أنا قررت أروح بورسعيد , قولولى أنضف محلات هناك أية و ممكن أشترى أية من هناك ؟

**MaNoLa** · 07-10-2011 06:05 AM

بقالى كتير كل شوية بروح بورسعيد لأن البلد دى أنا بحبها أوى و هاديه كدة و الخروجات فيها كويسة بس للأسف عمرى ماجربت أجيب حاجة منها كل ماروح أجيب يا أما هدوم يا أما أجيب حاجات مالهاش علاقة بالعربيات على سبيل الذكريات بقى
المرة دى بقى قرايبى كلمونى و قالولى يعنى تروحى بورسعيد من غير ماتجيبى حاجة من هناك دى منطقة حرة أنتى مش بتشوفى العربيات ولا أية حسسونى أننا دماغى هتون و الفكرة عششت فى دماغى أننا لما أروح هناك لازم أجيب حاجات سواء ليا أو ليهم

بالنسبه لى بقى أية إلى ممكن أجيبه من هناك و ميتعوضش فى أسكندريه يعنى حاجات نادره أو سعرها أرخص
و أية ممكن أجيبه هدايا لصحابى أو قرايبى يعنى تكون كماليات مثلا بسيطة مش لازم تقولولى جنوط مش عايزين نوسعها أوى هما كبيرهم معايا كل واحد دريكسيون أو أسبويلر تقليد أستانلس معفن أو حاجة زى كدة لحسن أفلس ههههههههههههههههههههه

**A.Saad** · 07-10-2011 07:56 AM

بورسعيد مشهورة بقطع الغيار الاستيراد وانصاص العربيات
يعنى شوفى دينامو موتور
كدة يعنى

**ASKAFRAWY** · 07-10-2011 09:51 AM

مفيش اى حاجة تفرق عن اسكندرية فى السعر
انا دايما هناك وحاسس ان الاسعار بقى مبالغ فيها جدا

**ASKAFRAWY** · 07-10-2011 10:50 AM

المشاركة الأصلية كتبت بواسطة ahmedzizo131

بسم الله الرحمن الرحيم
بين و بينك الاسعار كلها واحد ( بورسعيد ذى اسكندرية ذى القاهرة ذى طنطا و المحله ..... الخ )

لا والله يا فندم فيه فرق مبالغ جدا فى نفس السلعة بين المحافظات...لدرجة انى لقيت حاجات فى اسكندرية اقل كتير فى السعر...خصوصا فى الملابس وقطع غيار السيارات دول اكتر حاجتين لفتوا نظرى

**MOUSTAFA_SAAD** · 07-10-2011 05:36 PM

المشاركة الأصلية كتبت بواسطة manola

ميرسى عشان قولتولى على الموضوع دة
طيب أية إلى موجود هناك نادر يعنى مش موجود فى أسكندريه ؟
أكيد فيه يعنى حاجات نادره هناك

هو انتى لازم تروحى بورسعيد
محافظات مصر كلها زى بعض
ممكن تسافرى تركيا ولا ماليزيا وتشترى حاجه غريبه من هناك

**A.Saad** · 07-10-2011 07:21 PM

الحاجات النادرة فى المتحف المصرى
بس ده مش للعربيات

هو فيه فى مصر حاجات نادرة
الحاجات النادرة بتبقى عند مدمنى السيارات زى اعضاء المنتدى ده
ودول وقت ما بيبيعوا
بيبعوا لغاوى زيهم برده
العربيات هواية
ومش كل سواق صاحب هواية

**Youssef.Awad** · 08-10-2011 01:35 AM

بورسعيد مش زى زمان حتى فى العربيات اسعار كل حاجة مرتفعة وبدون مبالغة ممكن حاجات تكون فى القاهرة ارخص من هناك
هى مسألة احتياجات وتلبيتها لو محتاجلها انما حاجات زيادة ولقطة ولازم تشترى ما اظنش

-

-

-

الموضوع: أنا قررت أروح بورسعيد , قولولى أنضف محلات هناك أية و ممكن أشترى أية من هناك ؟

LinkBack

أدوات الموضوع

عرض

أنا قررت أروح بورسعيد , قولولى أنضف محلات هناك أية و ممكن أشترى أية من هناك ؟ - انشر الموضوع فى :

-

-

-

-

-

-

المواضيع المتشابهه

توكيل نوكيا ( رايه ) بدل ما تصلح موبايل هناك روح بوظ موبايلك هناك

لو اى واحد مسافر بورسعيد محتاج حاجة بسيطة جدا من هناك

استفسار عن مصيف في اسماعليه أو فايد أو بورسعيد رخيص و مايكونش محتاج عربيه هناك

طلب من أهل بورسعيد أو الدايسين هناك

الكلمات الدلالية لهذا الموضوع

المفضلات

المفضلات

ضوابط المشاركة