخير يا رجالة ......موقف حصلي لازم احكيه علشان ماحدش يعمل زيي و في نفس الوقت طالب النصح و الارشاد.
انا عندي نيو اكسنت 2008 و عاملة 80000 كم و في يوم كنت ماشي علي دائري المنيب ووجدت ان لمبة الحرارة الحمراء نورت ، علي طول بطلت ووقفت في نص الدائري و وضعت المثلث العاكس و فتحت العربية ،ما كانش معايا اي مياه و حاولت اوقف اي عربية الناس كانت طايره انتظرت شوية تبرد لغاية اما فتحت الكونتاكت و لقيت اللمبة الحمراء مش منورة ، طلعت بيها حوالي دقيقة للامام لغايت اما لقيت عربية نقل ، فتحت الرادياتير و مليت 3 لتر مياه جوه الرادياتير و استنيت لغاية اما العربية بردت تماما.............طلعت بيها تاني و سقت لغاية التجمع الخامس و قبل شارعالتسعين بشوية لمبة الحرارة نورت تاني رحت راكن، بردة اخدت لتر مياه كمان حطيته و انتظرت لغاية اما العربية بردت و طلعت بيها عشر دقايق كمان لحد ما ركنتها عند بيت حماتي........تاني يوم وانا طالع اوديهاعند اي توكيل او مركز خدمة لقيت العربية بعد اما مشيت بيها خمس دقائق بطلت و مش راضية تدور و مفيش اي لمبة في التابلوه منورة ............بافتح الكبوت لقيت الدنيا مفيهاش حاجة ...خطرلي اكشف علي الزيت و هنا كانت المشكلة ........الزيت بقي لونه شوية فاتح و بقي عامل زي الطحينة ، و بعد شوية لما حاولت ادور العربية لقيت دخان ابيض طالع من الشكمان ، و هنا عرفت من معلوماتي الضئيلة انها جابت جوان وش سلندر.

السؤال بقي :
انا كل ما كانت لمبة الحرارة تنور كنت باقفل الموتور و اركن ....ايه اللي خلي الجوان يضرب.
هل في حاجة تانية غير الجوان ممكن تكون ضربت ، شميز او بستم مثلا.
فين احسن توكيل او مركز خدمة معتمد ممكن يصلحلي العيب ده ، و هل كده الموتور خلاص راح في فاشوش بمعني ان هو حتي لو اتصلح مش هيرجع تاني كويس.
حد يفيدني يا اخوانا جزاكم الله كل خير دا انا لسه بادفع اقساطها.

**shtaher2368** · 06-10-2011 08:49 PM

المشاركة الأصلية كتبت بواسطة ronin81

صباح الخير يا رجالة ......موقف حصلي لازم احكيه علشان ماحدش يعمل زيي و في نفس الوقت طالب النصح و الارشاد.
انا عندي نيو اكسنت 2008 و عاملة 80000 كم و في يوم كنت ماشي علي دائري المنيب ووجدت ان لمبة الحرارة الحمراء نورت ، علي طول بطلت ووقفت في نص الدائري و وضعت المثلث العاكس و فتحت العربية ،ما كانش معايا اي مياه و حاولت اوقف اي عربية الناس كانت طايره انتظرت شوية تبرد لغاية اما فتحت الكونتاكت و لقيت اللمبة الحمراء مش منورة ، طلعت بيها حوالي دقيقة للامام لغايت اما لقيت عربية نقل ، فتحت الرادياتير و مليت 3 لتر مياه جوه الرادياتير و استنيت لغاية اما العربية بردت تماما.............طلعت بيها تاني و سقت لغاية التجمع الخامس و قبل شارعالتسعين بشوية لمبة الحرارة نورت تاني رحت راكن، بردة اخدت لتر مياه كمان حطيته و انتظرت لغاية اما العربية بردت و طلعت بيها عشر دقايق كمان لحد ما ركنتها عند بيت حماتي........تاني يوم وانا طالع اوديهاعند اي توكيل او مركز خدمة لقيت العربية بعد اما مشيت بيها خمس دقائق بطلت و مش راضية تدور و مفيش اي لمبة في التابلوه منورة ............بافتح الكبوت لقيت الدنيا مفيهاش حاجة ...خطرلي اكشف علي الزيت و هنا كانت المشكلة ........الزيت بقي لونه شوية فاتح و بقي عامل زي الطحينة ، و بعد شوية لما حاولت ادور العربية لقيت دخان ابيض طالع من الشكمان ، و هنا عرفت من معلوماتي الضئيلة انها جابت جوان وش سلندر.

السؤال بقي :
انا كل ما كانت لمبة الحرارة تنور كنت باقفل الموتور و اركن ....ايه اللي خلي الجوان يضرب.
هل في حاجة تانية غير الجوان ممكن تكون ضربت ، شميز او بستم مثلا.
فين احسن توكيل او مركز خدمة معتمد ممكن يصلحلي العيب ده ، و هل كده الموتور خلاص راح في فاشوش بمعني ان هو حتي لو اتصلح مش هيرجع تاني كويس.
حد يفيدني يا اخوانا جزاكم الله كل خير دا انا لسه بادفع اقساطها.

