الموضوع: النمر الجديده

المشاركة الأصلية كتبت بواسطة elpasha009

فعلا يا بشمهندس كريم إحنا عملنا الكاميرات ده بس للأسف في المحافظات بس لأن القاهرة مش مسموح لأي شركة تشتغل في الحاجات ده غير لشركة واحدة بس لدواعي أمنية:).(طبعا دواعي أمنية وإقتصادية.من الأخر الشركة ده تبع واحد منهم:)).
وللأسف الكاميرات كلها على مستوى مصر وخصوصا القاهرة بتستخدم 90% في الحالات الأمنية فقط.مع إنها أصلا راكبه لإدارات المرور وإستخدام إدارات المرور.لدرجة إن إحنا حاولنا كذه مرة نعمل مشروع إن أي شخص نازل بعربيته يقدر يشوف الشوارع والميادين اللي هيمشي فيها أخبارها إيه وزحمة ولا لأ عن طريق النت أو الموبايل بس طبعا رفضوا الموضوع قلبا وقالبا لدواعي أمنية برضه:).
المشكلة التانية بقى إنهم بيبقوا شايفين كل حاجة ومتبعين الموقف فعلا بس مش بياخدوا أي رد فعل:) وبصراحة مش عارف هما ليه بيركيبوها أصلا؟!!!!:)
والله كذا مرة أشوف بيعيني قاعدين شايفين الدنيا معكوكة وفي الأخر يبعتوا أمين شرطة ولا عسكري علشان يحلها:)
بس الخبر الجديد بقى إن الكاميرات الجديدة كلها اللي ركبت السنة ده في الإشارات هتتوصل بسوفتوير مخصوص بحيث إنها هتلقط رقم العربية أول ما تظهر في view بتاع الكاميرا مهما كانت سرعتها ومهما كان عدد العربيات اللي هتظهر في نفس التوقيت وهيقدر يعمل تراكينج أو تتبع للعربية بحيث إنها أول ما تظهر في أي كاميرا تانية يديله تنبيه ويمكن هو ده اللي قصده عليه صاحب الموضوع.ومش عاوز أخوفكم وأقولكم إن السوفتوير ده بيقدر يعمل تراكينج لسرعة العربية لحد 180كيلو ومش بس كده لأ ده كمان بيعمل تراكينج لوش السواق نفسه:).

قولتش حاجه انا اهه الموضوع طلع صحيح و في امل إن شاء الله انه يشتغل هنا في مصر و بفاعليه إن شاء الله خلينا ننضف بقي و نبقي متقدمين

:)