بعض الأستفسارات بالنسبه لللانسر 2002-الصني 2002؟

**sammor_28** · 17-05-2008 12:11 AM

معلش ياجماعه هتقل عليكم كنت عايز استفسر عن النيسان صني واللانسر...
بالنسبه للسعر كام ...وايهما افضل؟
وقطع الغيار والصيانه ايه اخبارها بالنسبه للأثنين؟
الأعتماديه ايهما افضل...وسعر اعاده البيع وسرعه البيع...
انا كنت قلت سابقا ان معايا 60000 وانا اخترت العربيتين على اساس موديل حديث..شكل جديد..انتشار كبير..شهره للموديلين..سيارات ياباني..
انا ممكن ازود من الفين الى ثلاثه بالكتير فهل ممكن اجيب كده حاله كويسه ولا هتبقى تعبانه..
مستني منكم الرد..واسف على كثره الأسئله.بس اعتمادي على الله ثم على اعضاء نايل موتورز الكرام.

**Ramy.Gamal** · 17-05-2008 09:55 PM

انا بصراحة جربت الاثنين الصنى 2002 اوتو مع ابن خالتى وانا معايا لانسر 2005 1600 مانيوال: الصنى عربيه ممتازة فى كل حاجة ماعدا الكنبه الخلفية ضيقه جدا غير كدة باورها اخف من الانسر صوتها انعم من اللانسر وخصوصا على السرعات العاليه هى اقرب للارض من اللانسر اعتقد ان فراملها افضل اللى حد ما على فكرة هو عامل بيها 220 الف فى ست سنين مع ذلك تشوفها تقول معدتش ال 80 الف كيلو بس طبعا اللانسر هى السيارة الرسميه للشعب المصرى دلوقتى. هى الفروق بينهم مش جوهريه اللى تلاقيه منهم حالته احسن وانسب سعرا توكل على الله

**mohamed ibiza** · 17-05-2008 09:58 PM

الاعتمادية واحد الاتنين مواتيرهم قريبة في التحمل بس الصني 118 حصان علي 1260 كيلو!!!!!!!!!!!!!!!!!!!!!!!!!!!! اعتقد ان العربية دي هتتأثر بالهوا في السرعات العاليو لان القوة كبيرة و الوزن خفيف بس الاتنين كأعتمادية قريبين اوي من بعض