المشاركة الأصلية كتبت بواسطة salah_86
شكرا على رد حضرتك بس انا على فكرة عربيتى طاسات مش جنوط وربنا يوعدنى بالجنوط بس دا اللى مخلنيش اقتنع بكلامهم فى المصيلحى اما بالنسبة لقطع الغيار فانا انهاردة روحت الرواس اشتريت من عندة تيل الفرامل الاصلى ب 495 بالمصنعية وهو دا التيل الاخضر زى اللى انا خلعته من عربيتى اول مرة وكان موجود عندهم التيل الرصاصى ب 489 بالمصنعية بس انا فضلت اجيب الاخضر زى اللى انا خالعة من العربية بس لقيت باقى الحاجات اسعارها اغلى من المصيلحى فرحت على المصيلحى اشتريت فلتر الهوا والبوجيهات وفلتر الزيت ولما رجعت شبين الكوم ( لان انا من المنوفية ) روحت مركز الصيانة اللى انا بتعامل معاه وعملت صيانة ال 40000 مع ان العربية لسة 37000 بس قلت علشان ابقى فى الامان غيرت التيل الامامى وفلتر الهوا والبوجيهات والزيت وفلتر الزيت ونضفولى التيل اللى ورا ولجلشولى الفرامل اليد وربطو العفشة ناقص بس بليل اروح اغسلها بقى
طبعا انا فكرت كتير اروح دايموند الرئيسى بس هيبقى بعيد عليا قوى خصوصا ان شغلى فى مطار القاهرة يعنى انا علشان اروح انهاردة اشترى قطع الغيار الاصلية واعمل الصيانة اخدت اجازة