فورد فوكاس 2007 اوكتنها 95 بحد ادني حد جرب معاها 90 او 92 وهل كان فيه تسقيف في الموتور و الكاتالوج كاتب حاجه عن الاضرار الناتجه عن استخدام بنزين اقل من 95 و العربيه دي نظمها ايه تنصحونا بيها ولا بلاش احسن
عرض للطباعة
فورد فوكاس 2007 اوكتنها 95 بحد ادني حد جرب معاها 90 او 92 وهل كان فيه تسقيف في الموتور و الكاتالوج كاتب حاجه عن الاضرار الناتجه عن استخدام بنزين اقل من 95 و العربيه دي نظمها ايه تنصحونا بيها ولا بلاش احسن
ايه يا جماعه ما حدش جاب العربيه دي من اساسه ولا ايه
الخليجى منها لازم 95
اما المصرى, بضمان الوكيل, فالموتور مختلف, و بيستخدم 92 عادى
حضرتك انا رحت عملت لها test drive عند الوكيل
و كان معايا واحد من التوكيل, و اتكلمنا فى النقطة دى
ان المصرى, فيها موتور مختلف عم اللى بينزل فى الخليجى, علشان دى بتستخدم بنزين 92, اما الخليجى اللى 115 حصان, فدى لازم 95
زى الفولكس باسات اللى بموتور MPI ده بيستخدم بنزين 92 و هو 102 حصان, اما ال FSI بيستخدم 95 و ده 115 حصان
هل حضرتك متأكد انها من الوكيل المصرى, و ليست خليجى؟
على فكرة الوكيل كان نزل فى الجرنان جواب من المدير الاقليمى لفورد فى الشرق الاوسط, و كان مكتوب فيه الكلام ده
اخويا معاذ انا شفتها من علي التانك وكتبت الموضوع ده في مشاركه لنكها اهوة
عريبتك اوكتنها كام اوعى من الغشاشين او المستهبلين او الحراميه
و الراجل بتاع التوكيل قال 92 واستهبل فيها ,, وانا استهبلت اكتر وفتحت التانكولقته 95 علي الاقل فبشوف الاعضاء اللي معاهم عملوا ايع
بس انا شيفهم بعيني وماحدش قال لي
يا جماعة العربية مع واحد صاحبي من سنة و نص...و من يوم ما خرجت من المعرض و هو بيحط 92...و مافيهاش اي مشاكل تذكر...لا ضعف في السحب و لا تسقيف و لا الكلام ده
ياكبييييييييييير
انا بتكلم علي اللي في التانك 2007 وبسأل لو حطينا 92 ها يجري حاجه طيب لو ما جراش يبقي المصنع ما يعرفش في العربيه حاجه انا عاوز حد يفهمني
طب ما هي 2007:)
يا راجل انا افتكرتها 2007 :rofl:
يا جماعه انا مابتكلمش عن اللي بيقول ولا اللي بيحط انا عاوز حد يقول لنا حصل حاجه في العربيه طيب ولو حطينا 92 الضمان هايسقط
طب اخبار الصفع في المحرك بال 92 عامل ايه لان المواقع الاجنبيه قالت انه غلط علي شان الصفع اللي بيحصل في المحرك
ابوس اديكم ركزوا في الموضوع ده
يا باشا هو حضرتك قريت كلامي اللي فوق؟؟
باقول مافيش صفع ولا تسقيف ولا ضعف في السحب ولا اي حاجة
و مافيش حاجة اسمها ضمان يسقط عشان البنزين...و لو العربية كان هايحصل فيها حاجة كان هايبان بعد 30000 كيلو استخدام
هدي نفسك كده و روق باللك
يا جماعة العربية معايا 2008 بقالها 4 شهور
والعربية ما شاء الله رووووووووووعة
بحطلها بنزين 92 عادى
ولما بشغل الستيب ترونك بحس انى مش عارف الم العربية من جنانها
على الرغم من ان انا بسوق بسرعات عالية ومنخفضة وكله
يعنى مش جديد عليا الحرق بالعربيات
مانيوال واوتو
شغال ببنزين 92 وحاسس ان الموتور لما بديلة ستيب ترونك واكارك على دواسة البنزين(أحط وأشيل بسرعة ورا بعض) بيكون تجميعها خياااااااااااااااااااااال ى
رغم ان التانك مكتوب عليه95
والضمان شغاااااااال عادى ومافيش اى حاجة خالص
وبيفحصوا على كل حاجة
وغيروا فلتر البنزين فى صيانة ال5000 ومش اتكلموا فى اى حاجة خالص
واللى يقول حاجة ممكن يعملها الـ 95
انا حاولت اجيب بيها اقصى سرعة
خلال 7 دقايق ووالله الطريق زحمة كنت ماشى 185
وكانت ممكن تجيب اكتر
ووصلت معايا مرة 190
بس كانت بتاخد وقت شوية
اعتقد ان الـ 95 يخليها تجيب اكتر
وكمان كان نفسى حد يفيدنى فى الحوار ده
هى 240
يعنى المفروض تجيب على الأقل 220 210
كده
لكن 190 حرااااااااااااااااااااام
دى 2008
اللى عندة الحل يقولى ازاى اخليها طيارة
وللتواصل معايا ياريت عبر المسنجر
Twister_406@hotmail.com
ياريت بلاش التطنيش
واتمنى اننى اكون افدتكم بحاجة
