-
أعمل صيانتك بنفسك
السلام عليكم على أحلى أعضاء
حبيت يكون لينا احنا كمان زى اخواتنا فى قسم االدايو موضوع خاص يصيانة اللوجان زى العربيه الدايو بأنواعها
المهم حبيت الأول أشكر كل أعضاء الدايو على مجهودهم الفعال فى توضيح كل عيوب و طريقة التعامل معها
و بما انى كنت و ليا الشرف انى كنت أحد الأعضاء بهذا القسم
وكانت عربيتى لانوس
فحبيت يكون لينا نفس الفكر و الجرأه على عمل صيانة عربيتنا اللوجان بنفسنا و كسر الحاجز النفسى بينا و بين العربيه اننا نمد ايديينا فى العربيه بنفسنا
و بصراحة مش عارف اذا كان حد هنا فى قسم اللوجان اتناقش و عمل الموضوع ده قبل كد و لا لأ
بس عمتا حبيت تكون مشاركتى أكثر فعاليه بالموضوع ده
الأول و انا بتصفح على النت و بحاول اعرف كل حاجه بالتفصيل عن اللوجان لاقيت موقع روسى ترجمته بالعربيه و لاقيت فى كتالوج بالصور زى ما هعرضها عليكم ان شاء الله عن كل مسمار و كيفية صيانة اللوجان على اساس انى أحد متخصصى الرينو
المهم حملت الملف بعد عناء شديد و كانت مساحته حوالى 400 ميجا بايت و نزلته على جهازى و بدأت اتصفحه و لخصته كالتالى
هنقسم الملف على عدة مراحل
أولا دى صورة توضح اختبار الأمان للعربيه و هيا فعلا واخده 3 نجوم من 5 فى اختبارات الأمان الأوربيه و لو لاحظنا ان العربيه معجونه بمعنى الكلمه و مع ذلك الأبواب ممكن تتفتح عادى
http://disk07.arb-up.com/i/00092/tythp3y2b92u_t.jpg
ثانيا دى صورة بتوضح أبعاد العربيه و ارتفاعها
http://disk06.arb-up.com/i/00092/sqqcopiszl22_t.jpg
ثالثا ممكن نفك فلتر الهواء و ننضفه و الأيدل كنترول و ننضفه و كمان البوابه و نضفها زى اللانوس بالضبط و بنفس السهوله و دى صور توضح السابق
1- هنفك العمه من الكلبسات
http://disk07.arb-up.com/i/00092/mgoayn9uyuhh_t.jpg
2- هنفك المسامير بتاعة العمة
http://disk07.arb-up.com/i/00092/mpmqftlyrkho_t.jpg
3- هنلاقى العمه طلعت و كامن فلتر الهوا و ممكن ننضفه بالهوا المضغوط
http://disk07.arb-up.com/i/00092/152ggmrj53l3_t.jpg
4 - نرفع العمه و هنلاقى مسماير مثبتيها فى الوابه نفكهم و نفك الخرطوم الواصل بين قاعدة العمه و غطاء التكيهات بتاع الفايظ هنلاقى البوابه
http://disk07.arb-up.com/i/00092/szmq35iwoj6n_t.jpg
4 - نفك فيشة الأيدل
http://disk07.arb-up.com/i/00092/hp3hpi8bmbhb_t.jpg
6 - نفك المسامير بتاعته من الخلف
http://disk07.arb-up.com/i/00092/3hb6uwyh1ohh_t.jpg <
7 - و ده شكل للمسامير من الخلف
http://disk07.arb-up.com/i/00092/21tthbe8p72q_t.jpg
8 - نفك الأيدل بحرص و خللى بالك من الجوان
http://disk07.arb-up.com/i/00092/6mqkhivfqnt3_t.jpg
9 - و دى صوره للجوان و الأيدل
http://disk07.arb-up.com/i/00092/nqqrd6m6oteu_t.jpg
و نضف بقى با باشا الإسبراى الجاف اسمه AKI وبعد كده بختين WD40
لزوم تزييت موتور الأيدل
طبعا انا لسه معملتش ده على عربيتى لأنها لسه يدوبك عامله 1000 كيلو موديل 2012
و ان شاء الله هعمل الكلام ده بنفسى فى صيانة ال 5000 قبل ماروح التوكيل و ده علشان اخد على العربيه بنفسى
و لسه ان شاء الله فى مواضيع تانيه ناوى أعملها بس الوقت و الشغل بحيث يكون عندنا مرجع عملى ان شاء الله و الكل يستفاد منه
زينا زى قسم الدايو بالضبط اللى فعلا بعتبره مدرسه نايل موتوز للفنياات الميكانيكية
أرجو أن ينال إعجاب الأعضاء و يكون ثواب نشر العلم فى ميزان حسناتنا جميعا
و نرجوا من أعضاء هذا القسم ان يجتهدوا فى البحث و نشر طرق صيانة اللوجان حتى يتسنى للجميع الإستفاده
و كما يقول رسول الله صلى الله عليه و سلم
خيركم من تعلم القرأن و علمه و فى رواية أخرى خيركم من تعلم العلم و علمه
لذا يا أخوانى دعونا نتنافس فى مقولة الرسول الكريم
تقبلوا تحياتى و السلام عليكم و رحمة الله و بركاته
و الى اللقاء فى الموضوع التالى ان شاء الله:3mla:
أخوكم أحمد صبرى:36_9_4:
تم تثبيت الموضوع لاهميته
مشرف رينو
ب9
-
الله ينور عليك . بس مين عنده قلب يعمل كده و منين نجيب وقت . انا كنت بشتغل في السعوديه كنت بعمل كل حاجه في العربيه بايدي لكن هنا الله المستعان . بس موضوعك جامد جدا و الله يعينك علي اكماله .
-
تسلم ايديك على المجهود و ربنا يوفقك و يباركلك فى عربيتك
-
تسلم الايادى.....موضوع رائع
-
بجد تسلم الايادي
مجهود تشكر عليه
-
بجد الله ينور وياريت نستفاد من التوكيل بردو لحد ما نقدر لحد مانخلص ال 100 الف كيلو وكده كده هتيجي الجراه نعمل كل حاجه بايدينا لان بعد كده اللي خش التوكيل هيبيع هدومه وده ميزه العربيه بسيطه جدا في صيلنيه استمر يابشا وياريت التثبيت ويكون في ميزان حسناتك
-
شغل 100 100 و منتظرين المزيد
-
موضوع هايل جدا منك يا ابو حميد .... الفكرة كويسة جدا اننا نعرف نعمل كل حاجة في العربية بنفسنا .... استمر و كلنا معاك نخلي الموضوع ده من احسن موضوعات صيانة اللوجان
-
شغل عالى يا باشا
و مجهود مشكور عليه
ويا ريت التقرير القادم يكون مصور زى ده لأن الصور بتفسر احسن من الكلام
-
المواضيع اللى من النوع ده إضافة ممتازة للقسم .. شكراً جزيلاً.
بس يا ريت تقول لنا ايه هو الايدل كنترول والبوابة وايه وظيفتهم فى العربية.
Content Relevant URLs by
vBSEO 3.6.0 PL2