سؤل في عداد البنزين والبطاريه

**waelfish** · 06-10-2011 09:05 PM

السلام عليكم

اولا انا عاوز اعرف هو لما اطفي العربيه خالص مفروض مؤشر البنزين ينزل ولا يفضل ثابت

ثانيا انا دلوقتي البطاريه بتجنني الصبح دورت العربيه وتمام ورحت مشوار ورجعت وركنت نزلت بعديها ادور
كل حاجه في الكونتات بتنور بس اجي ادور العربيه مش بدور واللمبه بتاعت وارا التكيف بتنور مش عارف ليه ؟؟
رحت لكهربائي جه اداني وصله وتمام ورحت عنده قاس قلي كله تمام بس ربط علي السلك اللي واصل للبطاريه وقلي لو عملت كده غير البطاريه

**swimmer25** · 06-10-2011 09:20 PM

بالنسبة لمؤشر البنزين في اللانوس مش بينزل لما تطفي العربية

بلنسبة للبطارية ... المفروض الكهربائي بيقيسها ويقولك هي عايزة تتغير او لا...لو قالك ابقي غيرها يبقي فعلا قصده انها ماتت وقصده جرب امشي بيها شوية...ارجعله تاني واساله لنا قاسها لاقي انها ماتت ولا لسه؟
هي جافة ولا عادية وبقالها قد ايه في العربية؟

**abokoko** · 06-10-2011 09:31 PM

عندى فى اللادا وفى ال125 اللى كانت معايا لما بطفى العربيه كل المؤشرات بتنزل
لكن اكيد رد الاستاذ swimmer25 ادق لانه عنده نفس العربيه

**nemo_1806** · 06-10-2011 09:41 PM

اغلبية العربيات اللى ركبتها مؤشر البنزين بيبقى ثابت حتى لو طفيت العربية

**waelfish** · 06-10-2011 10:31 PM

انا رحت جه معايا واداني وصله وتمام رحت عنده وقاس الدنموا قلي سليم ربط السلك اللي واصل بالبطاريه قلي مش مربوط كويس وكان بيشرظ قلي جرب ولو عملت معاك حاجه غيرها والبطاريه انا جايب العربيه مستعمله من سنه بس مش عارف بقلها اد ايه وانا سمعت علي البطاريات ان في نوع الماني ب650 جنيه الكلام ده صح ولا لا

**aslam555** · 07-10-2011 03:20 AM

ياريت حد يصححى المعلومه لو غلط
انا سمعت ان كل الانوس فيها موضوع عداد البنزين ده بيفضل معلق كده وكان فى عضو مره عمل موضوع بخوص عداد البنزين وقال انه راح لواحد فى حدائق القبه وطلع العيب ان عوامه البنزين كان فى اتساخ او كربون على الاكس بتاعها وانه لما نظفها رجع العداد مظبوط مع قفل وفتح الكونتاكت لانها بصراحه رخمه جدااااا موضوع تعليق المؤشر ده

**tarek_2005** · 07-10-2011 03:34 AM

مؤشر البنزين في اللانوس لايتاثر بالكونتاكت وهو ثابت علي وضعية البنزين بالتنك
البطارية الفارتا الجافة الالماني عند وكيلها ب 540 جم ودي اعلي حاجة وممكن تركب ايه سي دليكوا ب 380 جم زي غالبية الاغعضاء