ماهي 190 علي شان البنزين لازم ها يفرق في حرق العربيه كمان السرعه القصوي كام ولازم تخلي بالك من الهوا يعني يكون في ضهرك مش في المواجه
بس صحيح الثبات اخباره ايه علي 190 ويا ريت تقول لنا تقيمك يعني عجبتك في ايه ومعجبتكش في ايه بالامانه كمان حضرتك نازل من عربيه نوعها ايه وشكرا للاهتمام
بص يا معلم
انا كنت ماشى على 190 وانا عموماً مش من عشاق اللانسر
انا من عشاق الأوبترا
والناس عارفة التفريق العنصر بين بتوع الأوبترا واللانسر
كان راكب معايا واحد معاه لانسر
بيقولى العربية دى مش ثابتة قوى على فكرة
طبعاً سخنت عليه
قلتله طيب
اعملك ايه علشان تصدق
اهوه
رحت سايب إيدى خالص
طبعاً خاف
طبعا العربية مش اتحركت مللى حتى
سبته فترة طويلة
مسافة 20 او 30 ثانية
طبعاً مابياكلش معايا
دة فوكس والأجر على الله
قاللى مش مصدق
هوه أساساً كان عايز يجربها
ههههههههههههه
شايفنى هندى
وانا عممال اغيظ فيه
قلتله طيب
شوف الغرز اللى جاية
ومسكت الصحراوى فى اليمين
من يمين العربيات لشمالها
رايح جاى
كل ده ماشى على 190 ولما بقل مش بقل عن 160
جميل
طبعاً باللانسر كان ظهر العربية بيتحدف "تقدر تقول بيتزحلق"
لكن دى "ما شاء الله" بتتنقل
مش أكتر
طبعاً أظن الثبات كده يعنى مش هحتاج أكتر من كده
ودى فورد فوكاس 2008 جيا فل أوبشنز اللى بـ 150,000
بـ ABS و EBD و ESP
و فتحة سقف و كمبيوتر تشخيص اعطال و Mp3 Sony
وعلى فكرة
ممكن تضيفنى وأقولك على كل حاجة فيها
وإيميلى Twister_406@hotmail.com
وأنا مستنى اضافتك ليا
بالنسبة للعيوب فهى ضعيفة قوى
زى مثلاً الكنبة ضيقة نسبياً بالنسبة للأوبترا
تقريباً زى الفيكترا
وعيوبها ان تسارع الأول فى البدايه ضعيف شوية
يعنى تحس انها طيارة بتتحرك
وتحس بتقلها على الأرض
طبعاً لو عايز تسارع وهمى عليك بالستيبترونك وتكارك على دواسة البنزين
بس فى ميزة رهيبة
ان روح النقلة طويييييييييييييييل
يعنى مثلاً انا من شوية جربت احرق
بس مش قوى
يعنى لحد 5000 على الأول
جابت معايا 70
وكان ممكن تكمل لحد 80 كمان
يعنى لو بتشد مع حد هوه نقلته تخلص ويخش على نقلة تانية بى rpm جديد من الأول لكن انته مجمع كامل قوة العربية
ودى جربتها مع عرية أوبل
جاب اول وتانى وكان داخل على التالت وكنت انا حارق على الأول
زودت نقلة ستيب ترونك كنت فارقة ب100 متر فى مفيش
وعلى فكرة الأوبل دى 1600
ومانيوال
يعنى المفروض يعلم عليا
واى خدمة انا موجود
بس ياريت على الماسنجر
شكراً
==========
تنبيه للعضو من استخدام اللون الأحمر
يرجى مراجعة قوانين المنتدى
وشكرا
الادارة 3
في ناس عملوا ليها تست درايف قالوا ان السحب بتعها وحش بعد ال120 وانهم جابوا بيها ال130 بالعافيه وان الموتور صغير عليها وبالمناسبه هي جيا انا معرفش الكلام ده صح ولا لا وانا ضفتك علي الماسينجر و الف شكر
لا يا راجل
دى تجيب ال160 هوا
والله بتجمع حلو خالص
بالذات الستيبترونك
الاوتوماتك مش قوى
وكمان ممكن تشغل كليك ال"كيك داون" ودة موجودة اخر دواسة البنزين عبارة عن زرار
لما بيشتغل بتبقى ولععععععععة
امال الراجل بيقول كده ليه انا عارف اني تقلت عليك بس اصل العربيه داخله دماغي اوي بس بصراحه كدا خايف من اللي بيتقال عليها بالنسبه للسحب وقطع الغيار يس العربيه ما شاء الله عليها تحفه بس كلام ده مخوفني زيوكمان نفسي حد يطمني علي حكايه ال 95اقتباس:
طلعنا على طريق القطامية, و الراجل قالى اعمل اللى انت عاوزه, احرق, شد, غرز, اى حاجة براحتك (قلت فى نفسى هندمه, لكن هو كان واثق جدا) فسالته و رخصتى لو اتسحبت مين يجيبها, قالى متقلقش
اكتشف بعد كده سبب ثقته العالية دى, و ان رخصتى مش هتتسحب, العربية تقيلة جدا على موتورها, التسارع سىء, حتى عندما تنقل الفتيس الى مانيوال, اقصى سرعة عرفت اوصلها بعد عناء كانت 130 كم\ساعة, و الطريق مكنش زحمة اوى, هى طبعا ممكن تجيب اكتر بس مظنش اكتر من 150-160 كم\ساعة
لو سمحت يا جماعة صورة أو وصف مميز للموديل إلي نزل مصر
وشكراً