أخى العزيز هل لما كنت بتزود مية بعد لمبة الحرارة مابتنور كانت العربية بتبقى دايرة ولا مبطلة أنا خايف أنك كنت بتزود مية والعربية مبطلة لأن المفروض تدور العربية وتزود المية لأن غير كدة الخوف أن وش السلندر نفسة يقفع وتبقى مش مشكلة جوان وبس يارب تكون دورت وأنت بتزود وأن شاء اللة لو جت على جوان وش سلندر هتبقى بسيطة خالص وبتحصل فى أحسن العائلات وأحمد ربنا لأن قضى أخف من قضى

**propagaanda** · 06-10-2011 09:40 PM

المشاركة الأصلية كتبت بواسطة shtaher2368

أخى العزيز هل لما كنت بتزود مية بعد لمبة الحرارة مابتنور كانت العربية بتبقى دايرة ولا مبطلة أنا خايف أنك كنت بتزود مية والعربية مبطلة لأن المفروض تدور العربية وتزود المية لأن غير كدة الخوف أن وش السلندر نفسة يقفع وتبقى مش مشكلة جوان وبس يارب تكون دورت وأنت بتزود وأن شاء الله لو جت على جوان وش سلندر هتبقى بسيطة خالص وبتحصل فى أحسن العائلات وأحمد ربنا لأن قضى أخف من قضى

السؤال الأهم .... ايه اللي خلى ميه الرادياتير تنقص و انت ماشي عالدائري في أمان الله ؟!
عالعموم ربنا ستر انها جت على قد كده الحمد لله

**MARTINDALE** · 07-10-2011 12:43 AM

نفس السيناريو حصل معايا في عربيه لانسر ..... بس الفرق اني كنت بركب دماغي وادور وامشي لاني في حته مقطوعه ...... وكانت النتيجه الطبيعيه ان الجوان ضرب وطبعا غيرته .

والحمدلله من بعدها مافيش مشكله...... ربنا يكرمك ويوفقك في تصليحه ويكفيك شر الطريق.

**kar!m** · 07-10-2011 01:23 AM

ممكن تكون عندك ماسورة مشروخة .. أو خرطوم مقطوع أو مشروخ .. أو القربة بتنفس .. أو الرادياتير مخروم أو علبة من علب الرادياتير مشروخة.

**ahmadmidop** · 07-10-2011 04:48 AM

طبعا عشان بتزود مياه والعربية سخنة وااكيد بتبقى مبطل ...

**ronin81** · 07-10-2011 04:58 PM

خالص يا رجالة ...............انا معلوماتي متواضعة بس مش لدرجة اني ازود مياه و العربية مبطلة ، انا شاكك ان تكرار المشي عليها و هي سخنة بالرغم من ان لمبة الحرارة لم تكن منورة هو السبب.

انا بس محتاج حد يفيدني هي في تكلفة عملية الاصلاح لو رحت التوكيل عند غبور ...........و هل لازم اروح التوكيل اصلا لاني مش باحترم غبور اوي بصراحة و باسمع شكاوي كثير منه فلو في مركز خدمة تاني حد يعرفه و يثق فيه يبقي يدلني عليه لو سمحتم.

وشكرا مقدما علي الافادة

**ronin81** · 08-10-2011 08:37 AM

افيدونا افادكم الله يا شباب.................انا عايز اصلح العربية كويس بس سامع ان تكلفة الاصلاح عند التوكيل عالية جدا.......هل من مركز خدمة معتمد و كويس نغير فيه جوان وش السلندر بتكلفة اقل شوية

**M_Marwan** · 08-10-2011 12:22 PM

شوف مركز صيانه تكنو وان أيلى عامل أعلان فوق فى الصفحه الرئيسيه للمنتدى

عامل خصم 20 % على المصنعيه و 10% على قطع الغيار

هو أيه الصح يا شباب لما يحصل حاجه زى كده ؟؟

أنا ايلى اعرفه انى استنى لما العربيه تبرد وبعدين أزود مياه

هل لازم ازود المياه والعربيه دايره ؟؟

**osa92003** · 08-10-2011 01:18 PM

اساس مافيش حل غير التصليح الموضوع ان العربيه جابت جوان وش سلندر ويمكن حصل كمان حاجه فى الصبابات لان دخان ابيض معناه زيت بيتحرق اما الجوان بس بيخلى الميه تنقص وتغلى بسرعه اما مشكله اللمبه فهى معروفه انها مش حساسه الا عند درجه سخونه عاليه جدا وفى ناس كتير غيرت وركبت مؤشر حراره ودى نصيحتى ليك بعدين اما التصليح فانت محتاج حد مختص فى عمره مواتير هيونداى وفى ورشه احمد مهران متحصص فى الكةور واليابانى وممكن يقوللك على التكاليف واحسن ورشه لعمل العمرات موجوده فى المريوطيه بالهرم

الموضوع: نيو اكسنت سخنت و جابت جوان و ش سلندر

LinkBack

أدوات الموضوع

عرض

-

-

-

-

المواضيع المتشابهه

شكلها جابت جوان وش سلندر تانى :(

العربية جابت جوان وش سلندر

العربية جابت جوان وش سلندر استرا

العربية جابت جوان وش سلندر و بعدها مبقتش مظبوطة .. ايه السبب يا رجالة ؟

الاسترا فعلا جابت جوان وش سلندر

الكلمات الدلالية لهذا الموضوع

المفضلات

المفضلات

ضوابط المشاركة