أنا عندى هوندا...ساعه تروح ...ها ...وساعه تيجى..!!!

**mostwanted** · 06-10-2011 11:01 PM

السلام عليكم ....
انا راكب سيفيك 97 مانيوال 1500
حاله الموتور والحمد لله ممتازه العربيه كانت بتعمل صيانه فى التوكيل لحد 2008
هتقوللى تمام المشكله فين بقي ؟؟!!
المشكله ان العربيه بحالات ساعات انزل الصبح ادور واسخن الاقى العربيه زى الفل نعومه سحب اداء فوق الممتاز على الطرق السريعه ومفيش حاجه بتطلع منها ابدا
وساعات الاقيها عكس كده النعومه قلت السحب قل الاداء ضعف باختصار باحس انها عربيه تانيه
دا غير الغيار الخامس فى الحاله الاولى سحبه معقول جداا بيفضل يسحب لحد 170كم
فى الحاله التانيه بيوصل ل130كم بالعافيه مع بطىء ملحوظ فى السحب ...
مع العلم انى محافظ جدا فى الصيانه والنضافه للموتور وميعاد غيار الزيت ميعاد مقدس ..
لسه مغير ديسك واسطوانه وبليه هوندا اصليين من اسبوعين من باب النضافه بس اللى كانو فيها طالعين معقولين جدا.
ومنضف الثروتل بودى بايدي من يومين فكيته بحاله ونضفته من الهباب اللى جواه .
بعد تنضيف الثروتل بودى اداء العربيه داخل المدينه اتحسن بصوره ملحوظه بجد فرق مع العربيه ولكن على الطرق السريعه زى ما هوا....

ايه رأيكم ؟!؟
أفيدونى وانقذونى من أكلان دماغى أثابكم الله

**SAMEH_FOUAD** · 07-10-2011 01:57 AM

على فكرة الاحساس دة بيجى نتيجة

1- وجود شوائب فى البنزين فبالتالى بتأثر على السحب فى الرشاشات

2- فلتر البنزين متسخ

3- حاول تمون من بنزينة نظيفة

**Horsepower** · 07-10-2011 04:59 AM

راجع على كهرباء البوجيهات ونظافتها وسلوكها ،،، غالبا هاتلاقي المشكلة فيهم..

**mostwanted** · 08-10-2011 05:32 AM

أنا غيرت البوجيهات من اسبوعين غيرتهم بــ بوجيهات ماركه هوندا

**Horsepower** · 08-10-2011 02:07 PM

المشاركة الأصلية كتبت بواسطة mostwanted

أنا غيرت البوجيهات من اسبوعين غيرتهم بــ بوجيهات ماركه هوندا

و سلك البوجيهات والفيش بتاعته تمام؟!! غيرتهم مع البوجيهات؟!!
احيانا السلوك دي بتتقطع اثناء تغيير البوجيهات او بتكون ناشفة ومشققة او داخلها زيت.
انا كان عندي نفس المشكلة مع عربية لانوس وكهربائي عقر هو اللي عرف السبب ان كان فيه عندي سلك بوجيه بيلمس (احيانا يشتغل واحيانا يفصل) ،،، طبعا ممكن تروح لكهربائي وقت ما السلوك كلها تكون شغالة والمشكلة ماتبانش ،،، افتح الكابود وخللي الكهربائي يسمع الصوت اللي خارج من الشكمان وانت حاول تهز (بالراحة جداً) سلوك البوجيهات واحد واحد وتستني بعد ما تهز كل سلك دقيقة علشان لو المشكلة فيه الكهربائي يلحق يسمعها وهكذا.
الكهربائي الشاطر بيعرف يميز من صوت العادم اذا كانت العربية متلتة واللا مجموعة كهرباء البوجيهات بالسلوك شغالة كويس.

**sabooon** · 08-10-2011 08:33 PM

سلامو عليكم انا برده معايا هوندا سيفيك 92 فييها نفس المشكلة وانا عرفت انها سلوك بوجيهات عشان ساعات بتلمس وساعات لا تحس انى العربية بتقطع وبتكرك جامد فا هو زى ما الرجاله قالت فعلا بس المشكلة انى جبت سلوك وطلعو بيظين فا خلى بالك لو عرفت تجيب سلوك سبليت فير هيكون احسن بس يكون مكتوب عليهم صنع فى امريكا خلى بالك من الحوار ده

**mostwanted** · 09-10-2011 11:46 AM

شكرا للجميع علي الاهتمام والمشاركه
بس انا يا جماعه العربيه مش بتكركر ولا بتقطع ولا بتعمل اى حاجه من كده ...هيا بس بتتقل وصوتها بيعلى حاجه بسيطه كده بس انا اللى بيجننى انها لما بتكون مظبوطه ممبقاش عايز انزل منها ولا ابطل سواقه خالص بتبقي ممتعه بجد فعلا....
انا غيرت البوجيهات بس ...اعتقد ان السلوك والفيش كلها تمام انا بافتح الكابود كتير ومهتم جدا ...
وبرده انا كده كده رايح لكهربائى بكره اركب ففوانيس جديده امامى اخليه يبص على السلوك ....