أثر المطبات....إزاي يتعالج

**gassarian** · 06-10-2011 03:45 PM

المطبات العشوائية اللي الناس بنياها ... غير الحفر اللي الله يجحمهم عمال الشركات أو الحفر اللي يوصلوا أي حاجة و يكسلوا يردموها و يسيبوا العربيات تقع فيها

المهم مع الوقت العربية بقى شكلها من تحت محكوكة و الطبقة اللي شبه الكاوتش اللي كانت مغطية الأجزاء السفلى منها بدأت تتعرى و يظهر الحديد تحتها و أنا خايف تصدي....
غير العتب بتاع العربية اللي بيتخبط بسبب الدبش اللي كل صاحب محل مالوش أي لازمة يحطه أمام محله و مش باين بس تحس بيه و هو بيخبط في جنب العربية و يطبق لك العتب بالذات( مش مهم الاكصدام)
إيه الحل في الحاجات دي... و أصلحها إزاي أو أرجعها إزاي زي ما كانت؟؟؟؟؟

**tarek_2005** · 06-10-2011 06:57 PM

الافضل تخليها زي ما هيا ملهاش حل وغالباً الحل بيبقي وحش لما تيجي تبيع العربية

**apoadel_vip** · 06-10-2011 08:43 PM

المشاركة الأصلية كتبت بواسطة ahmedsrs

ادهن على الاماكن المحكوكة شحم وخلاص هيحمى من الصدا والميه وغير مكلف وفى نفس الوقت العربية هتبقى بحالة الفابريكة

فعلا هو ده افضل حل :b4_388:

**XGoGoX** · 07-10-2011 12:16 AM

تطبيق العتب ملهوش حل غير إنك تغير العتبه خالص
وفي الحاله دي العتبه الوحده عامله 300 جنيه إستعمال
إنما يستحسن تخليها زي مهي علشان لما تحب تبيع تبقى بحالة الفبريكا

**zocor742** · 07-10-2011 09:40 PM

العتبة ممكن تتصلح عادى بس عايز سكرى كويس عشان تطلع مظبوطة
ولو معجونة خالص بتتغير بس مش كويس فى البيع .
اما بطن العربية بلاش تلعب فية وسيبة كدة احسن اى دقة اى لحام اى حاجة هتعيب العربية فى البيع
انت ممكن تحط على الجزء اللى اتشال منة العازل شحم بعد ماتغسل العربية من تحت كل فترة هيحافظ على المناطق المعرضة للصدأ غير كدة بلاش .
فى حاجة جت فى بالى دلوقتى ومش عارف هتنفع ولا هتعيب العربية
ممكن تستخدم برايمرالاحمر او انتركوت اللى عامل زى البلاك دة بس متعملش كدة غير لما نتأكد الاول