هو لما احط 30 لتر بنزين والمسدس يفصل 20 مره على ما يحطهم دة يبقى نصب ولا ايه
عرض للطباعة
هو لما احط 30 لتر بنزين والمسدس يفصل 20 مره على ما يحطهم دة يبقى نصب ولا ايه
انا بقول كده لان مره حصل معايا نفس الموقف وحطلى 42 لتر مع ان تانك العربية 40 لتر وكان فيه حوالى ربعة وهعمل ايه هى فيه حاجة تقول ان التانك كان فيه لتر حته
دة بيبقى معناة وجود هواء فى دورة الوقود وياريت بردة تشوف خرطوم الفايظ هل سالك ولا لأ
دلوقتى السرقه بقت عينى عينك ... والرقابه تكاد تكون منعدمة
أولا : البنزين بيتغش بكل الطرق بيخلطوا 80 على 90 على 92 .... بيضيفوا على البنزين مياه وتينر ونفتالين علشان متحسش بحاجه فى السحب
ثانياً : بيلعبوا فى العددات
ثالثا : لازم تدفع بقشيش كمان وكل مرة يطلبوا بزياده معدش بيعجبهم النص جنيه ولا جنيه عاوزين 2 جنيه يابيه
دا يبقا سرقة فعلا لأن دا بيخلي البنزين يتبخر اكتر وبالتالي العداد يعد اكتر طبعا
اما عن البقشيش فانا بدي بمزاجي لو طلب مبياخدش
مرة مونت صفيحة ب 37 جنيه وكنت مديله 50 لقيته مديلي 12 جنيه وبيقللي تمام كدة يا بيه قلتله لا مش تمام ناقض جنيه
قلي مهو دا لينا قلتله لما انا اديك يبقا ليك انما تاخده كدة لا هات الجنيه
فبعد ماداهولي قلتله شكرا قلي بس احنا كدة مخدناش حاجة؟!
قلتله لما انا اديك بمزاجي اه انما انت تفرضه عليا لا انا مش هديلك حاجة
قلي تحت امرك بس كان عايز يولع فيا طبعا