الموضوع: تسعيير السيارات المستعملة الجزء الرابع

المشاركة الأصلية كتبت بواسطة eng_amahaay

سؤال صعب شويتين:
انا عايز اجيب عربية استعمال شخصي و شغل و سفر, يعني هتعمل من 4000 الى 5000 كم في الشهر.

بفكر في جديد او مستعمل و محتار الي اقصى الحدود.

الجديد: رينو لوجان, بي واي دي f3 او f3r على اساس انها تقفيل الصين و مش بفكر في لانوس ولا فيرنا.
المستعمل: لانسر بومة 2006 او 2007 فابريكة بدون مصاريف و فيها abs و اتوماتيك و 1600cc (يكون الرينج بتاعها كام).

عايز عربية ذواعتمادية عالية و اعمل لمدة سنتين ثلاثة صيانات دورية بس على قدر المستطاع نظرا لظروف العمل و السفر. (انا شايف دة في اللانسر على اساس ان الوالد معاه بومة 2009 و كمان سعر اعادة البيع حلو و الصيانة سهلة جدا و عربية عملية جدا)

السؤال الاخير و صعب برده (معلش استحملني):
هل ممكن اقسط المستعمل, وايه الشركات اللي بتقسط مستعمل غير contact cars على اساس اني معايا مقدم في حدود من 40000 الى 45000 و هل بدور على العربية الاول و بعد ما اتفق مع صحابها اروح اعمل الاجراءات و لا لازم تكون العربية معروضة بمعرفة الشركة من الاول و انا اختار منهم على اساس ان العربيات المعروضة مثلا في contact غالبا مغالى في اسعارها و دة بناءا على الاسعار اللي انا شوفتها هنا.

و لكم جزيل الشكر.

الانسر افضل في الاختيار من السيارات الزيرو المقارنة
بالنسبة للمستعمل القسط هي كونتكت حاليال الي في الصورة وممكن تجيبلهم عربية من الخارج مش من عندهم وهما يشتروها ويبيعوها لحضرتك اما باقي المعارض الي بيتعاملو في قسط المستعمل فبصراحة فوائد مغالي فيها جدا وبتبدا من 25 في المائة في السنة