محتاج الاربع كارتيرات خلف الكاوتشات لفيكترا بي

يا جماعه يا ريت اللي يعرف الكارتيرات اللي بتركب في الرفارف ورا الكاوتشات(الاربع كاوتشات) بتوع فيكترا بي 99 بتتباع فين او اقدر اجيبها منين وسعرها يعمل في حدود كام يا ريت يقولي عشان انا محتاجها ضروري جدا

عمرو باشا إزيك
والله اللى أنا أعرفه إن الكرتيرات بتاعت الفيكترا b الجوز الامامى ب150 جداد
والفردة الواحدة أمامى إستيراد كانت 150 وبعد مناهدة ووجع قلب وصداع ونشفان ريق ب 120

انا شاري الكارتيرة الامامية يمين ب50 جنيه اصلي مفكوكة من نص قدامي فيه تفاوت اسعار غريب

فعلا يا باشا فى تفاوت كبير فى الاسعار بين القاهرة والإسكندرية مش عارف ليه

ازيك يا ابو حميد الف شكر على ردك السريع
انا بتكلم على فكره على الكارتيرات اللي هيا الدلايات الجلد دي اللي بتبقى ورا العجل
بس انا سمعت انها رخيصه عن كده
ويا ريت يا احمد تقولي دي منين
ولو دي بتاع الوبل يا phoneيا ريت برده تعرفني هيا جايه منين من اسكندريه والف شكر ليك

يا عمرو فهمنى عشان انا كدة إتلخبط
دلوقتى مش إنت قصدك على الكريترات الفيبر اللى حواليين العجل
ولا الدلايات اللى بتركب ورا كل عجلة

الدلايات اللي وراء العجل الجوز ب30 جنيه بتوع الفيكترا بي وبتوع الفيكترا ايه ب25 وبيخلوا شكل العربيه جميل جدا وانت ماشي وراها

اسمها لطاشات برده وموجوده في الفيكترا بي 1فقط البي 2 مالهاش علشان العتب الرياضي

فيه فرق بين الكارتيرات والدلايات
الكارتيرات الواحدة ب40
الدلايات الجوز ب15
فيكترا a

فى التوفيقية اشكال و انواع
انا جبت طقم ماليزى كان ب35 جنيه
بس بتاع الفيكترا ايه
و لما جيت اركبة
لقيته و احد الدورانات بتاعت الرفارف

اقتباس:

---

المشاركة الأصلية كتبت بواسطة ahmed_lol2007

يا عمرو فهمنى عشان انا كدة إتلخبط
دلوقتى مش إنت قصدك على الكريترات الفيبر اللى حواليين العجل
ولا الدلايات اللى بتركب ورا كل عجلة

---

اسف يا ابو حميد انا قصدي فعلا على الدلايات اللي بتبقى ورا العجل ... لخبطتك معايا معلش اخوك مالوش في العربيات اوي
بس انت خلتني برده انزل ابص على الكارتيرات اللي فوق العجل برده ولقيت واحده ناقصه عندي
كتر خيرك والله يا احمد

بس فعلا هلاقي في التوفيقيه يا طناني بتوع الاوبل فيكترا بي لاني لما كنت في بور سعيد دورت عليهم ما لقيتهمش

والف شكر يا جماعه على ردودكم

في اسكندرية من شارع 30 وانا تحت امرك ياباشا

تسلم يا كبير