ارجو الإفادة في كهرباء المباني

**ehab** · 07-10-2011 02:10 PM

السلام عليكم ورحمة الله
انا عندي ارض في التجمع الاول اسكان عائلي
نظام البناء فيها بدروم و دور ارضي و 3 ادوار
اثناء تركيب الكهرباء الكهربائ ركب السلك الصاعد بتاع الكهرباء 35 مل
جم بتوع الكهرباء يعملو معاينة عايزين يغيروا السلك الي 70مل

هل دا لازم يتعمل او بمعني اصح اكثر امانا مع العلم ان كل دور شقة واحدة
لو حد ليه في كهرباء المباني يفيدني او حد بني في التجمع قبل كدا

المشكلة في التغيير دا ان هنكسر كتير في حاجات متشطبة

و شكرا

**mrghost** · 07-10-2011 04:22 PM

بص حضرتك اولا السلك نحاس ولا الومنيوم ؟
ثانيا كل ما تزود مساحه مقطع السلك بيبقى امان اكتر ويتحمل اكتر
ومفروض ميبقاش فى تكسير لان الكابلات دى مفروض انها معديه جوه مواسير بلاستيك يعنى تشيل وتحط
وطبعا لازم تغيره لان الصاعد لازم شركة الكهرباء تستلمه وتوافق عليه

**ehab** · 07-10-2011 04:42 PM

المشاركة الأصلية كتبت بواسطة mrghost

بص حضرتك اولا السلك نحاس ولا الومنيوم ؟
ثانيا كل ما تزود مساحه مقطع السلك بيبقى امان اكتر ويتحمل اكتر
ومفروض ميبقاش فى تكسير لان الكابلات دى مفروض انها معديه جوه مواسير بلاستيك يعنى تشيل وتحط
وطبعا لازم تغيره لان الصاعد لازم شركة الكهرباء تستلمه وتوافق عليه

اولا شكرا لرد حضرتك
السلك نحاس
الكهربائي الي ركب قال ان المواسير الي ؤاكب مش هتساع دخول السلك ال 70 مل
جيراني الي ساكنين من فتره مش مركبين 70 مل

**ahrambc** · 07-10-2011 05:45 PM

فى حالة وجود اعمال تكسير كثيره

يمكن تركيب كابل خارجى بقطاع يتحمل الأحمال المستقبليه

و بدون تكسير اطلاقا ....فقط بعض التخريم

طبعا منظره ليس جميلا جدا لكن يمكن تغطيته ببعض الورد الصناعى

مثله مثل مواسير الغاز الطبيعى التى لابد و ان تركب خارج الحائط

**yoko** · 07-10-2011 05:50 PM

حط 70مم لإن لو ركبتوا أحمال كتيره السلوك مش هتستحمل وكمان كل ما السلك يكون أتخن عمرة الإفتراضي هيطول لإن لما تحمل سلك 10 سنين ب 50% من قدرته غير لما تشغلة ال 10 سنين ب90% من قدرته

ال35 هيكفي بس مش أكيد و الاحسن 70 طبعا
ومعلش مساحة الشقه كام

**A.Saad** · 07-10-2011 07:34 PM

عندنا نفس الوضع من كام يوم
ممكن تركبه من فوق
يعنى من اخر دور فيه المواسير
انزل بالسلك

والسلك تجيبه من مكان موثوق فيه
شركة زى جيلا او السويدى او موزع معتمد للكابلات
لان الغش فيه للركب