تسعيير السيارات المستعملة الجزء الرابع

**sherifowahba** · 29-03-2012 01:47 AM

المشاركة الأصلية كتبت بواسطة muhamednabil

السلام عليكم و رحمة الله

استاذ شريف انا دورت كتير هنا على اسعار للانسر الشارك و مش لاقى اى نتائج
انا عايز اعرف متوسط سعر الشارك 2008 2009 و تكون اوتوماتيك و فيها abs انا معرفيش الفئات بتعتها ايه و هل هى افضل ولا النيسان تيدا انا عارف ان الاتنين سوقهم تقيل بس انا معايا 307 و مش حقدر ازود على تمنها كتير عشان اركب حاجة بيانى اوتو .

المشاركة الأصلية كتبت بواسطة muhamednabil

انا عربيتى اعلى فئة خليجى بمثبت و بدون حساسات ركن بس عاملة كيلوات كتير 165000 هو بالتاكيد انا حزاود عى ثمن العربية بس عايز اعرف للحالات النضيفة بيكون متوسط سعرهم كام.

ال 2008 الهاف اسبورت في رينج ال 83 الف و الاسبورت الكاملة بصمة وصب وسقف رينج ال 95 الف و توصل الكاملة اسبورت لل 105 الف لموديلات ال 2009 حالات برة وجوة وعدادات مناسبة وبدون مصاريف
وانا من رايي خليك في الاسبورت الهاي لاين لان كمالياتها تستاهل الفرق في الفلوس

**sherifowahba** · 29-03-2012 01:48 AM

المشاركة الأصلية كتبت بواسطة bob12345

باشا جيتا 2009 عاملة 40 الف كيلو
مرايات ضم و حساسات نور و مطر و زينون و ابانوس و جنط 17 و بلوتوث اصلي

و فتحة سقف يعني خليجي هاي لاين بدون جلد ولا هي بدون سقف
ارجو التوضيح

**sherifowahba** · 29-03-2012 01:54 AM

المشاركة الأصلية كتبت بواسطة hamada_elzayat

استاذ شريف
عربيه ابيزا موديل 98 دواخل فبريقه وحاله الخوارج جيده جدا جنوط وزجاج كهربا وباور بدون تكييف موتور 1000 سى سى تعمل كام حضرتك ورايك العام فى الابيزا 1000 سى سى رخصه سنه

تعمل 30 الف بدون مصاريف
والابيزا ال 1000 شغالة مادامت مش مكيفة لكن لو بيهمك الشد والتسارع فهي بالطبع ضعيفة

**sherifowahba** · 29-03-2012 01:56 AM

المشاركة الأصلية كتبت بواسطة hesham79

ربنا يبارك فيك يا أستاذ شريف على مجهودك الرائع ويجعله في ميزان حسناتك ان شاء الله
انا معايا ميتسوبيشي لانسر وبصراحة عربية ممتازة ومريحاني جدااا بس لظروف خاصة بيا بفكر أبيعها، وقلت قبل ما ابيع اعرف منك سعرها كام
السيارة لانسر glx 2008 كويتي
1600 سي سي وأتوماتيك ( سنتر وزجاج كهربا ومفتاح ريموت، كاسيت، تكييف ، باور ....الخ )
ماشية 48 الف كيلو فقط وبحالة ممتازة جدا ولا رشة بره ولا جوه نهائي والحمد لله مفيهاش أي عيب
لونها فضي وفيها رخصة 3 سنين

هي كلاسيك ولا هاف اسبورت فيها ايرباج واي بي اس وجنوط
ارجو التوضيح

__________________

العربية كلاسيك واسف على التأخير

تعمل 82 الف بدون خرابيش تستدعي الدهان او رد علي البارد وبالحالة المذكورة

**sherifowahba** · 29-03-2012 01:59 AM

المشاركة الأصلية كتبت بواسطة mudengineer

هيونداي اكيسينت 2009 مانيوال فابريكه برة وجوة كالزيرو عامله 20000 كيلو

تعمل 66 الف

**sherifowahba** · 29-03-2012 02:02 AM

المشاركة الأصلية كتبت بواسطة m.fouad

لانسر كريستالة 96 كاملة مانيوال راشة برة كلها دواخلها كاملة عداد 80 الف الله اعلم حقيقي و لا لا بس حالة الصالون و الموتور غالبا حقيقي
محتاجة تترش تاني

تعمل 46 الف باعتبار العداد المذكور ةوالمصاريف وش نظافة فقط

**sherifowahba** · 29-03-2012 03:01 AM

المشاركة الأصلية كتبت بواسطة farselkon

السلام عليكم مهندس شريف
مطلوب شراء
سيارة كيا سيفيا
موديل 1999 :2000
شرط الحالة (بدون مصاريف)
مهندس / محمود على
ت/01119498449

حاضر مهندس محمود و سابلغ حضرتك في حالة حصولي علي حالة مرضية ان شاء الله

**sherifowahba** · 29-03-2012 03:18 AM

المشاركة الأصلية كتبت بواسطة zerox2010

استاذنا شريف أنا معروض قدامى عربيه لانسر 2009 ماشيه 70 الف وحاله الماتور ممتازه والدواخل ممتازه بس فيها عيب انها مغيره ربع خلفى شنطه ورفارفين خلفى ورشه من الخارج وهى 1600 وهى نصف رياضيه . تعملها كام؟؟

تعمل 75 الف

**sherifowahba** · 29-03-2012 03:23 AM

المشاركة الأصلية كتبت بواسطة muhamednabil

جزاك الله خيرا يا استاذ شريف

لا شكر علي واجب استاذ محمد وانا تحت امرك في اي وقت

الموضوع: تسعيير السيارات المستعملة الجزء الرابع

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

تسعيير السيارات المستعملة هدية لاعضاء نايل موتورز (الجزء الثالث)

::: النظام الهجين فى السيارات - الجزء الرابع :::

الجزء الرابع: انا والسفنتينا ... والفرامل

أقبـــــح 100 سيـاره على مدار التاريخ - الجزء الرابع

عملوها الوحوش ( الجزء الرابع )

الكلمات الدلالية لهذا الموضوع

المفضلات

المفضلات

ضوابط المشاركة