أولا شكرا على المجهود الكبيردة والتقرير الجامد كمان .
ممكن سؤال أيهم أفضل الكيا ريو زيرو 2012 ولا النيسان صنى زيرو 2012
وجزاكم الله خير ا
أولا شكرا على المجهود الكبيردة والتقرير الجامد كمان .
ممكن سؤال أيهم أفضل الكيا ريو زيرو 2012 ولا النيسان صنى زيرو 2012
وجزاكم الله خير ا
يا ريت أصحاب الكيا يشاركوا فى الرد على السؤال السابق
وجزاكم الله خيرا
حلوه اوي ال2012 دي كانها بتضحك ضحكات شريره
تسلم الايادي علي الموضوع الحلو دا
بس يردوا مش هاتسغني عن الكيا برايد
هيا فعلا عربيه كويسه جدا و حماله قاسيه بس اعتقد ان اللي ممكن تضربها هيا السيراتو " تاخد لقب العربيه اللي ثابته نفسها " و دا نظرا لانتشارها ف مصر و في دول كتير بالطريقه الفظيعه دي .... طريقه واحد ممكن يبقي فيه ما يقلش عن 10 سيراتو .... يا رب الريو تقدر تعمل حاجة و خصوصا انها مش بتتشاف كتير ف الشارع بالرغم من انها عربيه كويسه جدا
زي عربيات كتير أنا بسميها Shadow cars
على سبيل المثال:
- الفولكس بولو والجولف؟ كل الاعلانات عن الباسات والجيتا.
- الاسكودا فابيا ميني؟ كل الاعلانات عن الأوكتافيا.
- رينو ميجان 3 وسيمبول؟ مفيش اعلانات أصلا.
- تويوتا أفينسيس؟
- هيونداي آي 20 و آي 30؟
- مازدا 3 هاتش باك؟
- فورد فييستا و مونديو؟
- سيات ليون وألتيا؟ أصلا سيات عموما معدومة الاعلانات!
والقائمة تطول.. اعتقد الموضوع ده عبارة عن رد فعل السوق عن العربية بعد الاعلان
هل باعت بشكل كبير فيكمل الحملة التسويقية ليها على حساب غيرها ولا لأ؟ وكذلك سمعة موديلات السيارة السابقة كما الحال فى الرينو ميجان.
بس معظم العربيات اللي انت ذكرتها ياباني و الماني ماعدا كام واحدة بس دا غير ان الكوري في السوق المصري واخد حقو جدا جدا و دا اللي يخلي الوضع غريب بالنسبة لعربية زي الريو و خاصة انها بتنافس مع نفس فئتها الافيو و الاكسنت و الاتنين بايعيين جامد جدا بالنسبة للريو و الاغرب اكتر ان العربية فعلا كويسة جدا و محدش اشتكى منها مثلا ولا فيها عيوب صناعة و لا اي حاجة تبرر للتوكيل الاهمال في تسويقها
ايه الحلاوه دى.............دراسه هائله
تقرير ممتاز
يا اخونا انا جديد وعايز مساعد في عربيه معروضه عليا كيا ريو 2001 خليجي كامله علي 35000 مرفوعه 7 سنين الريو ديه عربيه كويسه ولا هادور علي قطع غيارها طول العمر والف بيها علي طوب الارض ارجو المساعده واسف علي الاطاله
العربية دي انا بشبهها بوحيد القرن
حلوة جدا بس حاجتها قليلة جدا جدا
وغيرو شكلها بسرعة وبعد كدة عملو 2003 لغاية 2005 وكانو بيسموها كريستالة الريو
بلاش 2001 هاتدوخك في حاجتها لكن ركوبة حلوة
بس لو مكيفة الموتور ضعيف على التكييف عشان هاتلاقيها 1300
ال 1500 في الموديل ده نادرة
ال 1500 منتشر في الشكل اللي بعدة اكتر بكتير
متشكر جدا لحضرتك للاهتمام وفعلا موقع متميزز ومهتم باعضائه
الريو من العربيات الاقتصادية جدا
والموضوع اكثر من رائع
انا عجباني العربية دي اوي بس خايف اجيبها بسبب موضوع قطع الغيار ده
مش عارف انا محتار بينها وبين الصني حضرتك رايك ايه
لا انا اقصد 2012
انا اسمع ان الريو سوقها مش ماشي في مصر يعني وحتى تقيلة في اعادة البيع كمان
هي لحد دلوقتي ماحققتش انتشار في السوق و بالتالي قطع الغيار و اعادة البيع مش هاتكون ممتازة مقارنة بالاكسنت ار بي مثلا
