الموضوع: تسعيير السيارات المستعملة الجزء الرابع

المشاركة الأصلية كتبت بواسطة sherifowahba

1300 ولا 1600 سي سي

1600

المشاركة الأصلية كتبت بواسطة sherifowahba

الادا تعمل 27 الف بالحالة المذكورة
الانوس تعمل 46 الف بالحالة المذكورة
الايكو تعمل 44 الف باعتبارها بدون مصاريف وعداد كيلومتر مناسب

شكرا ياباشا علي رد جضرتك , بس الانوس دا انا وصلت معاه لحد 50 الف ومارضيش وبتاع الياريس كنت هابدل معاه الادا وادفع فرق 20 الف وبردو مارضيش ,
معلش انا هاتقل علي حضرتك تاني , اية رايك قي دايو اسبيرو , وخل هي افضل ولا نوبيرا 1 , علي اساس انها حالة ممتازة بدون مصاريف للاتنين
وعايز اسال علي عربيتي تسوي كام , ماروتي 2005 فابريكة بالكامل من بره وجوه لونها ازرق زهري فيها رده بسيطة علي البارد في بوز رفرف امامي وعمره ماتور كاملة من شهريت بسبب ان الميكانيكي ماربكش فلتر الزيت كويس لانة في مكان ضيق جدا , هي اتلحقت بس الموتور ابتدي ياكل زيت فاقلت اعمل عمره احسن, وبطارية جديدة ومحتاجة فردتين كاوتش , بها تكييف استيراد شغال و2 ازاز كهريا وكاسيت وسنتر ولا تحتاج الي شغل في العفشة , وحالة الصالون معقولة , الرخصة منتهية بس الضريبة مدفوعة لسنة كمان .
ونيسان صني 2008 مانيوال ماشية 43000 كيلو فابركة بره وجوة ماعدا رفرف خلفي شمال ووحتة 10 سم في العتبة اليمين بدون سمكره خالص , بها خرابيش بسيطة جدا , صالون حالة الزيرو وكاوتش بتاعها انتاج 2007 عايز يتغير والاستبن لم يستعمل . ورخصة سنتين
انا شاكر جدا جدا لاهتمام وتعب حضرتك.

السلام عليكم ، استاذ شريف...كنت محتاج من حضرتك تسعير لجولف 2
فولكس فاجن
جولف
جولف 2 1988
1800 pb
حاله الدهان خارجى متوسطه
الدواخل فابريقه بالكامل
السدر و الشنب لم يتم استعدالهم ....السدر فيه خبطه بسيطه جدا محتاجه تظبيط خفيف
الابواب و الشنطه اصليين ، الكابوت تم تغييره
الدهان الخارجى ابواب و سقف تم دهانهم ، الرفارف فابريقه ، فيه خدوش على الجسم لا تستدعى الدهان ...لكن السقف محتاج دهان
عدد الكيلومتر حوالى 170000
فتحه سقف ، تكييف ، 4 سماعات سونى اكسبلود ، كاسيت قديم ، اربع جنوط رياضيه ، سنتر لوك ، جهاز انذار ، اربعه زجاج كهربائى ، وحده رفع اماميه
حالة الموتور والميكانيكا ... ممتازة جدا تغيير زيت قبل الموعد المحدد ، تحتاج ايرماس
حالة الكهرباء ممتازه
حالة الصالون متوسطه
حالة الكاوتش تحتاج اربع فرد كاوتش و الزجاج جيد مع العلم انه تم تغيير الزجاج الامامى بزجاج 3 طبقات
الحالة العامة للسيارة الحاله العامه جيده ، و محتاجه مصروف سمكره لوجود بارومات...نظرا لانه اول مره يتم عمل سمكره للسياره و اربع فرد كاوتش

استاذ شريف بعد التحية
ادامي ايكو هاتش باك اوتوماتيك مو 2000 عداد 108000 كم محتاجة شوية سمكرة و دوكو مطلوب 40000 الف
السؤال ايه اخبار الايكو و هل هي عربية كويسة و قطع الغيار متوفرة

السلام عليكم ياستا شريف
كل عام وانتم بخير
النترا 2012 ماشيه 750 كلم
بيز لين خليجى الى سعرها جديد ب129تقريبا
العربيه بتاعت واحد صاحبى العربيه اتخبطت وهى مركونه من ميكروباص خبط الجنب اليمين من الرفرف الامامى والبابين
الخساير كالاتى رفرف امامى ايمن والبابين والبربيز الامامى فيه كسر من ناحية الرفرف عمل مقايسه فى التوكيل قالوا انها هتغير الاشياء الى ذكرتها المهم هو عملها وكلفته 8 الاف جنيه فى ابو رواش
هو الان عايز يبعها تعمل بالوضع دا كام
واسف على الازعاج والف شكر لمجهودك