السلام عليكم ورحمة الله وبركاته
جزاك الله خيرا كثيرا وبارك لك فى صحتك ومالك. أمتلك بيجو 405 gl موديل 1991 خليجى لونها أبيض, مانوال بالتكييف وباور ستيرنج زجاج يدوى ولا يوجد سنترال لوك. دواخل كلها فابريقة والخارج معظمه مرشوش ما عدا السقف والناحية اليسرى والكبوت. معظم صياناتها بالتوكيل, واستعمال أول يد لطبيب عاملة 190 ألف كيلو, ولا يوجد عيوب بالموتور إلا نتشة بسيطة بالكاربورتير, والكاوتش قديم. وغير ذلك لا توجد أى ملاحظات إلا خدوش بسيطة. أنوى بيعها خلال أسبوعين بإذن الله.
كنت عايز أسال حضرتك أ.شريف انهى عربية فى دول أحسن من حيث الكفاءة ثم رخص قطع الغيار عشان دى ان شاء الله هتبقى اول عربية ليا فكونت عايز عربية حنينة فى قطع الغيار و كفاءة و أمان
دايو جوليت1999-فيات سيينا 2003 او بونتو2003-هواندا سيفك 1993-سيات ابيزا 2002-سكودا فابيا 2002
خليك في الجولييت افضل في الصيانة وقطع الغيار واعادة البيع لكن دور علي حالة جيدة
السلام عليكم
استاذ شريف لو سمحت برجاء تسعير عربية فيرنا 2004 كاملة مانيوال - تكييف- سنتر- زجاج كهربا
عداد 158 الف - رشة اجزاء من الخارج - فابريقة دواخل - محتاجة و ش نضافة عشان فيها خدوش كتيير
بطارية جديدة - كاوتش جديد
السلام عليكم يا استاذ شريف .. اشكر ليك مجهودك الرائع و جزاك الله خيرا ...
مطلوب تسعير ميجان 2 موديل 2006 اتوماتيك .. فتحة سقف بانوراما هاى لاين فرش جلد و مصابيح زينون تكييف تاتش .. 9 او 12 ايرباج ( معرفش الرقم ده صح و لا لا ).. فابريكة برة و جوة .. 5 جنوط ... عاملة 160 الف كم و جميع صياناتها بالتوكيل.. .تانى يد .. ياترى سعرها يجيب كام دلوقتى ؟؟
و انا معايا لوجان كاملة فول اوبشن 2010 اول يد عاملة 26 الف كم مغيرة مرايا شمال و خبطة بسيطة فى الباب الشمال و اترشت و مش باينة خالص ...غير كدة العربية استعمال خفيف اوى ..و الاستبن لم يستعمل . لو هانبدل مع بعض المفروض يبقى الفرق اللى ادفعهوله كام ؟؟؟
و راى حضرتك فى التبديل بالنسبة لانه العربية عاملة 160 الف كم ( صياناتها فى التوكيل و صاحبها محافظ عليها ) هل العربية بظروفها دى تبقى كويسة لانها ماشية كتير لانه فى ناس بتقول انه العربية عمرها الافتراضى 200 الف كم ... يعنى العربية بالظروف دى تبقى كويسة لانى حابب الميجان جدا و نفسى فيها يعنى اخدها و لا استنى حاجة تانية بظروف احسن ؟؟ لانى مقلق بعد ما اخدها تفتح بقها و تتعبنى معاها ... اسف على الاطالة .. استاذ شريف
الميجان تعمل 63 الف
اللوجان تعمل 56 الف
مع البدل الفرق يكون في رينج ال 7 الي 8 الاف
بالنسبة لموضوع العداد يتوقف علي الاستخدام فلو استخدامها نظيف وصيانات في مواعيدها يبقة مفيش مشكلة لان في عدادت صغيرة وسيارات متهانة بنقابلها 20 او 30 الف كم وصاحبها حتي مغيراهاش زيت و استخدامه بيكون غير راقي
لكن هي ماشية شويتين زيادة لان عدادها الطبيعي لموديل 2006 بيكون في رينج ال 120 الف كم للاستخدام العادل
فلو حالتها ممتازة وصيانات منتظمةو بدون مصاريف و حضرتك نفسك تركبها توكل علي الله ولا تقلق
سؤال بس عن الهوندا السيفيك 2004 فابريقه كامله اتوماتك و عداد 70 الف كيلو سعرها كام فى السوق و راى حضرتك فى العربيه دى؟ وهل تنصحنى ببدائل اخرى؟
و الف شكرررر
تعمل 80 الف بالحالة المذكورة بدون مصاريف او تجاريح
والموديل ده ادائه ممتاز و عربية محترمة فعلا لكن مشكلتها في قطع غيارها واعادة بيعها غير جيد
فالامر متروك لحضرتك لو العيبين دول ممكن التغاضي عنهم فانها تكون افضل اختيار في هذا الرينج
لو سمحت يا أستاذ شريف لو ممكن تسعير عربية سيينا 2001 مانوال 1600 سي سي لونها أحمر
رشة كلها خوارج و فابريقة كلها دواخل (دواخلها زيرو الصراحة) و صالونها ممتاز و ماشية 35ألف كيلو
هي موتورها ما شاء الله ناعم جداً أنعم من النوبيرا اللي معايا و سحبها جامد لكن فيها حتت مصدية سنة في السقف عند حروف الزجاج الأمامي و الخلفي و المرايا اليمين مكسورة و إشارة الرفرف اليمين مش موجودة و العفشة عايزة تظبيط و دواسة الدبرياج بتاعها تقيل
فيها رخصة سنة حتى 6/2013
كمالياتها شغالة بس الزجاج الكهرباء تقيل...... و شغلت التكييف على الواقف شوية و مسخنتش
سعرها يعمل كام....لأنه طلب فيها 35 ألف و نزلت معاه لحد أخر حاجة 31 ألف و مش راضي ينزل عن كدة
سعر عادل جدا ال 31 توكل علي الله بالحالة المذكورة والعداد المذكور
السلام عليكم استاذنا الفاضل
رجاء تسعير لانسر 2006 كاملة رياضية فابريقة بالكامل اللون فضى عاملة 120000 كم الكاوتش جديد والحالة العامة ممتازة.
وايضا لو تكرمت لانسر 2007 سوبر اكشن فرش جلد رشة رفرف خلفى واكصدام خلفى فقط عاملة 144000 كم الحالة العامة جيدة جدا واللون فضى .
وجزاكم الله خيرا اخونا الفاضل
السبورت تعمل 75 الف بدون مصاريف
والسوبر اكشن تعمل 80 الف بدون مصاريف ايضا وبحالات جيدة
لانسر 2001 المكواه كامله مانوال فابركه بالكامل من الداخل و اجزء من الخارج صيانه بالتوكيل استعمال سيده عداد 70000 كم اللون اسود الاستبن لم يستخدم ........... تعمل كام
وشكرااااااا
المفضلات