و في موضوع للمقارنة بينها و بين الار بي و المقارنة كانت لصالح الار بي خاصة الموتور ال 1600 سي سي
لكن الريو او الكيا عموما ليها محبيها و اللي بيحب عربية بيجيبها بغض النظر عن الاعتبارات الاخرى
بس لو حضرتك بتفكر بشكل اقتصادي فهي فعلا قطع غيارها مش منتشرة و في اعادة البيع ممكن تكون تقيلة شوية بس مش بتخسر ولا سعرها بينزل زيادة عن غيرها لان زي ما قلت عربيات كيا ليها زبونها
دا غير ان مقارنة الريو الشكل الجديد بالصني صعبة شوية
الريو تصميم رياضي و شبتبي جدا في حين الصني تقليدية و شكل قديم
و حضرتك لو عملت موضوع في قسم المقارنات هاتلاقي اراء تفيدك اكتر بكتير ان شاء الله
انا اتعقدت اصلا وشكلي مش هاجيب حاجة
زي ما دونزي قالت لحضرتك انت قول رينج فلوسك ايه
وايه اكتر حاجة ممكن توصلها بالفلوس
وتشوف الرينج ده من الفلوس فيه فئات ايه
وامسك عربية عربية ودور علي رفيوهاتها و تقارير الاعضاء في المنتدي بتاعها
ولما تستقر علي واحده ولا اتنين
ممكن تعمل موضوع في المقارنات وتفاضل بينهم
ومتنساش الاستخارة طبعا :))
وربنا ييسرلك الخير
------------------------------------------
انا شوفت اعلان الريو الجديدة
شكلها حلووووو اوي ماشاء الله ...... بس اللون الازرق :))
بس سمعت خير اللهم اجعله خير ان في حبة استعباط في السعر
هل هذا صحيح :))
شكرا ليكم
انا بقالي فترة بعمل مقارنات لحد ماتعقدت
انا عايز حاجة في رينج من 80 ل 100 الف
بعد الفحص والمحص والتفعيص حصرت الاختيارات للتلاتة دول
الصني والريو والستيب واي
الصني جامدة
مشكلة الصني ان شكلها مش شبابي
الريو شكلها والصالون بتاعها عاجبني بس قطع الغيار والبيع بعد كدا
الستيب واي عجباني بس ماعرفش عنها كتير واسمع بردو ان مش اي حد بيفهم فيها وقطع الغيار مش متوفرة اوي وغالية
عرفتوا ليه انا متعقد
مالها الموصلات بقى
ماهي المواصلات لو أدمية كنت انا اول واحد ركبت مواصلات وريحت نفسي واهلي و ركبنا مواصلات بدل القسط والكلام ده كله
بس لا مواصلات ادمية .... ولا التعامل مع الناس بقي ادمي ... الا ما رحم ربي
---------------------
انا بقترح انك تعمل موضوع دلوقتي في المقارنات لو ناوي فعلا تجيب عربية
وتاخد رأي الناس هناك
علشان منغيرش مسار الموضوع و يبقي فيه فرصة اوسع واكبر ان اعضاء كتير من ملاك كل نوع يردوا عليك ويفيدوك
و متنساش الاستخارة في اي حاجة تعملها لانك بتفوض فيها امرك لله وهو اللي بيختارك
واكيد ده احسن افضل حاجة ممكن تعملها
ربنا ييسرلك الخير يارب
أنا تعبت جداً في البحث عن قطع غيار كيا ريو 2011 , إبني عمل حادثة وحصلت أضرار في الجزء الأمامي من السيارة , أخذت السيارة للتوكيل في أبو رواش وكان مبلغ المقايسة بحدود 70000 جنيه بينما انا شاري السيارة ب 90000 جنيه , المهم , نقلتها عند سمكري وتمكنت من الحصول على بعض قطع الغيار من التوكيل ولكنني لم أجد شاسيه الاكصدام الأمامي لحد الآن في معظم فروع كيا ووكلائها ولا في محلات قطع الغيار وإصبت بخيبة أمل وأنا الآن في إنتظار وصول قطع الغيار في التوكيل
رائعة كيا الجديدة وبصراحة موديلات كيا تحفة
السلام عليكم ورحمة الله وبركاته
مجهود رااائع
لك كل الشكر
بارك الله فيك . رحت عند الجندي يوم أمس ولم أجد عنده شاسيه الإكصدام الأمامي
شكراً Donzi وأتمنى أن لا تمري بهذه التجربة المريرة
الكيا الأن اصبحت منافس قوى جدا لليابانى وربما تفوقت عليه